SINGVLARITEZ DE TROTS. LIVRE III
de mauuais affaire) sourdirent plusieurs guerres et dissensions entre eux : parquoy Cranus, lun des ûh de Clotaire, rebella contre son père : et tint le party de son oncle Childebert. et luy feirent ensemble forte guerre. Pareillement Theodebert, son neueu, Roy de Metz, fut contraire à son oncle Clotaire, pour la querele de Childebert, son autre oncle. Apres toutes lesquelles choses ledit Childebert, Roy de Paris et personnier (1) au Royaume de Bourgongne et d'Orléans, mourut lan quaranteneuuiemo de son règne : qui fut lan de nostre Seigneur cinq cens cinquante neuf. Et pource quil ne laissa nulz hoirs de son corps, le Royaume de Paris et ses autres seigneuries paruindrent à Clotaire, Roy de Soissons (selon ce que met Gaguin), dont il print grand accroissement. Toutesuoyes iay trouué ailleurs, quil adopta en filz son neueu Theodebert. Mais comment quil en soit, tout reuint après audit Clotaire, comme sera dit cy après, le treuue que ledit Childebert alla faire la guerre au Royaume d'Aragon, et à son retour, fonda vne abbaye à Paris au nom de saint Vincent : en laquelle il fut enseuely. Par ainsi ne demourerent que deux regnans en la Bourgongne, combien quilz fussent vsurpateurs dicelle : cestasauoir, Theodoric, Roy de Metz et d'Austriche la basse : et Clotaire, Roy de Soissons, d'Orléans et de Paris : mais pource que Theodoric estoit le chef et laisné, nous continuerons la généalogie desdits Roy de Bourgongne, par iceluy Theodoric et les siens.
(1) parsonnier (éd. 1513), c.-à-d. ayant f&ri, parctnnariMS.
414 ILLVSTRATIONS DE GAVLE, ET
De Tbeodoric, cinquième Roy de Bourgongne et aussi d'Austriche la basse et de Thuringe, et de ses gestes.
Theodoric premier de ce nom, filz aisné du Roy Clouis de France et de la Royne Clotilde de Bourgongne, régna en chef et eut le tiltre du Royaume de Bourgongne, comme il appert clerement par les gestes que luy et son deuxième successeur feirent en Italie : ce quilz neussent peu faire, sans auoir le Royaume de Bourgongne. Iceluy Theodoric fut Prince fort guerroyeur : et vainquit auec ses frères en bataille rengee, ses deux cousins Sigismund et Gondemar, Roys de Bourgongne, à la première conqueste, comme dessus est dit. Toutesuoyes, ie ne treuue point quil fust à la seconde, occupé parauenture en autres affaires : car il feit la guerre au Roy de Thuringe, en Allemaigne, et le vainquit : si subiuga son Royaume. Dautre part, il entra en Italie', à tout quatre vingts mille hommes, et rompit du premier coup les Romains : desquelz estoit Duc Bellisarius, pour lempereur lustinian. Si conquit toute la région de deçà la riuiere du Po. Puis sen retourna par faute de viures. Neantmoins il y laissa deux capitaines, lun nommé Buccellin (1) et lautre Amyng : lesquelz depuis furent vaincuz et surmontez par Narses, Consul et chef de larmee Romaine : comme sera dit cy après, quand nous parlerons du règne de Theobald, son neueu. Puis encores derechef ledit Theodoric, Roy de Metz et de Bourgongne, enuoya dix mille Bourguignons en Italie, à layde de son beaufrere Theodoric, Roy des Ostrogoths, lequel menoit la guerre en Italie. Aussi ledit Theodoric, Roy de Bourgongne et d'Aus-
(l) Bucelliniéd. 1513).
81NGVLAR1TKZ DE TROTS. LITRE Ul. 415
triche la basse, eut aucunes guerres et différents contre son frère Clotaire, Roy de Soissons, dont les histoires de France font ample mention, pourquoy ie men déporte. Finablement il fut tué, ie ne scay comment, après auoir régné vingttrois ans : et laissa vn Qlz nommé Theodebert.
D« Theodebert, sixième Roy de Bourgoagae et d'Auatriche U basse, qui aacunesfois ha esté nommée France Orientale.
Theodebert, filz de Theodoric, Roy de Bourgongne, d'Austriche la basse et de Thuringe, fut Prince de grand prouesse en armes : car luy ioint auec Childebert et Clotaire, ses oncles, eslargirent leurs dominations iusques en Bauiere et Austriche la haute : et feirent parensemble la guerre aux Lombars et aux Gepides, Depuis ledit Theodebert se benda auec son oncle Childebert, Roy de Paris, contre son autre oncle Clotaire, Roy de Soissons. Et fut la bataille preste à donner, au lieu de Combre, au territoire d'Orléans : mais il sesleua miraculeusement vne si horrible tempeste de fouldre, de tonnoire et de pluye, quilz furent contraints de non batailler. Et y fut moyenne certain appointement. Toutesuoyes au commencement du règne dudit Theodebert, ses oncles Childebert et Clotaire eurent enuie sur luy et le cuiderent circonuenir et faire aucun mauuais tour : mais il les sceut bien gaigner, par prudence et courtoisie, et par le moyen et seruice de Charles Hasbain, Duc de Tongres et de Brabant : comme sera dit au traicté subséquent. Joint à ce, quilz craingnoient sa puissance, parquoy il demoura en son entier : et régna pacifiquement seul en Austriche la basse et en Thuringe, et auecques eux en Bourgongne, dont il estoit chef. Mais non pas longuement, à ce que puis comprendre . car il mourut, enuiron le temps
416 ILLTSTRATIONS DE GAYLE, ET
que la Royne Clotilde, sa grand mère, trespassa à Tours. II laissa vn filz son héritier nommé Theobald. Et ne treuuô point quil feist aucun passage en Itsdie, comme feirent sondit père Theodoric et son filz Theobald. Parquoy il fait à présupposer, quil ne régna gueres de temps, ou fut empesché ailleurs.
De Theobald, septième Roy de Bourgongne, et de ses gestes en Italie.
Apres le roy Theodebert, régna son filz Theobald : cestasauoir en Austriche la basse, seul et pour le tout : et en Bourgongne comme chef, auec Childebert et Clotaire, ses grans oncles. Blondus Flauius, (1) tresnoble historien, met en son cinquième liure de linclination de Lempire Romain, que ledit Theobald, lequel il appelle Roy de Metz, enuoya en Italie vn nombre de gens de guerre Bourguignons et François, souz la conduite de trois capitaines, dont le premier se nommoit Buccellin, lautre Amyng, desia cy dessus mentionnez, et que son ayeul Theodoric y auoit enuoyez, et le tiers auoit nom Lohier : voire et ledit Roy Theobald y alla en personne, et passa son armée par le mont Xenin, (2) qui est auprès du mont saint Bernard : et descendit en la val d'Oste, iusques en la plaine de Plaisance.
En ce temps là, Theyas, (3) Roy des Goths, faisoit la guerre aux Romains et eux à luy. Si cuyda bien que lesdits Bourguignons et François fussent venuz à son secours, mais il fut deceu : car quand ce vint à donner la bataille entre les
(1) Biondo (1388 f 1463), auteur de Roma instaurata, Roma triuW' phans, et Italia illustrata.
(2) c.-à-d. le Mont Cenis.
(3) Yraias (4d. 1513). C'est Teia, roi des Ostrogoths, mort en 553. Plus bas, l'éd. 1513 porte Thtias.
SnfGYLABITEZ DR TROTE. LITRE in. 447
deux parties : cestasauoir, les Goths et les Romains, iceux Bourguignons et François qui estoient neutres, ne tindrent ne pour lan ne pour lautre : mais se rongèrent contre toutes les deux armées et defiSrent lune et lautre. Laquelle victoire obtenue, Theobald, Roy de Boufgongne et d'Austriche la basse : qui autresfois sest nommée France Orientale, sen reuint deçà les monts. Neantmoins il laissa pour ses lieutenans en Italie, cestasauoir au quartier des montaignes de Gennes, les trois capitaines dessus mentionnez : Buccellin, Amyng et Lohier, auec lesquelz Theyas, Roy des Goths, feit alliance contre les Romains. Parquoy lesdits Bourguignons et François descendirent en la plaine de Parme, pour secourir ledit Roy Theyas.
Lesquelles choses entendant Narses le Chastré, chef de larmee de Lempereur lustinian, eust esté en grand soucy et desespoir, si ne fust que Sisulad, (1) Roy des Erules, compaignons des Lombards, feit alliance auecques ledit Narses et vint courir tout le pais de Turin et d'Iuorie estant des appendences du Royaume de Bourgongne : dont les habitans, qui de ce ne se doutoient, furent surprins et circonuenuz : mais contre Jedit Roy Sisulad fut enuoyee vue bende de François et de Bourguignons. Ce nonobstant le Roy Sisulad print luorie et assiégea Turin : iasoit ce quil nelapeust prendre. Les François et Bourguignons ne feirent autre chose que piller : tant sur amis, comme sur ennemis. Et feirent appointement auecques ledit Roy Sisulad et butinèrent entre eux toute la région oultre la riuiere du Po. Et se ioingnirent aussi auecques les Goths, qui depuis furent defiaits par les Romains enuiron Lucque : et y mourut Theyas, Roy des Goths, et bien cent mille hommes auec luy.
(I) SysulaU (éd. 1513).
