ERORATION DE LA.CTEVR AVX NOBLES LECTEURS ET AUDITEURS DE CE LIURE

Seignevrs prudents et dames vertueuses de noblesse Gallicane et Françoise : sil vous semble que iaye satisfait, en tout ou en partie, à ce que iay promis au commencement de ce volume, ie vous prie, rendez en grâces à la Royne treschrestienne nostre souueraine dame, Duchesse de Bretaigne. A laquelle par la grand excellence de sa noblesse et bonté, ceste présente œuure est dediee et intitulée : et de laquelle Princesse le bénin traitement et gracieux commandement, mha donné hardiesse de mettre ce labeur en lumière, deuant voz yeux bénins et courtoise audience. Et sil y ha quelque chose qui ne vous plaise, ains gise en reprehension, excusez lirabecillité de lentendement humain, lequel ne fournit pas tousiours et ne peult attaindre bonnement à ce quil voudroit.

Quoy que soit, iay cuidé fealement recueillir tout ce que les communs historiens de France et dailleurs, auoient laissé derrière au plus grand honneur de la nation Françoise. Et mha semblé que ie faisoye comme font ceux qui amassent les menuz espics de blé, après les moissonneurs : ou ceux qui gardent de perdre les raisins que les vendengeurs ont laissez derrière : laquelle chose est permise à chacun par droit diuin et humain. Si ay en ce cas pensé satisfaire à ceux qui désirent congnoitre, que non seulement par opinion vul-

SINGTLARITBZ DB TROYI. LITRB III. 460

galre et commune renommée, mais par viues raisons et vrayes autoritez, ia nation Gallicane et FrançoiBe, taat Orientale comme Occidentale, est de extraction toute pure Herculienne et Troyenne : et que les vertuz et prouesses du grand Hercules de Libye et du trespreux Hector furent représentées en la personne de lempereur Charles le grand. Laquelle chose aucunes autres nations impugnent par enuie et maliuolence : et nous attribuent cest honneur et prééminence, à vantise et à vaine gloire. Et pource, seigneurs, li les dames, qui dauenture liront, ou orront lire ce liure, estoient quelque fois ennuyées et fâchées de trouuer tant de Latin entremeslé parmy le François : le pourray par vostre bon moyen, trouuer lieu dexcuse, mesmement en ce, que aussi bien mest il licite de ce faire en ma vocation, comme il est aux prescheurs en la leur, lesquelz allèguent souuent beaucoup de Latin, en leurs sermons, aux femmelettes de village, pour corroborer et persuader ce quilz veullent donner à entendre au peuple. Mais sachez, nobles hommes et experts en literature, que ie ne le fais point pour monstre et ostentation de la science historiale, mais pour vous releuer de peine et non estre douteux, ou scrupuleux, {1) au contenu de ceste histoire. -o Et si aucuns trop curieux, ou contredisenrs (ie ne vneil dire ignorans) comme il sen treuue assez, sesmerueillent de ce que ie nomme Allemaigne, France Orientale : et la terre de Gaule, France Occidentale : desquelles deux Frances, lempereur Charles le grand estoit souuerain dominateur : lisent les gestes de lempereur Federic premier de ce nom, surnommé Barberousse, de la nation de Soaue. Lequel par sa généalogie se monstroit yssu des Roys de

(1) plein d'obscurités, de difficultés.

470 1LLVSTRATI0^S DE GAVLE, ET

France Clouis et Charles le grand. Et fut Prince de merueilleux cœur et grand prouesse, lequel subiuga les Itales et destruisit Milan et Gennes à cause de leurs rebellions. Et créa quatre Papes à son appétit. Finablement il mourut es conquestes de Turquie, qui fut vn merueilleux dommage pour la Chrestienté. Or escriuit ses hauts faits en Italie, vn poète nommé Ligurin, lequel pour monstrer que lempeur Charles le grand estoit Roy des deux Frances, dit ainsi en son premier liure, parlant de la cité d'Aix la chapelle, dite en Latin Aquisgranum : là où le saint Empereur Charles le grand est sépulture : et y prennent les Empereurs et les Roys des Romains leur première couronne :

Hoc vbi prima loco veluti cunabula regni A Carolus esse volens, magno cum Francis régi

Utraque seruiret, primam gesfare coronam lassit, et in saci'a reges ibi sede locari. Ât simul à nostro secessit Gallia regno, Nos priscum regni morem seruamus : at illa lare suo gaudet, nostrae iam nescia legis.

Or fut [empereur Charles le grand natif de France Orientale, cestadire du territoire de Mayence sur le fleuue du Rhin : laquelle cité estant deçà le Rhin, on deuroit plustot dire estre située en Gaule Belgique, iasoit ce quilz parlent Allemant. Et que ladite cité Impériale de Mayence, iadis fondée par les Troyens, soit de France Orientale, appert par autres vers de lacteur dessusnommé, qui dit en parlant dicelle :

Nanqae premens Rhenura (si credimus omnia famse) Nomen ab infuso recipit Moguntia Mogo.

Hsec vrbs Francorum mediis in finibus : agris, Uitibus, arbustis, populo generosa frequenti.

SINGVLARITBZ OK TROYE. LIVRE lU. 471

Uinc atattone tua RheDam contiogit, at iode Eztendit rapidam fines procul Taqa« MoMllam.

Oultre le Rhin, et vis à vis du tenritoire de ladite cité de Mayence, est le pais quon dit en Latin Franconia : seu Orientalis Francia. En la langue d'Allemaigne cest Franoland, qui signifie en nostre langue païs des francz. Dont la cité capitale est nommée en Latin Herbipolis et en Allemaat Vuirtzburg, de laquelle cité leuesque est seigneur temporel et se intitule, Duc de Franconie : et quand il célèbre messe, il ha lespee nue sur lautel. Aussi est audit pais la bonne ville de Francford, tresriche et bien marchande, en laquelle il se fait tousiours lelection des Empereurs et des Roys des Romains : laquelle cité de Francford fut fondée et construite par lempereur Charles le grand, comme on peult coniecturer par les vers qui sensuiuent du poète dessusnommé :

Conueniunt proceres, totius viscera régnai, Sede satis nota : rapido quse proxima Mogo Clara situ, popaloque frequens, murisque d«coi-a est : Sed rude nomen habet. Nam TeutoDus iacola dixit Franconefurt, nobis liceat sermone Latino Francorum dixisse vadnm : quia Carolus illic Saxonas indomita nimium feritate rebelles Oppugnans, rapidi latissima flumina Mogi Ignoto fregisse vado, mediumque per amnem Transmisisse suas neglecto ponte cohortes Creditur : inde locis mansurum nomen inbasit. (1)

En ce mesme païs de France Orientale, oultre le Rhin. y ha plusieurs autres grosses citez, si comme Bamberghe, là où est enterré Beranger, vsurpateur du Royaume d'Italie,

(1) adhasil (éd. 1513 et 1528).

472 IIXVSTRATIONS DE GAVLB, ET

prins et vaincu par lempereur Othon, premier de ce nom : ainsi comme Didier, dernier Roy des Lombards, fut prins par lempereur Charles le grand, et Ludouic Sphorse, Duc de Milan, par le Roy Loys douzième. Oultreplus est en ladite France Orientale, la grosse et forte cité impériale de Nurembergh, limitrophe de Bauiere, auquel lieu et aux enuirons furent deffaites les légions Romaines du temps de lempereur Octauien Auguste, dont il eut si grand dueil, quil en cuida mourir : comme est dit au commencement de ce liure. Et en icelle cité de Nurembergh, on garde solennellement la palle, (1) lespee, le sceptre, la pomme dor et la couronne impériale de Charles le grand. Lesquelz nobles loyaux ne sont iamais bougez de là, sinon à la première coronnation dun nouuel empereur, ou Roy des Romains. En oultre, sont en ladite France Orientale, plusieurs autres bonnes villes, fondées par les Troyens, comme il est touché au commencement de ce liure.

Et deçà le Rhin, aussi bien que delà, habitèrent les premiers Roys de France, comme il appert par les anciennes histoires et fondations. Clouis, premier Roy des François, fonda la cité d'Argentine, quon dit ores Strasbourg, prochaine du Rhin, au pais d'Alsate, la cité cathédrale, ou episcopale, de saint Pierre : et vne autre collégiale, comme disent et escriuent ceux du païs mesmes. Et iusques auiourdhuy, les bourgeois de Strasbourg marquent leur monnoye dargent dune fleur de lis. Dagobert, filz de Clotaire second de ce nom, qui voulentiers se tenoit en ce mesme quartier, fonda la riche abbaye de saint Pierre, de Vuissembourg : laquelle ville est à huit lieiies d'Allemaigne, de ladite cité de Strasbourg, en tirant aual le Rhin. Et au

(1) de paîlium, manteau.

SUMÎTUAIUZ »K TJMYfi. UTIS 10. 47S

portai dudit; fMMitaiw MQt eoerito «air» aotvM «doKn 1m vers qui seDflliBeBt, doBt iâ prins la copie, quand ie y estoye. Si sont grauez en pierre et parlent en la personne du Roy Dagobert, dont la représentation est illec etleueo, disant ainsi :

Rorase Francorum Dagobertnt rex domiDorum, Pollicitus Totum Cbrisfo quod compleo totum, Accipis hoc donum, Petre, faciamqae patronum : Vuisaembourg donc tibi, sanote Petre, patrono. De venia certus ego rex bîlarm Dagobertu». Anno donini vi. c. xxiii. dominus Dagobertas Rex FraBOorom foodAuit monaotcrium Yuisaemburgenae.

le pourroye alléguer assez dautres semblables preuues, lesquelles iay veijes et extraites en Allemaigne, tant deçà comme delà le Rhin : et en nostre Gaule Belgique : mais à fin que trop grand prolixité sur vn propos nengendre ennuy, il vaut mieux icy clorre le pas. En disant (à fin de faire correspondre les dernières choses aux premières) que lintention des deux premiers liures des Illustrations de Gaule et Singularités de Troye, nha esté produite pour autre chose, sinon pour illustrer les deux Frances : cestasauoir, Orientale et Occidentale. Et pour monstrer quil ny ha nation au monde, qui ayt perseueré en sa noblesse, de toute antiquité, iusques à ores, que les François Orientaux et Occidentaux : ce que nous auons veu par ce liure.

Or vueille Dieu, que de nostre temps les armes de ces deux tresnobles et trespuissantes nations se puissent ioindre pacifiquement ensemble, pour recouurer leur héritage de Troye, lequel possèdent les Turcz. Et Dieu mercy, nous en voyons desia quelconque coniecture et apparence : car les Allemans, que nous disons Lansquenets, qui sont les

474 ILLVSTRATIOHS DE GAVLE, ET

vrays François Orientaux, militent auiourdhuy, et sont souldoyers en bonne estime de hardiesse et de loyauté, souz le Roy treschrestien, Loys douzième. Et se commencent ces deux nations à sentreaymer, et sentreaccointer, par société bellique : comme ilz faisoient du temps de lempereur Charles le grand. Lequel seigneur Roy Loys douzième est en plusieurs choses comparable audit empereur. Et mesmement en ce quil ha restitué par force darmes à leglise Romaine la plus part du patrimoine que ses prédécesseurs auoient donné au saint siège apostolique.

Touchant la généalogie des Turcz et de leurs gestes iusques à nostre temps, et la géographie, cestadire description de la terre de Turquie et de Grèce et des isles circonuoisines, laquelle chose par mes deux autres liures, iauoye promis monstrer bien clerement, en ce troisième, ie seray excusé de non lauoir fait : à cause de ce que iay trouué matière assez ample pour remplir ce volume. Mais iasoit ce que telle œuure et entreprinse que iay promise et non acheuee, soit diflBcile et de grand labeur et inuestigation, neantmoins quand il plaira à noz souuerains Prince et Princesse men donner le commandement et loisir, iaccompliray ma promesse et macquiteray du vœu solennel que ien ay fait, sur le grand autel de S. Pierre de Romme pour le bien publique de toute la Chrestienté : et pour lenseignement, guide et soûlas de tons nobles hommes, qui se voudroient armer pour aller en Grèce et en Turquie, quand le cas escherra (si Dieu plait quelque iour) que par lunion des Princes et lautorité du saint siège apostolique, le grand passage et croisée vniuerselle sera ouuerte et publiée. Laquelle chose, Dieu nous doint voir de nostre temps, et en donner la grâce et le vouloir à noz Princes : car ilz en ont bien le pouuoir, ausquelz et à leur tresnoble lignée et

SIMGVLARITEZ Dl TKOTE, LIVRE Hl. 475

alliance Dieu vueille tousiours donner prospérité, bonne valitude et félicité par tous les siècles presens et aduenir. Et à vous tous, nobles lecteurs et auditeurs, plaisir et passetemps de ce liure, sil vous agrée. Accompli en la cité de Nantes en Bretaigne, au mois de Décembre : lan de grâce, mille cinq cens et douze. Duquel liure la closture sera dun des vers de Virgile, qui dit en la personne de Helenus, filz de Priam, parlant à Eneas :

Vade agè, et ingentem fatù fer ad athera Troiam. Va mon liure, et fais tant, que de Troye finee, La grandeur monte aux cieux, pau* bonne destinée.

FIN DV TROISIEME ET DERNIER LIVRE DES ILLVSTRATIONS DE GAVLE, ET SINGVLARITKZ DE TROYE.

De peu assez.

mt'