CHARLES LE GRAND
Pvis qve (Dieu mercy) iay monstre la généalogie du Duc Austrasius qui donna le nom au Royaume d'Austriche la basse, il faut vn petit laisser ladite généalogie en attente, iusques à ce que iaye bien clerement spécifié lorigine et descente des Roys de Bourgogne : ce que iay eu grand peine de recueillir on diuers lieux. Car ie ne Iay nulle part trouué, tout en vn corps, comme il sera icy réduit. La fin de ce second traicté est de monstrer comment le sang de Bourgongne fut ioint auec celuy de France, es personnes du Roy Clouis de France et de la Royne Clotilde de Bourgongne, sa femme. Mais premièrement à fin que nous ne procédons point par termes incongnuz, il nous faut sauoir les limites anciens du Royaume de Bourgongne, dont iay veu plusieurs gens de bien estre en doute, différence et difficulté : et moy auec eux. Mais ie men suis mis hors de soucy,pource que après auoir trassé (1) beaucoup, iay trouué certains Acteurs anciens qui men ont donné laduerteur, (2) ainsi que cy après est escrit.
(1) c.-à-d. cherché avec soin, suivi à la trace.
(2) c.-à-d. renseignement.
368 ILLVSTRATIONS DE GAVLE, ET
De lancienne estendue du Royaume de Bourgongne, et de ses limites prouuez par Acteurs autentiques.
Icy verra on combien estoient iadis voisins et limitrophes le Royaume de Bourgongne et le Royaume d'Austrasie, ou d'Austriche la basse : dont iay cy douant descrit les limites. Or estoit lestendue dudit Royaume de Bourgongne, selon ce que iay peu cueillir par les escrits daucuns Acteurs anciens et autentiques, telle quil sensuit. Geruasius, iadis mareschal du Royaume de Bourgongne, (1) du temps de lempereur Othon le quart, qui fut Roy de Bourgongne, en son liure intitulé du passetemps Impérial, met que selon le contenu des anciens registres de Lempire, le Royaume de Bourgongne estoit comprins par les limites qui sensuiuent.
La première prouince du lloyaume de Bourgongne.
La cité d'Arles métropolitaine, qui estoit le siège du Royaume de Bourgongne : auec toute la prouince dudit Arles le Blanc, en Prouence, lequel auoit souz luy les diocèses et citez cathédrales ou episcopales cy après nommées, de lordre de saint Augustin, cestasauoir : la cité d'Auignon et son diocèse, qui depuis ha esté esleuë en archeuesché, du temps du Pape Sixte, Marseille, en Prouence, Toulon, Cauaillon, Carpentras, Vaison, Orenge, Tricastel.
(1) Gervais de Tilbury (près de Londres) passa sa vie à la cour d'Othon IV, fut maréchal du royaume d'Arles et mourut vers 1218. On a de lui Otia imperialia libri III, sive de mirabilibus orbis ; De origine Burgundionum, etc.
SINGVLÀRITEZ DE TROTS. UVE£ III. 300
La seconde proaince.
La cité métropolitaine de Vienne, en laquelle estoit assise la chancellerie du Royaume de Bourgongne, auec toute la prouince de larcheuesché de Vienne : lequel ha souz luy les diocèses qui sensuiuent : Grenoble, de lordre de saint Augustin, Valence, et Die, lesquelz sont ynis : Morienne, Geneue.
La tierce Prouince du Royaume de Bourgongne.
La cité et archeuesché de Lyon sur le Rhône et toute sa Prouince : laquelle contient quatre Diocèses, cestasauoir : Authun, Mascon, Ghalon, Langres.
La quatrième Prouince.
La cité et archeuesché de Bezenson et toute sa Prouince : laquelle contient trois Diocèses, cestasauoir ; Basle en Souycere, Lausanne, Bellay en Sauoye.
La cinquième Prouince.
La cité et archeuesché de Moustier en Tarentaise et toute sa Prouince, qui contient deux Diocèses de lordre de saint Augustin, cestasauoir : Seon, Aouste. (1)
La sixième Prouince.
La cité et archeuesché d'Embrun et toute sa Prouince, qui contient six Diocèses : Digne, de lordre de saint Augustin, Nisse, Grasse, Seuere, de lordre de saint Augustin, Claudat, Vienne.
(1) Sion, Ao^te.
