SINGTLARITBZ DE TROYE. LIVRE III
leué des fons. laj trouué lepitaphe de ladite Duchesse Begga tel quil sensuit :
Begga ducissa fuit, genitrix qaoqoe germioii huiua : Qu» fuit Anaigiso felici foedere iuocta.
Du Duc Pépin Heristel, filz du Marquis Anchiaes et de sainte Begga, et de ses gestes .
Pépin Heristel, ainsi surnommé à cause dune seigneurie quil auoit au pais de Liège, en laquelle parauenture (1) il nasquit, fut Duc de Brabant, Marquis du saint Empire sur Lescault, et paruint encores à la principauté du palais de France et d'Austriche la basse, ainsi quil sensuit. En ce temps là ledit Royaume d'Austriche ne se gouuernoit plus par Roys, mais par Princes, depuis Childeric, filz du Roy. Lequel Childeric estoit innutile et tyrant, et pource fut il tué estant à la chasse, auec sa femme nommée Blitilde, par Bodilo, son vassal, auquel il auoit fait oultrage. Et gueres ne sen faillit, que Vuolfald, son gouuerneur et Prince du Palais, ne fust aussi tué par ledit Bodilo. Mais il se sauua à la fuite, et se retira en Austriche la basse, dont il estoit gouuerneur, et tint icelle contrée tout seul tant quil vescut : car desia la vertu des Roys de France estoit auilee, amollie et abaslardie, si quilz ne faisoient rien d'eux mesmes, mais se laissoient du tout gouuerner par les Princes du Palais. Parquoy après la mort dudit Vuolfald, ledit Pépin Heristel, obtenant la principauté du Palais, obtint aussi la principauté du Royaume d'Austriche la basse,
(1) c.-à-d. peut-être. En anglais peradvenhtre. Palsgrave p. 146 trad. par : may happen.
434 ILLVSTRATIONS DE GAVLE, ET
et en fut gouuerneur et dominateur, auec vn sien parent nommé Martin, filz de Flondulphus, qui fut filz de saint Arnulphe, Euesque de Metz, comme dessus est dit. Le Duc Pépin espousa vne dame, nommée Plectrude, de laquelle il eut deux enfans : cestasauoir Druon, lequel il feit Duc de Champaigne, et Grimoald, qui fut Prince du Palais de France, après son père. Et dune concubine, nommée Alpaide, il eut Charles Martel, tresuaillant et tresrenommé Prince.
Des guerres que Pépin Heristel, peie de Charles Martel, eut contre Ebroyn le tyrant, Prince du Palais de France, et contre Gislemar, aussi Prince du Palais.
Alors viuoit vn mauuais et exécrable tjrant, qui fut Prince du Palais du temps du Roy Clotaire deuxième de ce nom, lequel ne régna que quatre ans : et du Roy Theodoric, son frère et successeur. Lequel tyrant Ebroyn feit des maux innumerables au Royaume de France. Entre lesquelz il feit forer à tout vne tarière les yeux à saint Legier, Euesque d'Authun, et enuoya en exil saint Lambert du Liège. Et tant perpétra de cruautez, souz lombre dudit Roy Theodoric, à qui il en donnoit toute la charge, que les Barons de France furent contraints y remédier, et donner ordre et de fait mirent la main à leur Roy Theodoric et le feirent moyne. Et pareillement Ebroyn : lequel ilz enclouirent en labbaye de Lisieux. (1) Puis allèrent quérir Childeric, qui estoit en Austriche, et le constituèrent Roy sur eux, et Vuolfald Prince au Palais.
(1) c'est Luxenil.
SINGVLARITEZ DE TROTF. LIVRE III. 455
Ne tarda gueres après, que le Roy Childeric se gonaerna si mal enuers ses subietz, que comme desia est touché cy dessus, il fut tué par la main dun noble homme, nommé Bodilo, lequel à tort et sans cause, il auoit fait lier à vn pal tout nud : et le batre de verges cruellement. Adonques les Princes de France allèrent tirer leur Roy Theodoric hors de labbaye, où ilz lauoient enclos, et le restablirent en son Royaume, et feirent Prince du Palais, Lendesil Bourguignon, natif d'Âuthun.
Lesquelles choses entendues par Ebroyn le tyrant que les François auoient fait moyne à Lisieux, il trouua manière de saillir hors du monastère et ietta le froc aux orties. Puis assembla vn grand tas de brigans, larrons et gens perduz, à tout lesquels, il osa bien venir assaillir le Roy Theodoric, son seigneur, et Lendesil, Prince du Palais. Et par effect leur feit telle guerre, qui les chassa iusques à Baccauille : là où il pilla tous les trésors Royaux, et le Roy se retira à Crecy. Et illec fut contraint de faire appointement auec le tyrant Ebroyn et le restituer en son gouuernement et Principauté du Palais. Et tantost après Lendesil d'Authun, qui auoit esté Prince du Palais, venant audit Ebroyn à seureté et souz sa foy, fut occis par luy, et recommença à faire plus doutrages et de tyrannies que parauant : mesmement sur Prélats et sur gens deglise. Et le Roy Theodoric soufFroit tout : et ne se soucioit sinon de se donner du bon temps.
Martin, filz de Flondulphe, et Pépin Heristel, son parent, tous deux Princes d'Austriche la basse, tresuertueux et de noble cœur, estans aduertis des maux intollerables que ledit Ebroyn faisoit en France, délibérèrent de non plus le souffrir, mais y obuier et mettre remède. Et pour ce faire, mirent sus vne bonne armée, au deuant desquelz vin-
43B ILLYSTRATIONS DE GAVLE, ET
drent à grand puissance, le Roy Theodoric et Ebroyn le tjrant : et fut la bataille donnée au lieu nommé Bicofal, laquelle fut forte et aspre, et mourut beaucoup de gens dun costé et dautre, mais le camp demeura au Roy Theodoric et à Ebroyn. Le Duc Pépin Heristel se retira en Austriche la basse, quon dit maintenant Lothric : et Martin senfuyt en la cité de Laon, auquel tantost après treues furent données : et souz ombre dicelles, il fut enuoyé quérir par Ebroyn. Et quand il fut en sa présence, il le tua. Mais aussi comme ledit criminel tyrant ne cessast de perpétrer tant de meurtres et occisions, et tous les maux dont il se sauoit aduiser, finablement selon le iuste iugement de Dieu, il fut tué en aguet par vn nommé Hermofroy : lequel après le coup fait, se sauua et senfuyt au Duc Pépin, en Austriche, La détestable tyrannie d'Ebroyn estainte par sa mort trop tardiue, les François establirent vn noble homme nommé Vuaracon, Prince du Palais, lequel enuoya incontinent ambassadeurs au Duc Pépin Heristel en Austriche, qui traitèrent alliance et amytié auec luy. Depuis Gislemar, filz dudit Vuaracon, ietta son père hors du gouuernement et Principauté du Palais. Mais le Duc Pépin print la querele pour le père, et vint alencontre de Gislemar à main armée, lequel ne le refusa point à bataille : et sassemblerent les deux osts auprès du chasteau de Namur. Le rencontre y fut horrible et merueilleux, et y eut beaucoup de sang respandu. Et à ce que ientens, le Duc Pépin gaigna la iournee, Gislemar persécutant son père, mourut tantost après de maie mort subite : et Vuaracon refut en son premier estât, mais il trespassa la mesme année.
SOfOULARITIZ DE TROTE. UTRK III.
ni
Comment le Duc Pépin Heristel deaconât en bataille le Roy Theodoric de France et Berkaire Prince da Palaia : et fut Pépia eala à ladite Principauté.
Apres la mort de Vuaracon, Prince du Palais, les Barons de France furent en quelque estrif et différent de créer vn nouueau Prince du Palais. Mais fînablement ilz saccorderent sur vn nommé Berkaire, homme de peu destime et valeur, combien quil fust gendre dudit Vuaracon. Dont quand ilz eurent congnu son poure gouuernement et insuffisance, ilz se repentirent beaucoup, et désirèrent dauoir sur eux le Duc Pépin de Brabant, Prince d'Austriche la basse. Et à ces fins luy enuoyerent certains messagers, priant quil mist sus vne bonne armée et vinst à leur secours contre Berkaire, Prince du Palais, qui leur estoit inutile et intollerable. Et ilz constitueroient ledit Pépin au gouuernement du Palais de France.
Le Duc Pépin obtempéra à leur requeste et sen vint à bonne et grosse puissance contre ledit Berkaire. Le Roy Theodoric estoit auec Berkaire : comme celuy parauenture qui ne sen fust osé excuser : tant estoient alors les Roys de France subietz aux Princes du Palais, qui depuis ont esté nommez Connestables. Si se rencontrèrent les deux armées en vn lieu nommé Textric, (1) là où lestour commença grand et merueilleux, et dura tant que Berkaire y fut occis et le Roy Theodoric prins, iasoit ce que Gaguin dise autrement. Neantmoins le Duc Pépin Heristel mit tantost à deliure le Roy Theodoric : et fut la paix faite entre eux. Et selon les conuentions des Princes de France, le Duc Pépin
(l) Bat. deTestry, 687.
458 ILLVSTRATIONS DE GAVLE, ET
fut eslu et esleué à la dignité de Prince du Palais, par lesdits seigneurs de France et du consentement de Theodoric, leur Roy. Et deslors en auant, les affaires de la couronne commencèrent à se remettre en meilleur forme et estât : et allèrent tousiours prospérant de plus en plus.
Des autres gestes du Duc Pépin Heristel et de ses enfans.
Toutes les choses ainsi réduites et appaisees en France, le Duc Pépin Heristel ayant affaire en son païs d'Austriche la basse, après auoir donné ordre à tout, laissa vn lieutenant en la Principauté du Palais de France, nommé Nordebert, homme de qui il se fioit. Et tantost après mourut le Roy Theodoric, lan de son règne dixneuuieme. Si succédèrent après luy ses deux enfans, Clouis second de ce nom, qui ne régna que trois ans : et après luy Childebert, son frère, qui ne feit onques rien digne de mémoire. Endementiers, Nordebert, lieutenant du Duc Pépin Heristel, Prince du Palais, alla mourir. Laquelle chose entendue par ledit Duc Pépin, il vint en France et amena son filz Grimoald : lequel il feit Prince du Palais dudit Roy Childebert. Iceluy Grimoald eut à femme Theudesinde, fille de Radbod, Roy de Frise.
Grimoald, filz du Duc Pépin Heristel, Prince du Palais du Roy Childebert de France, ie ne scay pour quelle cause fut tué traytreusement, estant en deuotion deuant lautel de saint Lambert du Liège, par vn garnement nommé Rauigar, Payen et idolâtre, estant des gens de Radbod, Roy de Frise, père de la femme dudit Grimoald. Aussi mourut enuiron ce temps Druon, Duc de Champaigne, frère dudit Grimoald, et ne laissa quun filz nommé Theodoald, qui suc-
8INGVLAH1TKZ DE TROYK. LIVRE III. 439
céda à son père, en la Duché de Cbampaigne, et à son oncle Grimoald, en la Principauté du Palais de France, par le moyen du Duc Pépin Heristel, son grand père, lequel y tint la main, à fin que la Principauté du Palais de France demourast tousiours en sa maison. Lesquelles choses faites, le Duc Pépin en sa vieillesse attaint dune fieure ague mourut. Mais il laissa par testament à Charles surnommé Martel, lequel il auoit eu dune concubine nommée Alpaide, la Principauté d'Austriche la basse, quon dit maintenant Lothric : dont sa femme légitime, appellee Plectrude, ne fut pas contente.
Saint Lambert, Euesque du Liège, qui flourissoit en ce temps, receut martyre, à cause de la ialousie que ladite Plectrude, femme légitime diceluy Duc Pépin Heristel, auoit enuers Alpaide, sa concubine. Car comme saint Lambert blasmast au Duc Pépin le vice de concubinage, lequel il exerçoit auec icelle Alpaide, mère de Charles Martel, disant que ces toit contre Dieu et contre raison, et contre les saintes loix de mariage, vn nommé Dodon, frère de ladite Alpaide, de son propre mouuement, ou par lenhort de sa sœur» tua ledit saint Euesque dedens la cité du Liège, et fut enseueluy à Vtrect. lay trouué Lepithaphe du Duc Pépin Heristel tel :
Iste Pipinus erat dux tertius ÂostraBioram. Austria dicta fuit tune, regntim Lothariense.
440 ILLVSTRATIONS DE GAVLE, ET
De Charle» cinquième de ce nom en ceste généalogie, surnommé Martel, pare du Roy Pépin le Brief et ayeul de lempereur Charles le grand.
Charles Martel, autrement surnommé Tictides, (1) filz de Pépin, seigneur d'Heristel en Liège, et d'Alpaide, sa concubine, fut comme dessus est dit, par le testament de son père, ordonné héritier de la Principauté du Royaume d'Austriche la basse. Laquelle chose sa marastre nommée Plectrude, vefue dudit Pépin, ne prenoit point à gré, ains fauorisoit à son neueu Theodoald, filz de son filz Druon, Duc de Champaigne. Si persécuta tant icelle Plectrude, ledit Charles Martel, quelle trouua manière de le faire prendre à Coulongne sur le Rhin, et illec le feit détenir en seure garde. Et ce pendant se saisit du Royaume d'Austriche la basse, quon dit maintenant Lothric, et en mit en possession son neueu Theodoald, Prince du Palais de France. Et eux deux ensemble tindrent en tutele le Roy Dagobert second de ce nom.
Ne tarda gueres après que les François furent ennuyez dudit Theodoald, Duc de Champaigne et Prince du Palais, et ne peurent plus endurer son gouuernement. Si sesleuerent contre luy en armes et le vainquirent en vne bataille fort dommageuse, auprès de Compiegne, tellement quil senfuit. Et ilz constituèrent sur eux vn autre Prince du Palais, nommé Raginfroy. Si allièrent auec eux Radbod, Roy de Frise, dont dessus est faite mention. Et après la mort du Roy Dagobert, ilz constituèrent Roy sur eux, vn prestre lequel sappelloit Daniel : mais ilz luy changèrent son nom :
(1) Tytidesiéd. 1528).
SINGVLARITEZ DE TROTE. LIVRE III. 441
et le nommèrent Chilperic. Et en ces entrefaites, Charles Martel eschappa de la prison, en laquelle il estoit détenu à Coulongne, par sa marastre Plectmde.
Comment le Dac Charles Martel, après quil fut eschappa des priMM de sa Marastre, recounra la Principauté du Royaume d'Austriebe la basse et aussi du Palais de France.
Le dvc Charles Martel se voyant hors de la garde prisonnière de sa marastre et aussi du danger de la mort, dont il nestoit pas loing, tascha incontinent de recouurer sa Principauté du Royaume d'Austriche la basse, occupé comme dessus est dit par ladite Plectrude et son neueu Theodoald, à layde de Radbod, Roy de Frise. Chilperic, parauant nommé Daniel prestre, et Roy de France, comme ia dit est, auec Raginfroy, Prince du Palais : et ledit Radbod, Roy de Frise, vindrent alencontre du Duc Charles Martel : et fut la bataille donnée sur la riuiere de Meuse. Les tour y fut grief, mais Charles Martel ny gaigna pas : ains se trouua le plus foible, si se sauua à la fuite.
Icelle victoire obtenue par Chilperic et Raginfroy, ilz entrèrent par le pais d'Ardenne, au Royaume d'Austriche la basse, lequel ilz coururent et gasterent de toutes pars iusques à Coulongne : mais Plectrude, la vefue dessusdite, voyant que le païs de son douaire se perdoit à son grand desauantage, leur donna tant des trésors de son feu mary le Duc Pépin Heristel, quelle les feit retourner en France. Ce nonobstant le Duc Charles Martel, qui ne dormoit pas, vint ruer sur la queile et leur feit vn merueilleux dommage.
Par despit de laquelle perte, ne tarda gueres après que le Roy Chilperic et Raginfroy, Prince du Palais, auec autre
442 ILLVSTRATIONS DE GAVLE, ET
plus grosse armée retournèrent sur les terres du Duc Charles Martel : mettant tout à feu et à sang. Mais il se deflfendit fort, et fut la guerre menée assez longuement douteuse dun costé et dautre : et finablement le Roy Chilperic et Raginfroy furent vaincuz au lieu d'Ablaue. (1) Ce nonobstant, aprez leur fuite, ilz rassemblèrent vne autre grosse armée auec layde d'Eudo, Duc d'Aquitaine et de Gascongne, leur allié, et vindrent pour la tierce fois contre ledit Charles Martel. La iournee fut assignée au païs de Cambresis : près dun Bourg appelle Vincy. Et là furent derechef vaincuz le Roy Chilperic et Eudo, Prince de Gascongne, auec Raginfroy. Chilperic et Eudo senfuyrent à Orléans, là où ilz chargèrent les trésors Royaux : à tout lesquelz ilz se sauuerent en Gascongne, et ne les peut Charles Martel aconsuiure. Mais il passa la riuiere de Seine et print Orléans. Puis alla assiéger Raginfroy, qui sestoit retiré dedens Angiers : et le print auec la cité. Et ce nonobstant, en vsant dune merueilleuse clémence et courtoisie, il le remit en liberté : et oultre ce, luy donna la cité d'Angiers pour son estât : et par ainsi Charles Martel comme victorieux fut pacifique Prince du Palais. Et en lieu de Chilperic fugitif, ordonna pour Roy vn nommé Clotaire, ou Lothaire.
Gomment le Dac Charles Martel creoit les Roys de France à son appétit : et comment il se vengea de sa marastre Plectrude, et conqueata le Royaume de Bulgarie, oultre la Dunoe, et la plus grand partie d'AUemaigne, cestasauoir Soaue, Saxone (2) et Bauiere.
Estant ainsi possesseur pacifique le Duc Charles Martel
(1) Château d'Amblôve piès d'Aywaille ?
(2) Saxoiffne (éà. 1513).
SINGVLARITEZ DE THOYK. LIVRE III. 445
des Principautez d'Austriche la basse et de France, après auoir chassé Chilperic et constitué en son lieu ledit Roy Lothaire : lannee ensuiuant, il enuoya vne ambassade deuers Eudon, Duc d'Aquitaine et de Gascongne : à fin dauoir en ses mains ledit Chilperic, parauant appelle Daniel prestre. Laquelle chose il obtint. Et par ce moyen ledit Eudon eut paix. Ce pendant que ces choses se traitoient, le Roy Clotaire alla mourir : et le Duc Charles Martel vsant de grand bénignité enuers son ennemy, restablit iceluy Chilperic, son prisonnier, en la dignité du Royaume de France. Ainsi appert que les Princes du Palais faisoient ou defFaisoient les Roys de France à leur appétit.
Chilperic après ce quil fut fait Roy derechef, ne vescut gueres. Si fut par lautorité du Duc Charles Martel, créé nouueau Roy Theodoric, filz de Dagobert, derrain de ce nom. Lequel Theodoric auoit esté nourry au monastère des nonnains de Cale. Donques après ces choses ainsi ordonnées en France, le Duc Charles Martel désirant soy venger de sa marastre Pelctrude, qui tant de maux luy auoit fait, assembla vne puissante armée et se tira deuers Coulongne sur le Rhin. En laquelle cité ladite Plectrude, femme de grand cœur, sestoit fortifiée à merueilles. Et auoit entre ses mains, les trésors du feu Duc Pépin Heristel, son mary : mais Charles Martel print par force ladite cité de Coulongne, ensemble les trésors de son père, auecques sa marastre. Toutesuoyes depuis elle eschappa subtilement et senfuyt au Royaume de Bulgarie, qui est oultre la grand riuiere de Dunoe, en Allemaigne, par delà Hongrie.
le ne scay si pour ceste raison ou autre, le Duc Charles Martel fut meu de tirer son armée celle part : mais ie treuue bien, quil alla conquerre ledit Royaume de Bulga-
444 ILLVSTRATIONS DE GAVLE, ET
rie, et en passant et rapassant subiuga la plus grand partie d'Allemaigne : cestasauoirlesSoaues, Saxone et Bauiere : puis retourna en France, victorieux, auecques grand proye et merueilleuses despouilles.
Retourné en France le Duc Charles Martel, il fut aduerty, que le Duc d'Aquitaine Eudon, dessus mentionné, machinoit derechef quelque mauuaistié contre luy. Si tira celle part auecques bonne armée : mais Eudon ne lattendit point, ains se cacha en lieux déserts et inaccessibles, du costé de Gascongne : dont quand le Duc Charles Martel veit quil ne le pourroit trouuer, il sen retourna en France et donna congé à ses gendarmes : mais peu de temps après, luy fut mestier les rassembler : car nouuelles vindrent, que les hauts Allemans et les Soaues, autresfois par luy vaincuz et surmontez, se vouloient rebeller par le motif de leur Duc nommé Leuffroy, dont il fut contraint de retirer celle part, ce quil feit : et vainquit ledit Duc Leuffroy. Si remit par ceste victoire, les hauts Allemans et Soaues en sa subiection et obéissance.
De la merueilleuse victoire que le Duc Charles Martel eut contre les Sarrasins : lesquelz Eudon, Duc d'Aquitaine et de Gascongne, auoit amenez en France. Et comment il donna les dismes des églises aux geptilz hommes.
Pendant ce que le trespuissant Duc Charles Martel poursuiuoit ses victoires en la haute Allemaigne, Eudon, Duc d'Aquitaine et Prince de Gascongne , mauuais homme , vindicatif et tousiours rebellant, lequel se douloit dauoir esté ainsi rebouté, chassé et quis par Charles Martel, comme dessus est touché : sestoit tiré en Espaigne, vers vn Roy
SINGVLARITEZ DE TROTS. UVES III. 44S
infidèle et Mahommetiste, nommé Abidiram. Auec lequel il auoit tant fait et pratiqué, quil luy auoit donné non seulement passage par ses païs de Gascongne et d'Aquitaine, pour entrer en France, mais aussi certain espoir et moyen* dy pouuoir obtenir règne et demeure perpétuelle, auec ses Mores et Sarrasins. Lesquelz souz ceste folle confiance suiuirent leur Roy en vne merueilleuse multitude : menans auec eux leurs femmes, leurs enfans et tous leurs bagages, en délibération de non retourner en Espaigne, comme ilz ne feirent : mais ce fut au rebours de leur intention.
Abidiram, Roy des Sarrasins, moyennant la conduite du Prince Eudon de Gascongne, assiégea premièrement la cité de Bourdeaux et la print : brusla les églises et feit tous les maux quil peut. Autant en feit il à Poitiers et vint iusques à Tours : mais en cest endroit, le Duc Charles Martel luy vint alencontre, auec sa puissance d'Austrichois, AUemans et François : si luy donna la bataille et vainquit, tellement que par le tesmoignage de tous les historiens, il y demoura de Sarrasins, trois cens quatre vingts cinq mille. Et des gens du Duc Charles Martel seulement quinze cens : qui semble chose bien miraculeuse. Et pource que les Barons et gentilzhommes de France lauoient bien seruy en ceste guerre, comme il y parut, et despendu tout le leur, vendu et engagé leurs terres, pour contrester aux mescreans et soustenir la foy de Dieu et nostre créance de sainte Chrestienté, le Duc Charles Martel, du consentement des Prélats, donna pour recompense ausdits seigneurs, barons et cheualiers,en lieu de soulde et pour leur defiroy (1) et recouurement de leurs terres engagées, aucune partie
(1) c.-à-d. pour les défrayer.
446 ILLYSTRATIONS DE GAVLE, ET
des dismes de Leglise. Promettant les (l)leur rendre au double si Dieu luy eust prolongé sa vie. Laquelle donation ou plustot permission faite du consentement de leglise Gallicane, en péril eminent, les gens ecclésiastiques de France ont depuis blasmee, et ont accusé le Duc Charles Martel destre damné à ceste cause. Ce que ie ne croy pas : car lequel eust il mieux valu pour la chose publique de Chrestienté, ou que les Sarrasins d'Afrique se fussent habituez en France, par lespace de huit cens ans, comme ilz ont fait en Espaigne, iusques à la dernière conqueste de Grenade, ou que le patrimoine de Leglise ayt donné secours et subside aux gens militaires et à la noblesse de France, pour obuier par armes et de fait à vn tel inconuenient, ce que les gens deglise ne pouuoient faire par leurs prières et oraisons. Mais de ce disputer, ie me déporte : car ce nest pas de présente spéculation. Si reuiens au propos principal de Ihistoire qui dit : Que après la desconfiture des Sarrasins dessusdite, Eudon, Duc d'Aquitaine, nonobstant que de tous ces maux il eust esté cause, trouua manière de faire son appointement auec le Duc Charles Martel. Et deflSt la reste des Sarrasins, selon ce que met Gaguin, en Ihistoire de France.
Comment le Duc Charles Martel conquesta le Rovaame de Bourgongne, la Duché d'Aquitaine «t de Gsscongne , et depuis le Royaume de Frise : et vainqiiit les Allemans sur le Rhin, et les Goths et Sarrasins en Prouence, et en Aquitaine : et de ses autres gestes.
Geste tresglorieuse victoire des Sarrasins acheuee par le Duc Charles Martel, autre nouuelle guerre suruint du costé
(1) c.-à-d. les gen$ ecclésiastiques dont Le Maire parle plus bas.
8INGVLARITBZ DB TROYR..IJVBB III. 447
de Bourgongne. Et selon ce que ie puis comprendre : ce fut par le moyen du dessus nommé Ëudon, Duc d'Aquitaine et de Gascongne, tousiours maluueillant du Duc Charles Martel. Lequel Prince tresnobleettresinuaincu, (l)alla icelle part : et print la cité de Lyon sur le Rhône, qui pour lors estoit la tierce prouince du Royaume de Bourgongne : dillec il tira en Arles en Prouence, qui de toute ancienneté estoit la cité capitale du Royaumo de Bourgongne, comme est ores Paris en France. En oultre il conquit Marseille et le pais denuiron, en lostant aux Vesegoths, vne nation d'Allemaigne, qui auoient occupé ladite contrée. Et brief, il mit en son obéissance tout le Royaume de Bourgongne. Si tua finablement le Duc Eudon, son ancien ennemy, comme ie treuue en vne vieille chronique. Print et subiuga toutes ses seigneuries en Aquitaine et Gascongne, mais pour la singulière modération dont il estoit plein, il nappella point les Bourguignons quil auoit conquestez, ses subietz : mais ses alliez et confederez, par plus douce et plus agréable appellation.
Puis après, à fin quil se gardast destre oiseux, il mena son armée en Allemaigne oultre le Rhin, contre le Roy de Frise, nommé Radbod, de secte Payenne et idolâtre : lequel ie treuue ailleurs estre nommé Popon : si le vainquit sur le . fleuue Burdon et gaigna son Royaume, lan de nostre salut sept cens trentecinq. Et en ce temps là les Vuandelz, vne autre nation d'Allemaigne, entrèrent en France iusques à la cité de Sens : lesquelz Obbo, archeuesque de Sens, deffit. Et tantost après les Bourguignons se rebellèrent, contre lesquelz le Duc Charles Martel après son retour de Frise, marcha derechef, et entra dedens Lyon sur le Rhône : où
(1) Se trouve auasi dans la Couronne Margaritiqne.
448 ILLVSTRATIONS DE GAVLE, ET
il punit aucuns citoyens estans chefz et motifz de la rébellion. Et dillec tira en Arles, cité capitale dudit Royaume de Bourgongne, et autres villes et fortes places, là où il mit bonne garnison.
Ne tarda gueres après, quil luy fut mestier de retourner en AUemaigne, pource que ses subietz de dessus la riuiere du Rhin séstoient esleuez de nouueau : lesquelz il dompta derechef. Cela fait, autre tumulte suruint du costé de Prouence, car Marancus Bourguignon, (1) qui se disoit Duc de Prouence, autresfois subiugué par le Duc Charles Martel, auoit fait secrète alliance auec les Vesegoths, vne nation d' AUemaigne, habitans pour lors en Aquitaine : lesquelz nestoient point contens de ce que leur Duc Odo auoit esté défiait par le Duc Charles Martel. Et oultreplus, ledit Marancus de Prouence estoit allé quérir secours en Esr paigne. Et de fait, auoit pratiqué deux Roys Sarrasins. Dont lun estoit nommé Athimus et lautre Amorreus. Par ainsi ledit Marancus, qui se disoit Duc de Prouence, entra le premier en Aquitaine, auec le Roy Athimus Sarrasin. Si prindrent de primeface Bourdeaux et Narbone : et vindrent passer le Rhône et prindrent les citez d'Auignon et Arles en Prouence. Et se respandirent lesdits Vesegoths et Sarrasins parmy toute Aquitaine et les citez capitales du Royaume de Bourgongne, du costé de Prouence. Si se fortifia ledit Marancus dedens Auignon, et le Roy Athimus à Narbone.
Le Duc Charles Martel aduerti de ces nouu elles, donna bon ordre en son pais du Rhin et vint diligemment en la haute Bourgongne où il mit sus la plus grand armée quil
(1) Le comte Mauruntus, aidé par Yousouf-Ibn, gouverneur arabe de Narbonne.
SIMGTLARITCZ DE THOYE. LIVRE III. 449
peut. Si alla promptement assiéger Auignon, et la print par force. Aucuns disent, que ce fut fait par son frère nommé Chiidebert, son lieutenant en ceste partie. Et de là tira à Nârbone, où le Roy Athimns Sarrasin estoit, et y mit le siège. Au secours duquel vint par raer lautre Roy Sarrasin, nommé Amorreus, dont dessus est faite mention, auec multitude infinie de Sarrasins. Parquoy fut mestierau Duc Charles Martel de demander secours au Roy de Lombardie, nommé Luitprand : lequel estoit son compère. (1) Et vn peu de temps parauant luy auoit monstre signe de grand amytié : car à la seule et simple requeste du Duc Charles Martel, il auoit laissé le siège quil tenoit deuant Romme, contre le Pape Grégoire troisième de ce nom.
Luitprand, Roy des Lombards, venu au secours de son compère, le Duc Charles Martel , iointes ensemble les armées des Allemans, François, Bourguignons et Lombards, ilz liurerent la bataille aux Sarrasins et aux Vesegoths, en vne belle plaine, en la vallée de Corbar, (2) qui nest pas loing de Narbone. Lestrif y fut grand et merueilleux. Mais après que lun des Roys Sarrasins, nommé Amorreus, y fut occis, toute la reste se laissa desconfire. Lautre Roy, nommé Athimus, se sauua en vn petit nauire et senfuit en Espaigne. Par ainsi le Duc Charles Martel demoura victorieux, moyennant layde de Luitprand, Roy des Lombards. Oultreplus, tous les Vesegoths, vne cruelle nation, qui la par lespace de trois cens ans auoient troublé le monde tant en Prouence comme en Aquitaine et Espaigne, furent def-
(1) Eq735, Charles Martel avait envoyë son fiU à Luitprand afin que celui-ci devint son père d'adoption en lui coupant les cheveux selon Tusage germanique.
(2) La vallée des Corbières.
