EXTRAIT DES TABLETTES

Dieu luy a donné les biens de l'esprit, mais il les a receus dans vn mauvais corps. Et que sert la Raison à vn malade qu'à luy rafifter le mal; qu'à luy aiguiser le sentiment; qu'à luy rendre la douleur tousjours présente par vne vive, par vne subtile, par vne violente appréhension ? le parle de la Raison purement humaine.

Les belles Maisons et les beaux Meubles, l'abondance et la grandeur ne servent pas davantage à celuy qui ne s'en peut servir. Vn homme n'est pas à son aise, qui sent des espines sur des matelas de satin. Il n'est pas heureux, s'il est etichaisné de la goutte dans Vne alcôve i s'il crache du sang dans des bassins de vermeil doré ; s'il est réduit aux hauts cris sous le dais où il s'est fait porter, avec des machines ; et si à l'heure mesme il se fait reporter dans le lict, où il he trouve pas moins de douleur.

Mets quand la douleur tie seroit fty ftiglië, tiy violente* quelle misère seroit-Ce de n'estre que le Spectateur des biens dont on est le Maistre? d'avoir en mesme temps, et de

n'avoir pas? d'avoir le droict et non pas Pvsage? Vne telle possession seroit vne perte continuelle.

N'envions donc point ce Nectar empoisonné et cette félicité corrompue, comme l'appelloit vn Poëte Italien de nos Amis. C'est vne mauvaise chose, que la faveur de Mecenas, avec ses veilles : l'Empire mesme d'Auguste, avec son chagrin, n'est pas vne bonne chose. 11 ne faut qu'vn petit mal pour gaster vne infinité de biens, et la délicatesse des Princes estime grands les plus petits maux.

N'avez-vous point ouy parler de ce moucheron qui entra dans l'œil du Roy Iacques d'Angleterre, vn jour qu'il estoit à la chasse? Aussi tost l'impatience prit le Roy; il descendit de cheval en jurant (ce qui luy estoit assez ordinaire); il s'appella malheureux, il appella insolent le moucheron, et luy adressant sa parole : « Meschant animal, luy dit-il, n'as tu « pas assez de trois grands Royaumes que je te laisse pour « te promener, sans qu'il faille que tu te viennes loger dans « mes yeux ? »

Ne pensez pas que la cholere du Roy fust artificielle, et qu'il eust seulement dessein de dire vn bon mot. Il estoit véritablement en cholere, lors qu'il parloit de la sorte. Mais il y a des choleres qui sont éloquentes ; il y a des passions qui ont de l'esprit, et celle du Roy Iacques estoit de celles-là.