CHAPITRE VIII

quoy nourrissent au jour d'uy les jennes escuiers et compaignons de guerre par défaulte de ce qu'ilz n'ont chastoy ne doctrine, ne sont tenus ' en la crémeur et discipline que à tel estât appartient. Car, par le moyen de doctrine et d'enseignement quel 2 chose est noblesse et que à estât de chevalerie appartient, les jennes escuiers mettroient paine 3 d'estre vaillans et d'acquérir bonne renommée, adfin que par ce moyen ilz peussent venir à Testât, honneur et haultesse de chevalerie. Lesquelz chevaliers ainsi notablement eslëuz, les princes devroient moult exaucier, amer, croire4, honnourer devant tous aultres.

Et, pour déclairer en effect l'ordre de chevalerie et la comprendre en briesves paroles, chevalier doit estre fait par main de chevalier et par espée. Et pour entendre l'exposition et signification de l'espée, elle a croix et en la lemelle deux 5 trenchans. La croix signifie que chevalier doit avoir ferme foy 8 et créance en Jhésucrist et en son église cristienne. Et, par l'un des trenchans de l'espée, soustenir et deffendre la foy et l'église", et par l'aultre maintenir justice par le moyen de quoy le povre poeuple est deffendu et gardé, comme dessus est touchié.

Chevalier, tant qu'il ait puissance de corps, doit incessamment poursiévir et s'emploier en l'exercite d'armes , contendant par ce moyen de parvenir à la vraye perfection d'onneur, laquelle nulz ne puet acquérir 7 sans vertu.

1 Ne tenus (C). — Ne soubstenus (H).

* Quelle (C, E, H).

5 Grant paine (H).

4 Croire et (H).