CHAPITRE I

Narration du retour du Prince Antenor de Grèce, auec recitation de lexploit de son ambassade. Du conseil donné par Paris Alexandre sur ce, et de lappareil fait pour aller en Grèce, par le consentement du peuple de Troye, et au contredit du Prince Pauthus, Helenus et autres. Du partement de Paris, Deïphobus, et leurs compaignons. Et du congé prins par Paris de sa compaigne la Nymphe Pegasis Oenone. Auecques vue exclamation contre laueuglee emprise du Roy Priam.

Qvand le cler Soleil filz d'Hyperion, et neueu de Titan, faisant son cours parmy le Zodiaque, eut tant seiourné es parties méridionales, quil attaingnit la queue des Poissons,

10 ILLVSTRATIONS DE GAVLE, ET

et commençoit desia à retourner les frains de ses nobles cheuaux vers nostre climat et hemispere , exterminant toute froidure brumale, et que Neptune souffroit le nauiger parmy ses vndes sallees : nouuelles vindrent en la grand cité de Troje, que le Prince Antenor, et les enfans de Priam, et autres gentilzhommes, qui estoient allez auec luy, tant pour conuoyer les Princes de deçà la mer, comme pour fournir son ambassade en Grèce, ainsi que dit est dessus en la fin du précèdent liure, estoient de retour au port de Sigee. Alors le tresualereux Prince Hector, auec la plus part de ses frères, et aussi le gentil Iphidanas, Glaucus, Archelaus et les autres enfans d'Antenor montèrent à cheual, et allèrent au deuant dudit Prince Antenor, iusques au port dessusdit : là ou ilz le festoyèrent (1) et bienuiengnerent, et lamenerent en la cité, iusques dedens son hostel : auquel il demoura pour ce soir, sans monter au palais : et se refreschit auec sa femme, madame Theano, sœur de la Royne Hecuba.

Le lendemain matin le Roy Priam feit conuoquer tout son conseil, pour estre présent à la relation que feroit Antenor sur le fait de sa légation. Chacun obtempéra au commandement du Roy, et se trouuerent au palais, mesmement le Prince Hector, et tous les autres enfans légitimes, et pareillement les bastards. Le baron Antenor partit de son bostel, accompaigné de ses enfans, et de deux autres grans seigneurs de Troye : cestasauoir le vieillard Anchises père d'Eneas, iasoit ce quil fust aueugle, et le sage Panthus père de Polydamas. Ainsi monta Antenor au palais, si trouua le Roy assis en son throne Royal, auquel il feit la reuerence : et après ce que le Roy luy eut dit bienuien-

(1) /estierent (mscr. de Genève et éd. 1512).

SINGVLARITKZ DE TROTE. LIVRE U. If

gnant, et commandé de sasseoir, grand silence fut faite. (1) £t lors en pleine audience, il commença à conter et relater bien au long lexploit de son ambassade, et les responses, tant du Roy Telamon de lisle de Salamis, comme des autres Princes de Grèce, ses parens et alliez : et les recita par grand éloquence, vne pour vne. Lesquelles en somme toute estoient pleines de refus, opprobres et menasses. Et après les auoir ouyes et entendues, le Roy fut parfondement indigné. Si demanda aux Princes de son sang, et autres de son priué conseil, quelle chose il leur sembloit sur ce estre à faire (2) : Et consequemraent interroga ses enfans, sur ceste matière. Car bien en voulut auoir aussi leur opinion. Et premièrement sadressa à son aisné filz Hector, et puis aux autres. Les vns dirent dun, les autres dun autre, selon diuers sens, aages et affections. Et allega vnchacun ses raisons, desquelles escrire ie me déporte : car assez dautres en ont fait ample mention. Mais quand Paris deut parler à son tour, il dit en ceste manière :

« Mon tresredouté seigneur et père, limbecilité de mon foible entendement, répugne à pouuoir discuter si haute chose. Sur laquelle messeigneurs, qui icy sont, ont desia si magnifiquement opiné. Toutesuoyes, souz la bénigne supportation de ton trescremu commandement, et correction des mieux sauans et des plus expérimentez, ien diray deux mots : Cest quil me semble, que liniure à toy inférée iusques à ores par les Grecz, en détenant madame Hesionne ma tante, doit estre réputée de grand importance : mais non pas encores en degré suppellatif, attendu que point nauoies encores requis les détenteurs de la rendre. Mais

(1) /aict {éd. \5\2),/aicte (niscr. de Genève).

(2) affaire (mscr. de Oendve ei éd. 1512).

If ILLVSTRATIONS DE GAVLE, ET

maintenant que par ton ambassade et légat solennel, Hz ont esté semons et sommez de ce faire, et à ce ont esté non seulement contredisans, ainçois de nouuel irritans ta hautesse, par paroles ignominieuses et pleines diniurieuses reproches, il appert clerement, que l'ire de ta maiesté prouoquee par redoublé vitupère, de tant moins doit tolérer si grieue infliction dopprobre, comme ton sceptre est plus haut et plus eminent, que de nul autre Prince d'Asie ne d'Europe. Et à ce te doiuent animer la populosité de tes Royaumes, la forteresse de tes citez, lopulence de tes richesses : et principalement le nombre et magnanimité de tes enfans, dont le suis le moindre : et aussi la prouesse du demeurant de tes cheualiers et barons. Lesquelz comme ie croy, ne veulent, ny doiuent vouloir, que la haute dignité de ta couronne soit ainsi deffoulee, et que lorgueil et arrogance Grecque demeure impunie, ains tous dun vouloir deuons appeter que la vieille inimitié, et ancienne hayne, soit esteinte par nouuelle vengeance. Et pour ce faire, de tous les moyens quon peult imaginer à la guerre, ie ny en voy point de plus propre en ce cas, que de leuer marque sur eux. (1) Laquelle chose se peult faire aisément, en prenant aucune des plus nobles femmes de Grèce, pour prisonnière. Car alors ce quilz te refusent obstinément, monseigneur, ilz requerront de plein gré que tu prennes pacifiquement, par manière de commutation. Et de ces choses ây ie maintenant seure coniecture, et espoir infallible. Quand ie réduis à souuenance, que autresfois en vne vallée des montaignes Idées, où iay prins ma nourriture, par vision ou autrement, la Déesse Venus me feit promesse de chose seruant à mesme propos. Cestasauoir, que la fleur des femmes de Grèce, tomberoit vne

(1) mareare, prendre par droit de marque ou de reprôsaille».

8INGVLARITEZ DE TROTE. LIVRE II. 13

fois entre mes mains. A laquelle emprise, sil te plaist entendre, mon tresredouté seigneur et père, ie moffre de grand cœur dicy et desia daccompaigner celuy ou ceux de messieurs mes frères, ou autres ausquelz il te plaira en donner la charge. Tant pour le désir que iay de voiretcongnoitre du monde, comme pour le grand zèle qui me fait appeter la réduction de madame Hesionne : et aussi pour lesperance que iay de mayder à conduire la besongne à bon eflfect : et de voir le bout à layde des Dieux, à la louenge de ta haute seigneurie, mon tresredouté seigneur et père, et à la confusion des Gréez, noz anciens ennemis. »

Le parler du ieune adolescent Paris Alexandre fut recueilli en saueur et beniuolence, et fort exaucé par la plus part des assistans : et encore mieux soustenu par son frère Deïphobus. (1) Tellement que à ce iuuenile conseil sarresta le plus grand nombre des Princes : ou pource que les destinées le vouloient ainsi, ou pource que prospérité désire tousiours choses nouvelles. Si louèrent la grand prudence, et belle faconde de Paris, et son hardy entreprendre : mesmement le Roy Priam, par dessus les autres, lautorisa : meu de voulante aueuglee : affection vindicatiue, inflation dorgueil : et impatience de prospère oisiueté. Pource que à sa clere félicité autre chose ne luy sembloit porter obombration, sinon la rigueur que les Grecz luy tenoient, quant à la détention de sa sœur Hesionne. Si parla haut et cler, et dit : que louuerture faite par son filz Paris Alexandre, luy sembloit tresbonne : et que son opinion estoit, de la mettre à exécution. Plusieurs se y assentirent, voyans linclination de la voulante du Roy. Mais aussi en y eut aucuns qui repuguoient au contraire. Entre lesquelz, Hele-

(1) Deiphebus (mscr. de Genève et ëd. 1512).

i4 ILLVSTRATIONS DE GAVLE, ET

nus le tresprudent vaticinateur estoit le principal et le plus constant. Car par son grand sens et clergie, il preuojoit les destinées futures : et par sa science entendoit le chant des oyseaux et la signification de leur vol, comme met Virgile, au m. des Eneides, disant :

Troiugena interpres diuûm, qui numina Phœbi, Qui tripodas, Clarii lauros, qui sidéra sentis. Et Tolucinim lingaas, et prsepetis omina penn».

Parquoy il prophetisoit, que si Paris amenoit femme de Grèce, que les Grecz la viendroient recouurer à main armée, et demoliroient la noble cité d'Ilion : et que tous leurs parens et leurs frères, mourroient par main ennemie. Mais dautre part, lenfant Troïlus le plus ieune de tous soustenoit fort le conseil de Paris ; et autorisoit sa sentence à toute puissance : comme met Dares de Phrygie au commencement de son histoire.

Or recite iceluy Dares, sur ce raesme passage : que le Roy Priam, pour mieux coulourer son emprise, feit conuoquer la plus part du peuple de Troye, deuant son palais : et illec leur feit une longue harengue sur ceste matière : et leur remonstra toute la somme de son intention. Et pour les plus encourager, leur fait encores reciter par Antenor, les iniures quil auoit receûes par les Grecz, en faisant son ambassade. Lesquelles choses ouyes, le populaire tout à vue voix tumultueuse sescria, quon en prinst vengeance, et que point ne tiendroit à eux, que le Roy ne fust seruy en celle guerre. Toutesuoyes le sage vieillard Panthus, qui estoit lun des grans seigneurs de Troye, répugna fort, en remonstrant et allegant publiquement au Roy Priam, et à son conseil, ce quil auoit ouy dire iadis à son père Euphorbus, tressage vaticinateur, et tresprudent homme, cestasa-

SINGVLARITEZ DE TROTE. LIVRE II. 15

uoir que si Paris Alexandre amenoit femme de Grèce, que ce seroit la totale destruction des Troyens : en disant, que trop mieux valoit viure en paix, que par affection désordonnée se mettre en hazard de perdre sa liberté. Mais ce nonobstant le Peuple ne donna point daudience à lautorité de Panthus, ains persista en sa première conclamation . Alors le Roy Priam les loua de leur bon vouloir, et leur en rendit grâces : si les renuoya chacun en son hostel. Ce fait, le conseil et la tourbe populaire se desempafa : et tantost après (1) fut donné charge à Phereodus (2) le bon charpentier, filz du feure Harmonides, et amy de la Déesse Minerue : comme met Homère, au cinquième liure de l'Iliade, de fair venir grand maisrein (3) de la forest Ida, pour rabiller les nauires qui estoient es ports de Phrygie : et en faire de neuues si mestier estoit iusques au nombre de vingt. Lesquelles nauires ainsi quelles furent malheureuses à tous les Troyens, communément aussi y participa en malheur ledit ouurier Phereodus : car il fut tué pendant le siège de Troye.

0 Roy Priam, autrement bon Prince, et le meilleur des meilleurs, ne vois tu point que Fortune trop blandissante, laquelle ha esleué ton throne iusques aux cieux, ne t'ha ramené ton filz Paris des montaignes Idées, où il gardoit les bestes, pour autres fins, sinon à ce que son ieune conseil peu pesé en la balance de raison, preparast à ta prospérité le lacs de trebuchement merueilleux ? 0 hauteur de courage trop magnanime, enflé de gloire prospérante, qui te fait appeter tardiue vindication de torsfaits (4) inueterez.

(1) après supprimé dans le mscr. de Genève.

(2) Pherecleus (mscr. de Genève et éd. 1512).

(3) maisrien (éd. 1512) — Materia^ bois de charpente.

(4) forfaiU (macr. de Genève).

16 ILLVSTRATIONS DE GAVLE, ET

Tu commandes appareiller les instrumens de ta désertion : tu fais adouber nauires, qui tamenront la désolation de ta bienheureté : Ne te souuient il du songe de ta femme ? Nacontes (1) tu à loracle de Delphos, ny aux vaticinations de Calchas ? Mesprises tu les prophéties de Tymetes et Helenus tes sages enfans, et de Euphorbus iadis ton bon cytoien ? As tu oublié la prémonition des Dieux tes amis et bienuueillans, lesquelz par tous deuoirs se sont efforcez destaindre le brandon de flambe viue, lequel embrasera ta cité, et ta personne propre ? Et tu mesmes le viuifîes, tu mesmes luy prestes aliment, et matière de nourriture. Certes ton heur trop resplendissant t'ha aueuglé, le voile de non suffisance t'ha bendé les yeux. Et Fortune peruerse et muable, pour donner exemple perpétuelle à tous Princes tes successeurs, se veult iouer de toy.

Et ce preuoyant la noble pucelle Cassandra, pleine desprit de prophétie, à manière dune Sibylle, fort deuote au Dieu Apollo et à la Déesse Minerue, et constituée la souueraine aux sacrifices de leurs temples, comme tesmoigne Dictys de Crète en son quatrième liure (2) de Ihistoire Troyenne : Des quelle sceut larrest de lemprise, menoit vn dueil non appaisable, et cryoit assez alencontre, disant comme les autres : Cestasauoir que Paris seroit frappé dun dard venant du ciel, comme tesmoigne Guide en lepistre de Paris à Heleine, en la personne de Paris :

Hoc mihi (nam recolo) fore vt à céleste sagitta Figar, erat verax vaticinata soror.

(1) naeomptes {macr. de Genève).

(2) ni» (mscr. de Genève et éd. 1512).