SINGULARITEZ DE TROTE. LIVRE II
Et disoit oultreplus, que si Paris alloit quérir femme en Grèce, Troye en seroit vne fois destruite. Mais cestoit en vain, car son parler nauoit point daudience, ainçois comme recite Dares Phrygien, fut ordonné par le Roy Priam, que Hector sen iroit en la haute Phrygie pour cueillir des gensdarmes, et Paris Alexandre, auec Deïphobus passeroient la mer Propontide, et iroient iusques en Peonie, pour pareillement assembler souldoiers et gens de guerre. Laquelle chose fut faite en toute diligence. Et ce pendant Eneas fut occupé, par le commandement du Roy à faire fourniture de viures nécessaires au voyage, et de grand quantité dinstrumens de guerre : tellement quen petit de temps tout le nauigage fut armé et equippé en perfection, au moyen de la bonne diligence que les ouuriers y feirent. Et furent les galees accomplies du nombre de gens propices à la rame. Si ne restoit que les capitaines et gens de guerre, lesquelz arriuerent à chef de pièce, dont Hector en amena vne partie de la haute Phrygie : et Paris et Deïphobus lautre du Royaume de Peonie, lequel depuis fut appelle Pannonie, et maintenant se nomme Hongrie, selon lopinion daucuns, comme plus à plein sera touché au dernier liure.
Quand donques le Prince Hector fut retourné de la haute Phrygie, à tout ses gensdarmes, et Paris et Deïphobus de Peonie ou Hongrie, à tout les leurs, comme dessus est dit, et que le beau printemps propice à nauiger fut refloury, le Roy Priam, manda quérir les capitaines et centurions de son armée, et leur bailla pour son lieutenant gênerai, son filz Paris Alexandre, et pour laccompaigner y enuoya aussi son frère Deïphobus, Eneas filz d'Anchises, et Polydamas filz de Panthus comme met Homère, au xv. liure de l'Iliade (nonobstant que communément par erreur on tienne ledit Polydamas âlz d'Antenor), auecques le patron de la galee, n. J
18 V ILLVSTRATIONS DE GAVLE, ET
qui auoit mené Antenor en Grèce, comme met Dares Phrygien. Dictys de Crète en son m. liure, dit, que aussi alla auec les dessusdits, Glaucus filz d' Antenor, oultre le gré de son père, auquel il ne plaisoit point, craingnant parauenture la rudesse des Grecz : tellement que au retour dudit Glaucus, son père ne le voulut plus ne voir ne ouyr, pource quil auoit transgressé son commandement. Dares de Phrygie, met que ledit Roy Priam commanda à Paris que premièrement il se transportasten la cité de Sparte, ouLacedemone, enuers messieurs Castor et Pollux, enfans du Roy Tyndarus de Oebalie, et frères germains de la belle Heleine, lesquelz auoient esté à la prinse de madame Hesionne, et que iceux il sommast de la faire rendre. Et en cas de refuz que incontinent Paris enuoyast vn message à Troye, pour len aduertir, à un de renforcer plus grosse armée, pour luy enuoyer secours. (1) Toutes lesquelles choses faites et tenues les plus secrètes que possible fut, sans diuulguer le principal de leur emprise, vn beau matin, que le vent fut bon et propice, chacun print congé de ses parens et amis, Eneas de son père, Anchises, de sa femme Creusa, Polydamas de son père Panthus, Glaucus de ses amours et de ses frères : Car son père ne luy voulut donner congé : Deïphobus aussi et Paris, du Roy et de la Royne, de leurs frères et sœurs. Et quand ce vint à dire adieu à la noble Nymphe Pegasis Oenone, qui du secret de lemprise, touchant le rauissement daucune femme de Grèce, estoit ignorante, les grosses larmes ou par vraye amour, ou par feintise, tombèrent des yeux à Paris : et aussi la gracieuse Nymphe plouroit inconsolablement, du dueil futur que son cœur luy
(1) Depuis Toutes... jusqu'à laccoUer (p. 19, 1. 7), lacune dans le nuor. de Genève.
SINGVLARITBZ DE TROYB. LIVRE II. 19
apportoit couuertement. Assez sentreaccollerent, et assez sentrebaiserent les deux amans : et ne les pouuoit on séparer lun de lautre. Les gens de Paris disoient souuent à leur seigneur, que les patrons auoient vent à gré, et que les mariniers le pryoient de se haster. Son frère Deïphobus, Eneas, et les autres aussi, ladmonnestoient de partir. Et Paris disoit au contraire : quil congnoissoit bien que le vent nestoit pas encore prospère. Dont ilz se prenoient à rire de bon cœur, voyans que lamour de la Nymphe le detenoit, vne fois la laissoit, puis retournoit, pour laccoller. Finablement quand il ny eut remède de plus tarder, il luy dit bassettement vn piteux adieu, qui à peines luy peult sortir de la bouche, pour les souspirs qui laggressoient : et elle pareillement, comme si ce fust vn présage et signifiance de perpétuel diuorse et séparation, dune voix simple et casse, interrompue de sangloux en grand fréquence et multitude, ne luy peult dire autre chose sinon : « Mon cher seigneur et mon amy, les Dieux soient auecques toy : et te vueillent bien conduire. » Lors se partirent Paris, Deïphobus, Eneas, Glaucus, et Polydamas, de la cité de Troye. Et furent conuoyez par le Prince Hector et ses autres frères. Si sadresserent vers le port de Sigee à grand triomphe et pompe. Quand ilz furent près des nauires pour sembarquer auec leurs patrons et capitaines, trompettes, clairons, busines, tabours et bedons sonnèrent mélodieusement. Si entrèrent en leurs galees : et commandèrent aux Dieux ceux qui demouroient. Alors les mariniers tous dun vouloir louèrent leurs ancres, et tirèrent les vaisseaux hors du port à force de barquettes et rames : guinderent leurs trefz et voiles à grans criz et exclamations coustumieres. Singlerent de vent propice, qui leur donna en pouppe : et dressèrent la prore de leurs nauires, pour tirer de la mer Hel-
Z9 ILLVSTRATIONS DE GAVLE, ET
lesponte en la mer Egée, quon dit maintenant Larchipel. Ainsi sen vont les souldars de Venus auecques leurs complices : Cestasauoir lun son vassal, et lautre son filz : pour faire leur emplaite vénérienne, souz la conduite de ladite Déesse. Et ce pendant la tresamoureuse Nymphe Pegasis Oenone monte sur le plus haut dongeon du palais d'Ilion, auec plusieurs dames, conuoyoit les voiles de son seigneur et mary, tant et si longuement que ses clers yeux mouillez de larmes, les peurent choisir de veiie. Faisant vœuz et prières aux Nymphes de mer, quon dit Nereïdes, qu'elles eussent son amy en garde : et aux Dieux de la marine, quilz le luy ramenassent en brief à sauueté. Mais ses prières ne luy tournèrent sinon à dommage et à perpétuel desconfort. Car le retour de Paris, ne luy apportera nulle ioye. Or laisserons nous vn peu le conte délie et de Paris Alexandre : et dresserons nostre narration à expliquer la généalogie de la belle Heleine, Royne de Lacedemone.
SmGTLARITEZ DE TROTE. LITRE U.
