II. ffl

418 ILLVSTRATIONS DE GAVLE, ET

Lohier et Amyng, capitaines des François et des Bourguignons pour le Roy Theobald, se saunèrent à la fuite et sen vindrent retirer à Plaisance : mais la reste de larmee desdits Bourguignons et François, lesquelz auoient esté vaincuz, establirent sur eux vn autre chef et Duc, nommé Hunnides, de la nation des Ostrogoths : auec lequel ilz se cuiderent retirer dedens Vérone, mais ilz en furent forclus par vn autre Ostrogoth, nommé Hercus, qui auoit ladite ville en garde. Par ainsi Hunnides pensant se retirer à Plaisance, fut prins en chemin : et enuoyé à Narses le Chastré, chef de larmee de lempereur lustinian : Amyng, lun des capitaines des François et Bourguignons, fut tué : lautre capitaine nommé Lohier, attaint dune fleure, mourut à Trente.

A cause desquelles choses, la guerre des Romains contre les Goths fut du tout finee et anichilee. Et consequemment Theobald, Roy dfe Bourgongne, perdit tout ce quil auoit en Italie, et mourut puis après dune fleure, le septième an de son règne, sans hoir de son corps. Toutesuoyes Blondus Flauius dit quil fut tué en bataille contre Chilperic, son oncle : ce qui ne renient pas en taille. Et pource que ledit Theobald ne laissa nulz hoirs de son corps, son grand oncle Clotaire hérita de tous ses Royaumes, seigneuries et trésors. Auquel Clotaire il nous faut maintenant tourner nostre plume.

De Clotaire premier de ce nom, huitième Roy de Bourgongne, de France et d'Austriche la basse : lequel espousa la femme de son frère Clodomir, Roy d'Orléans.

Clotaire, filz du roy Clouis de France et de la royne Clotilde de Bourgongne, lequel nestoit premièrement que

SDfGVLARITBZ DB TROTB. LIVRB III. 419

roy de Soîssons, suruescut tous ses frères et neueux, et eut toutes leurs successions. Nonobstant quil eust eu maintes guerres contre eux, comme dessus est dit, dont il fut merueilleusement augmenté en tenement de seigneuries. Toutesuoyes il fut cruel homme et luxurieux : comme celuy qui tua ses deux petis neueux Gunthier et Theodoald de sa propre main, et espousa leur mère nommée Gundenga, femme de son frère Clodomir : mais ce nestoit pas de merueilles, (1) car il sentoit encores sa Payennie et estoit Chrestien de trop fresche mémoire. Il pourpensa aussi dattribuer à luy la tierce partie de tout le reuenu des églises : mais il en fut gardé par larcheuesque de Tours, qui luy remonstra franchement, quil ne le deuoit pas faire. Il feit bouter le feu dedens vne chapelle de S. Martin, en laquelle sestoit retiré en franchise Conobaldus, roy d'Aquitaine, auquel ledit Clotaire faisoit la guerre, pource quil auoit donné faueur à son filz Crannus rebellant contre luy : et fut bruslé ledit roy Conobald dedens ladite chapelle de S. Martin, laquelle le roy Clotaire feit depuis reedifier. Sondit filz Crannus aydé et fauorisé de Senabutus, Conte de Bretaigne, osa bien donner la bataille à son père le roy Clotaire : mais il y fut vaincu et prins auec sa femme et ses deux enfans, lesquelz Clotaire commanda estre liez à vn banc, par le bourreau, et bruslez tous vifz en sa présence. Il eut autres six enfans masles et sept femelles, de trois femmes ; cestasauoir, Aragunde, lugunde et Consone : dont les deux premières estoient sœurs. Radegunde, fille de Berenger, (2) Roy de Thuringe, laquelle estoit prisonnière, fut la quatrième. Mais il la laissa vierge à sa requeste : et elle entra

(1) c.-à-d. pas étonaaot.

(2) Barangûr{éd. 1513).

420 ILLYSTHATIONS DE GAVLE, ET

en religion et y vescut de telle sorte, quelle est réputée sainte en Paradis. Ledit roy Clotaire affranchit la seigneurie dluetot, (1) en Normandie, tellement que le seigneur dicelle se nomme Roy iusques auiourdhuy. Et la cause fut pour la réparation de la mort dun seigneur d'Iuetot, lequel le roy Clotaire auoit tué de sa main, vn iour du grand vendredy. Dont le Pape Agapetus, pour lors séant à Romme, menassa ledit Roy de lexcommunier, sil nen faisoit pénitence et satisfaction. Ce quil feit : et fut fait ledit acte, lan cinq cens trentesix. Ledit roy Clotaire commença la fondation de leglise de S. Medard de Soissons, en laquelle il fut enseuely par ses enfans, après auoir régné cinquante et vn an. Il laissa quatre filz ses héritiers : cestasauoir, Chilperic, Haribert, Guntran et Sigibert, lesquelz partirent entre eux Iheritagede leur père. Haribert, pource quil estoit laisné, fut roy de Paris : Sigibert, roy de Metz et d'Austriche la basse : Chilperic, roy de Soissons : et Guntran, roy de Bourgongne et d'Orléans : duquel est descendue la tresnoble et tresillustre maison des Contes de Hasbourg : depuis alliée à celle d'Austriche la basse et la haute. De laquelle est auiourdhuy chef et souuerain, la tressacree maiesté Impériale, de Maximilian Cesarauguste, roy de Germanie. Des sept filles dudit roy Clotaire, ie ne treuue point par histoire, à quelz Princes elles furent alliées par mariage : sinon de deux tant seulement. Dont lune, de laquelle le nom nest point exprimé, fiit mariée à Egilbert, roy d'Angleterre, et luy donna premièrement la congnoissance de nostre sainte Foy catholique : selon les chroniques d'Angleterre. Lautre, et la plus ieune de toutes,

(1) D'après la légende racontée par Oaguin {Compendium supra Francorum gesta).

8IN6VLAB1TEZ DE TROYB. LIVR£ III. 4lii

fut mariée à vn noble Prince de la court de lempereur luatinian, nommé Anselbert, Sénateur de Romme et Marquis du saint Empire sur Lescault : de laquelle Blitilde descendit la tresnoble génération des Pépins et des Charles, desquelz prend son illustration principale ceste présente généalogie historiale, comme il sera dit bien clerement au traicté subséquent. Et pource feray pause à cestuy cy.