II. i

354 ''ILIVSTRATIONS DE GAVLE, ET

pour attestation de lancienneté de ladite ville d'Anuers, ilz disent que le Pieu Priapus estoit iadis adoré en icelle, et monstrent sa représentation en vne vieille porte près du marché au poisson. Et de là vient par ancienne coustume, que les femmes dudit païs, en toutes acclamations soudaines appellent Tyers, cestadire Priapus en langue Thioise. Mais pour reuenir à nostre propos, le cheualier Grauius, qui tua ledit Géant d'Anuers, se maria à la fille dun noble Duc dudit païs : de laquelle il eut vn filz aussi nommé Grauius, lequel fonda depuis la ville de Graue, sur la riuiere de Meuse. Et dautrepart, Caius Iulius César fonda sur le mont Blandin vne ville nommée Gaia de son nom, laquelle se dit maintenant Gand, et édifia à Torhout vne forte tour : et donna ledit César à vn sien cheualier nommé Caius Fabius, ladite ville de Gand et Anuers et tous autres chasteaux situez sur le fleuue Descault, tant dune part que dautre. Lesquelles ledit Fabius promit feablement tenir, pour la marche des Romains.

César ayant subiugué toute Gaule, délibéra de sen retourner à Romme, à main forte, contre Pompée, son ennemy, et ceux de sa bende. Et pour ce faire, print auec luy des Princes de Gaule, les plus vertueux et les plus féaux. Si laccompaignerent en cest affaire, Octauien Germain, Roy des Agrippins, son neueu, et Saluius Brabon, son beau neueu, Duc de Tongres et de Brabant, lequel demoura tant à Romme, quil y fut tué traytreusement par Brutus et Cassius, qui aussi tuèrent ledit César. Et mourut ledit Saluius lan sixième, depuis quil fut fait Duc : qui fut deuant lincarnation nostre Seigneur, xlvi. Si laissa vn filz nommé Charles Brabon, dont nous parlerons tantost.

SraGTLARITEZ DE TROTS. LITRE III. 355

Du règne et des gestes d*Octauien Germain, Roy des Agrippins on de Coulongne, filz de Charles Ynach.

Octavien, Roy d'Agrippiae, quon dit maintenant Coulongne, après auoir demouré aucun temps auec son oncle César et obtenu plusieurs priuileges , cestasauoir toute iurisdiction sur les fleuues du Rhin, de Meuse et de Lescault : et aussi lautorité de pouuoir forger monnoye dor et dargent, ensemble de porter le blason de Lempire, cestasauoir, laigle à vne teste seulement, il sen retourna en son pais et repara la cité de Tongres, et la nomma de son nom Octauia, aussi remit il sus la cité de Treues : et establit, que les Belgiens receussent et gardassent deslors en auant, les loix, coustumes et cerimonies des Romains et vsassent du langage Romain, par spécial aux iugemens publiques : et que nul ne fust si hardy, sur peine de la teste, de parler lun à lautre en langue Belgienne, aumoins des matières qui touchoient les affaires de la chose publique.

Ledit Roy Octauien, surnommé Germain, régna long temps, cestasauoir iusques au vingtseptieme an de Lempire de son cousin germain lempereur Octauien Auguste, auquel an il mourut. Et celle mesme année, la glorieuse vierge Marie nasquit, cestasauoir, quinze ans auant la natiuité de nostre Seigneur iesvs christ. Apres la mort duquel Roy Octauien Germain, la puissance des Belgiens et de Treues rebella aux Romains : et aussi feirent les citez de Metz et de Toul. Et en ce mesme temps yn noble homme nommé Hoys, fonda la cité de Huy sur Meuse, près de Dynant. Apres luy par faute dhoirs de son corps, succéda Charles Brabon son neueu.

3o6 ILLVSTRATIONS DE GAVLE, ET

De Charles second de ce nom, en ceste généalogie, surnommé Brabon, Duc de Tongres, de Brabant et de Thuringe, et Roy de Coulongne, et daucuns autres ses successeurs, iusques à Charles le Bal. Et de la fondation de plusieurs villes et citez en ce quartier.

Charles Brabon, Duc de Tongres et de Brabant, tint les terres de son père Saluius, après le trespas de son oncle : et espousa la fille dun Duc de Thuringe, nommé Espirogus, (1) après la mort duquel il succéda à ladite Duché, à cause de sa femme, vraye héritière dicelle. Iceluy Charles Brabon fut tousiours féal aux Romains, et quand après la mort de son oncle Octauianus Germanus, Roy des Agrippins, ceux de Belges et de Treues se furent esmuz contre Lempire Romain, il signifia le tout à lempereur Octauien Auguste, son oncle. Parquoy il mérita dobtenir ledit Royaume des Agrippins en la sorte et manière que sondit oncle Octauien Germain lauoit tenu. En son temps fut faite la description générale de tout le monde, par lempereur Octauien Auguste, à la glorieuse naissance de nostre Seigneur iesvs christ. Ledit Charles Brabon eut deux filz. Lun fut nommé Iulius et lautre Titus. Titus pour ce quil oppressa dedens le temple de Mars une noble nonnain , fut banny hors du Royaume de Gaule, mais du costé de sa mère il succéda à la Duché de Thuringe.

lalias, fondateur de {uliers .

Iulius, aisné filzdudit Charles, quand son père fut deuenu fort sur aage, il fut député comme lieutenant de son père , au gouuernement des terres qui sont entre le Rhin et la

(1) Epirogui (éd. 1513).

8INGTLARITBZ DE TROTB. LITRB III. 357

Meuse. Et après la mort de son père, tous les pais qui siéent entre le Rhin et Lescault furent en son obéissance : mais il frequentoit et aymoit plus les premières terres quil auoit régentées en ieunesse. Et à ceste cause, il y fonda vne ville, laquelle il nomma de son nom luliers, le dixneuuieme an de son règne, qui fut pnemier de lempereur NeroB. Tournay, qui premier sappelloit Hostilia et depuis Neruia, selon aucuns, fut restablie et restaurée par vn Duc nommé Tornus, lequel luy donna son nom. Et enuiron ce temps mesmes vn Sénateur Romain, nommé Antoine, de dignité tribunitienne, fuyant la tyrannie dudit Néron, vint au refuge, audit Iulius, et impetra autorité et territoire, pour fonder places. Granus, auec ses compaignons, alla sur les extremitez de la grand forest Dardenne, en vn lieu fort secret et solitaire : là où il trouua aucunes fontaines deaue chaude et sulphuree, et illec fonda vn grand palais où il se tint : lequel lieu sappelle iusques auiourdhuy en Latin Aquisgranum, cestadire les eaues de Granus. Et fut auprès diceluy palais, fondée par Charlemagne, vne cité qui maintenant se nomme Aix la chappelle, et y prend Lempereur sa première couronne. Antoine, son compaignon, tira dun autre costé, cestasauoir, au pais qui sappelle maintenant Hollande, sur le fleuue du Rhin : et là fonda vne forte place, quil nomma Antonia, qui depuis fut dit Vuiltembourg, maintenant on lappelle Vtreth. Ledit Iulius régna soixanteneuf ans et laissa vn filz nommé Octauius.

Octauius.

Octauius succéda à son père Iulius, tant en la seigneurie, comme en lalliance des Romains, lan après la natiuité nostre Seigneur, quatre vingts, au temps de lempereur

058 ILLVSTRATIONS DE GAVLE, ET

Vespasian. Gaule eut beaucoup à souffrir en son temps, à cause des discordes ciuiles. Il feit alliance auec lerapereur Traian : il ietta les Saxons hors de Vallenciennes et y mit les Romains : et fut estably par lempereur Traian gouuerneur de toute la Gaule Belgique. En son temps saint Materne conu§rtit à la foy Coulongne et Tongres. Et régna ledit Octauius quarantesix ans.

Godard.

Cestuy Godard eut la seigneurie après son père Octauius, et fut du temps de lempereur Antonius Plus. Il édifia à Huy sur la roche de Meuse, vn chasteau haut et fort, et fut gouuerneur de Gaule Belgique, pour les Romains, comme son père auoit esté : et régna quarantesept ans.

Godefroy.

Apres Godard régna Godefroy, son filz, lequel ayda et assista lempereur Marcus Antonius Verus, faisant guerre aux Germains. Mais pource que lempereur Commodus son successeur, cruel homme et mauuais tyrant, feit décapiter aucuns enfans des Princes de Gaule, estans ostagers à Romme, entre lesquelz estoit vn neueu dudit Godefroy, filz de sa sœur, il rompit lalliance auec les Romains et se ioingnit aux Germains, ses voisins. Si ietta lesdits Romains arrière des fleuues du Rhin, Meuse, Sambre et Lescault, depuis le païs d'Alsate, iusques à Tournay, à kyde de Vueric, Duc de Treues, et Soric, Duc des Germains. Iceux Romains ainsi pressez, se retirèrent à Tournay, laquelle fut assiégée et prinse par force. Numerianus, maistre de la cheualerie dudit empereur Commodus, assiégea Mayence

SINGVLARITEZ DB TROTB. LIVRE 111. 5S9

auec plusieurs légions, mais ledit Godefroy, Duc de Tongres et de Brabant, et Vueric^, Duc de Treues, deffirent lesdits Romains. Si fut toute la Gaule Belgique, souz la domination d'eux deux par lespace de douze ans entiers franche de tout tribut et subside. Parquoy ledit Godefroy pour se fortifier contre lesdits Romains, print affinité auec ledit Vueric et espousa sa fille, dont il eut vn filz nommé Vueric, son héritier et successeur : et régna ledit Godefroy quarantecinq ans.

Vueric.

Soixante dix ans gouuerna Vueric la Duché de Tongres et de Brabant, après la mort de son père Godefroy : et vescut cent ans. Mais assez bonne espace auant sa mort, il laissa le gouuernement à son filz, Artsard, pource quil estoit vieux.

Artsard.

Àrtsard, filz dudit Vueric, entra au gouuernement de ses païs, du temps de lempereur Maximian. Et pource quun nommé Carausius, vicaire et lieutenant de Lempereur, ne gouuernoit pas bien sa prouince, le Duc Artsard fut mis en son lieu. Par ainsi il ne fut pas seulement paisible possesseur de son territoire, dont les limites estoient la mer Britannique, les fleiiues du Rhin et Lescault, et la Sambre, mais aussi gouuerna en paix, tout le riuage de delà Lescault, iusques à Ja mer Oceane. Laquelle prouince ledit lieutenant Impérial Carausius, auoit mal administrée. Aussi comme Constantius, filz de Constantin le grand empereur, fut fort oppressé des Allemans autour de Langres, le Duc Artsard bailla tel secours audit Constantius, quil demeura vainqueur. Apres lesquelles choses ledit empereur

360 ILLVSTRATIONS DE GAVLB, ET

Constantin, à fin quil reprimast plus facilement les efforts des Allemans, enuoya quérir sa femme Heleine et son fllz Constantin, encores ieune enfant, lesquelz estoient en la grand Bretaigne, quon dit maintenant Angleterre, et establit son siège Impérial en la cité de Treues. A cause dequoy le Duc Artsard continua plus facilement sa grand familiarité auec ledit Empereur et en eut grand auancement. Si régna quarantehuit ans.

Marteiand. <^

Son fllz Martsiandus luj succéda esdites Duchez de Tongres et de Brabant, et aussi au gouuernement de la prouince marine, pour les empereurs Romains, et acheua beaucoup de grands choses pour eux, mesmement du viuant de son père, pour Constantin le grand, alencontre de Mayence et Licinius, tyrans et vsurpateurs de Lempire. A cause dequoy le Duc Martsiand par priuilege Impérial estendit les limites de son gouuernement par tous les païs, quon dit maintenant Haynnau, Artois et Picardie. Et régna quarantedeux ans,

Taxander, le premier Prince Chrestieu en ceste généalogie, du temps duqnel la mer se recula de Tongre«.

Taxander fut nourry de ieunesse en la court de Gratian lempereur. Mais il y eut beaucoup à souffrir par lenuie et detraction de deux personnages , lun nommé Eugenius Grammaticus, et lautre Arbogastes. Finablement il feit vœu destre Chrestien, parquoy il fut mis à deliure, au temps de saint Martin, archeuesque de Tours. Apres lesquelles choses par despit de lempereur Gratian qui lauoit

SraGVLARITEZ DE TROTB. LITRE Uf. UN

mal traité, il fauorisa le party de Maximin, son grand ennemy, natif de la grand Bretaigne. Duquel Maximin, régnant en Lempire Occidental, combien que par droit dusurpation ledit Duc Taxaoder obtint beaucoup de priuileges, et en son temps flourissoit saint Semais, euesque de Tongres, lequel ses citoyens ietterent hors de sa cité : pource que par esprit de prophétie, il predisoit la future persécution des Huns : et deslors la mer qui batoit iusques aux murailles de Tongres, se recula de bien loing. Apres la mort dudit empereur Gratian, le Duc Taxander eut grand faneur auec lempereur Theodose lancien. Et puis mourut lan xxxi. de son règne.

Ânsjgisus.

Ansygisus, filz de Taxander, régna trente ans et obtint de lempereur Honorius la confirmation de tous ses priuileges. Il fut tresbon Prince Chrestien et rua ius en plein champ de bataille, cruelle et sanglante, Groscus, Roy des Vuandelz, idolâtre et mauuais tyrant. Et fut ladite desconfiture auprès d'Arles en Prouence.

De Charles troisième de ce nom en ceste généalogie, surnomma le Bel, et de la grand bataille qui fut donnée contre Attjla, Roy des Huns, en laquelle mourut Gundengus, premier Roy des Boarguiguons.

Charles le Bel fut filz du dessusdit Duc Ansygisus, et espousa la sœur de lempereur Valentinian. Si fut maistre de la cheualerie dudit Empereur. Mais quand il sceut la mort de son père le Duc Ansygisus, il retourna pardeça

36S ILLVSTRATIONS DE GAVLE, ET

pour gouuerner ses païs : et commença à régner lan après lincarnation nostre Seigneur quatre cens trentehuit, qui fut le deuxième an du règne de lempereur Martian. Et succéda ledit Charles le Bel à son père, tant en la Duché de Tongres et de Brabant, comme au gouuernement de la Gaule Belgique, laquelle il gouuerna pacifiquement, pour les Romains, par lespace de quinze ans. Mais en ce temps là suruindrent les grandes et merueilleuses persécutions du terrible Attyla, Roy des Huns, qui se nommoit le flayau de Dieu, et de Vualamir, Roy des Ostrogoths, et Ardaric, Roy des Gepides : lesquelz coururent et destruirent toute ceste Conté de Gaule Belgique : car ilz prindrent et démolirent les citez de Treues, Metz, Coulongne, Tongres et Bruxelles. Apres lesquelles choses, iceux Huns plantèrent leur ost (1) et passèrent Ihyuer auprès d'Astha, en vne grand champaigne, qui sappelle encores auiourdhuy le champ des Huns. Cest le païs de Champaigne, (2) entour Bosleduc.

Finablement par le moyen du Duc Charles le Bel, Etius (3) Patricius, vn grand Duc et vaillant capitaine, fut enuoyé par les Romains, contre ledit Attyla, Roy des Huns, quon dit maintenant Hongres. Lequel Etius Patricius à layde, accompaigné de plusieurs Princes, si comme de Theodoric, Roy des Ostrogoths, Gundengus, ou Gundiochus, Roy des Bourguignons, Meroveus, Roy des François, et dudit Charles le Bel au pourchas duquel tout se faisoit, donna la bataille audit Attyla, en vne grand plaine, appellee les champs Catalauniques, auprès de Toulouse, par laquelle ledit Attyla fut vaincu. Neantmoins Theodoric, Roy des

(1) c.-à-d. leur camp.

(2) Campigne {éd. 1513).

(3) Aetius.

SIMGVLARITEZ DE TROTE. LIVRE III. 365

Ostrogoths, et Gundengus, Roy des Bourguignons, y demourerent, comme sera dit plus à plein quand nous parlerons des Roy s de Bourgongne. Mais le Duc Charles le Bel y acquit grand honneur et abatit de son chenal Ardaric, Roy des Gepides, et feit assez dautres prouesses et vaillances. Si régna lespace de vingt et deux ans, et eut vn filz nommé Lande.

Du Duc Lando, qui premier laissa les Romaiaa et sallia aox François, comme jssu de leur sang.

Apres le Duc Charles le Bel, succéda en la Duché de Tongres et de Brabant, son filz Lando, lan de nostre Seigneur ccccLX., qui fut le deuxième an du règne de Childeric, quatrième Roy de France. Iceluy Duc Lando voyant prospérer les François et croitre leur puissance de plus en plus en Gaule, et au contraire lautorité des Romains descroitre de iour en iour, il se délibéra de donner lieu et obtempérer à fortune. Si laissa le party des Romains et se tira vers ledit Childeric, Roy de France, et ses Barons : et leur monstra par sa généalogie, comment il estoit descendu dun mesme estoc comme eux, cestasauoir de Sicamber, filz de Francus, qui fut filz d'Hector de Troye. A cause dequoy ledit Roy Childeric le print en grâce et feit alliance auec luy contre les Allemans. Et par ainsi commença deslors la Gaule à perdre son nom, et la print (1) on dappeller France. Iceluy Duc Lando fonda la ville de Landen, auprès de Bosleduc, et eut vn filz nommé Austrasius, auquel il laissa sa seigneurie, après auoir régné dixhuit ans.

(1) o.-à-d. on se mit à.

364 ILLVSTRATIONS DE GÀVLE, ET

Do Duc Âustrasîas, lequel fut cause de faire baptiser Clouis, Roy des François, ce que nauoit encores peu faire sa femme la Royne CIotilde de Bourgongne.

Avstrasivs fut Duc de Tongres et de Brabant, après son père Lando, et fut aymé tendrement du Roy Childeric de France. Car le Duc Lando de son plein viuant lauoit enuoyé en la court de France, en le recommandant au Roy tresaffectueusement. Par ainsi estoit ledit Austrasius des plus auancez et honnorez en France. Puis quand le Roy Childeric fut mort, son filz Clouis régnant après luy ne tint pas moins de conte dudit Duc Austrasius que auoit fait son père.

Or estoit ledit Roy Clouis payen, et pource se tenoit il plus voulentiers en la Gaule Celtique, quon dit maintenant France, laquelle estoit encores en partie idolâtre. Si donna audit Duc Austrasius, lequel estoit bon Chrestien et vray catholique, le gouuernement de la Gaule Belgique, et il la régit à la mode Chrestienne. Dont pour sa singulière prudence et vertu, ladite prouince commença à sappeller Austrasie, du nom de son gouuerneur. Oultreplus, ledit Roy Clouis par le moyen et ayde dudit Duc Austrasius print la foy Chrestienne, et eut vne merueilleuse victoire contre les Allemans. Et loccasion fut telle.

Comme en leffort de la bataille la bende des François commençast à décliner et estre foullee de la puissance et multitude des Allemans : le Duc Austrasius commença à sescrier hautement : « Ha, Roy Clouis, appelle en ton ayde le trespuissant Dieu des Chrestiens, cest celuy qui ne peult estre vaincu de nul : et celuy seul, auquel la Royne Clotide,ta compaigne, croit. » Alors le Roy Clouis contraint par nécessité, voua de se faire baptiser, ce quil nauoit encores

SlNGVLAaiTBZ DE TaOYB. UVRK III. S65

voulu faire à la requeste de sa femme. Par ainsi il recouura honneur et gaigna la bataille. Et ceste histoire fut récitée douant le Pape luUes à présent séant et tout le consistoire des Cardinaux, par messire lean de Chastillon, archidiacre de Campigne en leglise du Liège, en faisant son oraison de lobedience filiale des pais de pardeça, comme Orateur à ce enuoyé de par Lempereur et Larchiduc, auec monsieur Ladmiral, messire Phelippes de Bourgongne, (1) lan mille cinq cens et huit.

Des limites du Royaume d'Âustraiie, ou d'Austriche la basse, voisine du Royaume de Bourgongne.

Povrce que souuent en ceste histoire sera faite mention des limites du Royaume d'Austrasie, ou d'Austriche la basse, duquel plusieurs gens ignorent lestendue, pource que les seigneuries sont changées par longueur de temps, il est bien séant den mettre icy ce que ien ay peu trouuer : mesmeraent par la chronique de France, composée par messire Robert Gaguin, natif de Douay, lequel met que ledit Royaume d'Austrasie ha eu par interualle de temps deux citez capitales, cestadire là où se tenoit le siège Royal, cestasauoir, Metz et Aix la chapelle. Et commençoit depuis les extremitez de la haute Bourgongne, de deuers les montaignes de Lorraine, en descendant iusques à la mer de Frise, entre les deux fleuues du Rhin et de Lescault, et comprenoit Vtrecht, Coulongne, Treues, Mayence, les païs de Brabant, Gheldres, Cleues, Hollande, Zelande, Haynnau, Hasbain, Liège, Lembourg, Alsate et toutes les terres que

(1) fils naturel de Philippe-le-Bon.

ILLVSTRATIOMS DE GAVLE, ET

le Conte Palatin tient maintenant alentour du Rhin. Et oultre ce, tout le païs d'Ardenne et de Barrois, qui depuis ha esté esleué en Duché, auec le quartier du païs qui maintenant sappelle Lorraine. Voilà les limites du Royaume d'Austriche la basse, lesquelz certes estoient de grand estendue, et contenoient la plus grand partie de Gaule Belgique. Et disent aucuns, que depuis toute ceste contrée •appella France Orientale.