CHARLES LE GRAND
Or avons nons tant proufité la Dieu grâce, que assez ample congnoissance nous est apparue de lancienne amplitude des Royaumes de Bourgongne et d'Austriche la basse, quon disoit iadis France orientale, et de leurs estendues et limites : et aussi de la France Occidentale, qui est Gaule, et des Princes qui y régnèrent iusques au temps du Roy Clotaire, premier de ce nom. Auec la tresantique origine et les gestes desdits Princes, tous yssuz du sang Germanique. Parquoy maintenant nous entrerons en plus clere intelligence de la Généalogie historiale de Lempereur Charles le grand : spécialement du tresnoble et tresgracieux nom des Charles.
Toute lintention de ce troisième Traicté nest que de monstrer, comment la tresparfonde illustrité de tous les nobles lignages dessusdits, du sang des francs Orientaux et Occidentaux, des Bourguignons et des Austrasiens, ou Austrichois, eurent tous ensemble concurrence en la généalogie du treschrestien Empereur César auguste (1) Charles, le grand monarque, Roy de France, d'Austriche la basse et de
(1) sans majuscule comme dans Téd. 1513.
SUfGTLARITBZ DE TROTB. LITBB III. Â'XS
Bourgongne, et de luy est deriuee et précédée ladite noblesse, comme dune grand sourse et fontaine à sa postérité. Maintenant nous faut il reuenir à la généalogie des Cimbres, laquelle en la fin du premier Traicté fut terminée au Duc Austrasius : lequel donna le nom au Royaume d'Austriche la basse : combien quil nen fust pas seigneur du tout, mais en partie : et de la reste gouuemeur pour les Roys Childeric et Clouis. Parquoy appert, que tant estoit il preudhomme, que ladite prouince ne print point le nom daucun de ses propres Roys, mais dun Prince vassal et subalterne, ayant administration de son gouuernement, laquelle louenge nest pas petite ne taisable : car pourquoy ne se pouuoit elle aussi bien dire Childerique, ou Clodouee, comme Austrasie, ou Austriche la basse, à la différence d'Austriche la haute, qui est voisine de Pannonie : quon dit maintenant Hongrie ?
De Charles quatrième de ce nom en ceste généalogie, surnommé Nasouy Duc de Tongres, de Brabant et de Thuringe, et filz da Duc Austrasius, qui donna le nom au Royaume d'Aastriche la basse : comme dessus est dit.
Charles Nason succéda en la Duché de Tongres et de Brabant, après son père le Duc Austrasius. Et comme il fust de lancienne extraction des Roys de Thuringe, ainsi quil est assez expliqué au premier traicté, il renouuella laliiance auec ladite maison, en ceste manière. Trois frères regnoient pour lors en Thuringe, qui est prouince d'Allemaigne, oultre le Rhin : lun nommé Berkaire , lautre Baderic et le tiers Hermofroy : dont Berkaire laisné, non ayant enfant masle, mais seulement deux filles, donna en
424 ILLYSTRATIOKS DE GATLE, ET
mariage la première nommée Vualberge, audit Duc Charles Nason, et la feit héritière de la Duché de Thuringe. Et dicelle Vualberge ledit Duc Charles Nason eut deux filz : cestasauoir, Charles et Berkaire, et vne fille nommée Veraje. Berkaire le maisné eut pour son partage et appennage, la Duché de Thuringe : et Veraye, la fille, fut mariée à vn noble et puissant homme du païs d'Ardenne, nommé Hajmon, de laquelle il eut quatre filz : cestasauoir, Régnant de Montauban et ses trois frères, que Ion nomme communément les quatre filz Haymon : des gestes desquelz et de leur chenal roux (1) Bayard, les Romans vulgaires racontent beaucoup de fables. Et autre chose ne treuue des gestes dudit Charles Nason.
De Charles cinquième de ce nom en ceste généalogie, sarnommé Hasbain. Et comment il fut enuojé ambassadeur deuers lempereur lustinian : et perdit la Marche de dessus Lescault, pour faire aeruice au Roy Theodebert, d'Austriche la basse et de Bourgongne.
Charles Hasbain, filz aisné du Duc Charles Nason, succéda à son père es Duchez de Tongres et de Brabant. Et donna le nom au païs de Hasbain : pource quil y frequentoit plus voulentiers quen nulle autre contrée de sa domination. Luy donques ensuiuant le train de son père et de son ayeul, qui tousiours auoient esté amis des Roy s de France, se maintint constamment et vertueusement en lamytié de Theodoric, Roy de France Orientale : cestadire d' Austriche la basse, et aussi de Bourgongne : duquel Theodoric, filz de Clouis, iay parlé asse? amplement au traicté
(1) d'un roag« brun = badius, baius, hayhardns.
8IMGVLARITEZ DK TROTK. UVEK lU. 4K
précèdent. Bt aussi fut ledit Duc Charles Hssbain bien en grâce du Ro)' Theodebert, filz dudit Theodoric : car ilz estoient dun mesmes aag« : et tenoit ledit Theodoric, Roy de Bourgongne et d'Austriche la basse, le siège capital de son Royaume en la cité de Metz, comme auoit fait son père. Parquoy Charles Hasbain, Duc de Brabant, estoit de plus près son voisin.
Or aduint, que quand après la mort du Roy Theodorie, son fîlz Theodebert commença à régner, ses deux oncles Childebert et Clotaire, comme desia est touché au traicté précèdent, muz denuie, dambition et de couuoitise contre leur neueu, machinèrent à toute leur puissance de le déshériter : tant du Royaume d'Austriche la basse, comme de sa portion du Royaume de Bourgongne, dont il estoit chef. Voyant donques le Roy Theodebert le danger eminent oti il estoit, après meure délibération de son conseil, pria au Due Charles Hasbain, quil voulsist prendre la charge daller en ambassade deuers lempereur lustinian en Constantinoble, pour luy demander secours contre la tyrannie de ses oncles : auec amples instructions et pleine puissance de souzmettre le R,oyaume d'Austriche la basse, quon disoitlors France Orientale, à Lempire Romain, et en faire la foy et Ihommage audit Empereur.
Le Duc Charles Hasbain, tout bénin et tout courtois, emprint de bon cœur cest affaire et se transporta en Grèce, deuers lempereur lustinian : auquel il exposa la somme de sa légation. Mais quand Lempereur leut ouy, il ne luy feit aucune response touchant ce quil auoit proposé de la part du Roy Theodebert, son maistre : ainçois laccueillit dautre sorte. Car il le commença à redarguer sur ce quil tenoit et approprioit à luy, de deçà la mer Oceane, la Marche de dessus Lescault en Gaule Belgique : cestasauoir, le pais là
426 ILLVSTRATIONS DE GAVLE, ET
OÙ sont ores situées les villes d'Anuers, Gand, Tenremonde, Tournay, Mortaigne, Conde, Vallenciennes, et les chasteaux circonuoisins, tant dun costé de ladite riuiere, comme de lautre. Et ce, contre le droit et iurisdiction de Lempire, comme disoit ledit empereur : car les procureurs fiscaux dudit Empire Romain auoient accoustumé de tenir ladite Marche en leurs mains et en leuer les reuenues, au nom de Lempereur et à son proufit.
A ceste obiection, qui neantmoins estoit assez estrange au Duc Charles Hasbain : car il ne pensoit point estre venu là pour cest affaire, il respondit modestement et courtoisement, que vray estoit quil tenoit ladite Marche du saint Empire sur Lescault : mais non pas quil en fiist vsurpateur ne torçonnier détenteur : car le Duc Artsard, son grand ayeul, duquel est faite mention au premier traicté, lauoit obtenue en don et guerdon, et en perpétuel héritage, pour luy et pour les siens, de par lempereur Constant, père de Constantin le grand, qui dicelle lauoit inuesty : à cause des bons et grans seruices quil luy auoit faits : tant en la bataille de Langres, comme autrement. Et mesmement en deiettant Carausius le tyrant, qui traitoit mal ladite prouince et marche de dessus Lescault.
A ceste response du Duc Charles Hasbain, lempereur lustinian répliqua, que combien que le Duc Artsard eut bien seruy Lempire pour ceste fois, si nauoit il pas pourtant obtenu ladite Marche de dessus Lescault, en perpétuel héritage, par donation irreuocable : car Lempereur ne doit ne ne peult rien aliéner du domaine impérial au desauantage de ses successeurs : mais sans plus auoit esté baillé lusufruit de ladite Marche au Duc Artsard , par manière de recompense : et en tiltre doffice, et non pas de seigneurie, si comme vicaire ou procureur de Lempereur à
SINOTLARITEZ DB TROTB. LITRB lU. 487
sa vie : ou pour aucun temps, (1) et non autrement. Lequel office cessant, la marche venoit à vaquer à la disposition de Lempereur.
Estant ledit Charles Hasbain, en ceste doute et perplexité, cestasauoir tant de perdre ladite seigneurie, comme de non faire les besongnes du Roy Theodebert, il sappensa, que pour acquérir la grâce de Lempereur et sauuer laffaire du Roy son maistre, il valoit mieux quil quittast ladite seigneurie et Marche du saint Empire sur Lescault. Si la resigna purement et libéralement es mains de Lempereur lustinian : auec tout le droit quil y pouuoit prétendre. Laquelle seigneurie ledit Empereur donna incontinent à vn tresnoble Prince de sa court, estant présent, nommé Anselbert le Sénateur. Cestasauoir, heritablement pour luy et pour les siens, reseruee la souueraineté.
Comment le Duc Charles Hasbain, comme procureur et ambassadeur du Roy Tkeodebert, feit hommage du Royaume d'Austriche la basse, ou de France Orientale, à lempereur lustinian, et de la reste de lexploit de son ambassade.
Qvand le Duc Charles Hasbain, pour bien seruir son maistre le Roy Theodebert, se fut despouillé de ladite tresnoble seigneurie de la Marche du saint Empire sur Lescoult, Lempereur lustinian voulut bien alors entendre aux affaires du Roy Theodebert. Et lors le Duc Charles luy monstra le plein pouuoir et autorité quil auoit du Roy son maistre, de souzmettre et asubiettir, (2) en tiltre de fief, le Royaume d'Âustriche la basse, à la souueraineté de Lem-
(1) c.-à-d. temporairement.
{'2) abstigectir {éi\. 1513).
4S8 II4LVSTRATIONS DE GAVLE, ET
pereur et de Lempire. Duquel Theodebert les autres prédécesseurs Roys nauoient encores voulu recongnoitre les Empereurs pour leurs souuerains seigneurs. Lequel pouuoir et instructions veùes par lempereur lustinian et les Barons de son grand conseil, il accorda tout ce que le Roy Theodebert demandoit. Et receut ledit Duc Charles Hasbain comme procureur et ambassadeur dudit Roy, à foy et à hommage du Royaume d'Austrasie, reserué toutesuoyes quil fust franc et exempt de tailles et exactions. Et ce moyennant, Lempereur luy promit garantir ledit Royaume enuers tous et contre tous ceux qui le voudroient troubler en la possession diceluy : et aussi dautre part, le Roy d'Austriche promettoit seruir Lempereur, euuers tous et contre tous, comme son féodal et homme lige. Ainsi furent passées les choses : et lettres patentes sur ce données et seellees dun costé et dautre. Et à cause de caste subiection dudit Royaume d'Austriche, ou France Orientale, lempereur lustinian au commencement des Institutes sappelîe entre ses autres tiltres, Francus.
Par la vertu de cette paction et appointement, lempereur lustinian enuoya pour ambassade en France, le dessusnommé Anselbert le Sénateur, Marquis du saint Empire sur Lescault, auec le Duc Charles Hasbain, deuers les deux Roys frères, Childebert et Clotaire, en leur mandant bien adcertes, quilz ne présumassent de troubler en aucune manière le Royaume d'Austriche la basse, ou de France Orientale, appartenant au Roy Theodebert, leur neueu : car il estoit de la subiection de luy et de Lempire : et à ceste cause, en sa protection et sauuegarde. Et que silz venoient au contraire, il les dcclairoit deslors en auant pour ses ennemis. Lesquelles choses accomplies et menées à chef, par la preudhommie et diligence du bon Duc Charles Has-
SINGYLARITBZ DE TROYB. LIVRB III. 429
bain, le Roy Theodebert fut asseuré en son Royaume. Et le crédit et autorité dudit Charles en augmenta beaucoup deuers luy et à bon droit.
De la postérité du Duc Charles Haabain.
Comme ie puis entendre par les histoires, Charles Hasbain eut vn filz, nommé Karloman.
Karloman, filz de Charles Hasbain, engendra Pépin, premier de ce nom.
Pépin lancien, et le premier de ce nom surnommé de Landen, lequel par les Chroniques de Brabant, est réputé saint, fut Duc d'Austriche la basse et de Brabant, Prince du palais de France : et eut de sa femme, nommée Icte, (1) vn filz nommé Grimoald, aussi Prince du palais, qui mourut sans hoirs de son corps, et deux filles, lune nommée Begga et lautre Ghertrude.
Begga, première fille du Duc Pépin de Landen, fut Duchesse de Brabant après la mort de son père et de son frère Grimoald : et eut pour mary Anchises, (2) Marquis du saint Empire sur Lescault : neueu, (3) cestasauoir, filz du filz dudit Anselbert le Sénateur, comme nous dirons çy après.
Ghertrude seconde fille du Duc Pépin de Landen, fut Abbesse de Nyuelle, au Rommanbrabant. Laquelle vescut saintement en la religion fondée par sa mère sainte Icte. Lancien epitaphe dudit Duc Pépin de Landen est tel :
Iste BrabantinuB dux tertius Austrasiorum. Primus erat, maiorque domus regni gladiator.
(1) Ide ou Ideberge.
(2) c.-à*d. ÂDségise.
(3) en latia nepot.
430 ILLVSTRATIONS DB GAYLE, ET
Comment Anselbert le Sénateur espousa Blitilde, fille du Roy CIotaire, et vint prendre la possession de la Marche du saint Empire inr Lescault.
La paix ainsi ânablement conduite comme dessus est dit, entre les Roys, oncles et neueux, par la prudence du Duc Charles Hasbain et par lautorité d' Anselbert le Sénateur, ambassadeur impérial, Childebert, Roy de Paris, pource quil nauoit nulz enfans, print en amour le Roy Theodebert, son neueu : et de fait, ladopta en filz et luy donna tant de biens de son plein viuant, que chacun sesmerueilloit comment il auoit si tost changé hayne en dilection. Laquelle chose voyant, Clotaire, Roy de Soissons, et considérant quune si forte alliance entre loncle et le neueu, mesmement par trois fois redoublée, si comme de lignage, dadoption et de confédération, luy pourroit bien porter quelque preiudice enuers lempereur lustinian, par le moyen de Charles Hasbain, Duc de Brabant, il sappensa pour euiter ce choq, quil donroit la plus ieune de ses filles, nommée Blitilde, à Anselbert le Sénateur, homme de grand port (1) et autorité. Et ainsi fut fait. Donques après les noces faites, Anselbert le Sénateur print congé du Roy, son beaupere, et emmena sa femme en sa Marche de dessus Lescault, laquelle Lempereur luy auoit donnée : et print possession dicelle.
(l) portée, crédit, portus (Ducanga).
SINGVLARITEZ DE TROTB. LIVRR III. 481
Dd la tresDoble et tressainte génération qui deicendit d*Antelbert le Sénateur, premier Marquis beritable de la Marche du saint Empire sur Lescault, et de sa femme Blitilde, fille du Roy Clotaire.
Ânselbert Sénateur de Romme, noble et puissant Prince en richesses et en autorité, fut le premier Marquis beritable du saint Empire sur Lescault, dont noz souuerains Princes portent iusques auiourdhuy le tiitre et tiennent la possession. Il eut de sa femme Blitilde, qui selon les Chroniques de Brabant, est réputée sainte, trois enfans masles et vne femelle. Le premier eut nom Arnould, le second Feriol, et le tiers Moderic : la fille fut nommée Tharsitia. Feriol fut Euesque d'Vtrect, et là receut martyre. Parquoy il est conté entre les saints de paradis, et par son intercession se font illec plusieurs miracles. Moderic, son frère, fut ordonné Euesque en la cité d'Arisid, (1) et là repose en paix. Tharsitia, vierge et bien perseuerant en sa virginité, est à Rhesnes en Bretaigne tenue pour sainte. Et dit lescriture, que après sa mort, par ses mérites fut ressuscité vn autre mort. Arnould, laisné, succéda à son père au Marquisat de Lempire.
Arnould, filz d' Anselbert le Sénateur et de sainte Blitilde.
Cestuy Arnould, second Marquis heritable du saint Empire sur Lescault, eut vn filz nommé Amulphus.
De saint Arnulphe, filz dudit Arnould, et de ses enfans.
Arnnlphe, troisième Marquis heritable du saint Empire sur Lescault, espousa vne sainte Dame, nommée Dode, de
(1) de Ari8si(éd. 1528).
432 ILLTSTRATIOIIS DE GàYLB, ET
laquelle il eut trois fîlz : cestasauoir, Ansigisus, ou Anchises, qui depuis fut Marquis du saint Empire sur Lescault : lautre fut Flondulphus : et le tiers, Vualchisus. Flondulphus engendra Martin, lequel fut occis traytreusement par Ebroyn le tyrant, Prince du palais de France. Vualchisus engendra Vuandrechisil, saint homme et confesseur de lESVs CHRIST. Ledit Arnulphe, après auoir eu ceste belle lignée, renonça au monde, et se mit au seruice de Dieu, du consentement de sa femme sainte Dode, en quelque religion ou hermitage dun costé et elle de lautre. Lequel Arnulphe, pour sa sainteté, fut depuis eslu Euesque de Metz, et après sa mort, tenu pour saint.
Du Marquis Anchises, filz de saint Arnulphe, Euesque de Metz.
Anchises, quatrième Marquis du saint Empire sur Lescault, succéda à ladite seigneurie du viuant de son père, quand il renonça le monde, pour mener vie religieuse et solitaire, comme dessus est dit. Ledit Anchises, autrement dit Ansigisus, espousa vne noble et vertueuse dame, nommée Begga, fille du Duc Pépin de Landen, première de ce nom, et de sainte Icte : et sœur de Grimoald, Prince du Palais de France, et de sainte Ghertrude, Abbesse de Nyuelle. Et succéda ladite dame Begga à la Duché de Brabant, après la mort de son père Pépin et de son frère Grimoald, qui mourut sans hoirs de son corps, comme cy dessus est touché. Lesdits Anchises et sa femme Begga eurent par ensemble vn filz nommé Pépin deuxième de ce nom, surnommé Heristel. Iceluy Anchises, tresbon Prince, fut tué mauuâisement et en trahison par vn garnement lequel il auoit nourrj de ieunesse en sa court, et mesmeraent lauoit
