II

570 ILLVSTRATIÛNS DE GAVLE, ET

La septième Prouince.

La cité et archeuesché d'Aix en Prouence et toute sa Prouince, qui contient cinq Diocèses, cestasauoir : Apt, Foriul, Rege, Gap, Sisteron.

Desquelles sept Prouinces ledit Acteur met que le Royaume de Bourgongne estoit enclos comme de sept retz ou filez.

Vn autre acteur, nommé Ligurinus, qui fut du temps de lempereur Federic Barberousse et escriuit les gestes dudit Empereur : lequel fut allié à vne fille de Bourgongne, met et conclut lesdites limites du Royaume de Bourgongne en six vers Latins, cy après escrits, qui sont presques dune mesme substance que le dessus narré.

Has tibi Métropoles, et primi nominis vrbes Chrysopolim placidam, Lugdunum, siue Viennam, Quseque tuos spumante mari Prouincia fines Claudit, Ârelatum validis obnoxia ventis. Chrysopolim Dubius, reliquas perlabitur amnis Maximus ÂUobrogam, Rhodanus dominator aquarum.

Et si nous voulons limiter autrement ledit Royaume : nous le pouuons faire par distinction de fleuues, de mer et de montaignes, dont auoit il du costé de Mydi la mer de Prouence et de Nisse : deuers Orient, le fleuue -du Rhin et les merueilleuses montaignes qui séparent la Gaule dauec l'Italie : cestasauoir le Mont lou et de Columnaiou, quon dit maintenant le grand et le petit saint Bernard, auec le mont Senis et le mont Geneure : deuers Septentrion, le mont Vosegus, duquel partent les fleuues de Meuse et de Saône : et deuers Occident, les riueres de Loire et de Seine.

Et au cœur dudit Royaume estoient comprins, oultre le