PROLOGUE

tresclere, ont tousiours erré iusques icy, et moins satisfait, que la dignité de Ihistoire ne le requeroit, dont au moyen desdits escrits imparfaits et mal corrigez, sest ensuyui, que toutes peintures et tapisseries modernes de quelque riche et coustengeuse estoife quelles puissent estre, si elles sont faites après le patron desdites corrompues histoires, perdent beaucoup de leur estime et réputation entre gens sauans et entenduz. Laquelle chose doit trop desplaire à tous cœurs rempliz de générosité : attendu que la glorieuse resplendissance presques de tous les Princes qui dominent auiourdhuy sur les nations occidentales, consiste en la rememoration véritable des hauts gestes Troyens. A fin donques de redresser, et ressourdre ladite tresnoble histoire, qui presques estoit tombée en décadence, et deprauation ruineuse, comme si elle fust destime friuole, et pleine de fabulosité par la coulpe des dessudits mauuais escriuains, qui ne lont sceu desueloper, laquelle certes est véritable et fertile, et toute riche de grans mystères et intelligences poétiques et philosophales, contenant fructueuse substance souz lescorce des fables artificielles. Et veu que à moy (plus que à nul autre) des esprits célestes appartenoit de procurer la restauration dicelle histoire, attendu, que ie fuz (comme chacun scait) ministre presential au iugement des trois Déesses , auquel gist lesclarcissement de toute Ihistoire Troyenne. A ceste cause, en ce temps heureux et prospère de la monarchie de ton géniteur. Empereur des Chrestiens, que toutes sciences sont plus esclarcies que iamais, ie stimulay et enhardis lentendement du tien tresadonné seruiteur voluntaire. Secrétaire, Indiciaire et Historiographe lean le Maire de Belges, enuiron lan xxvii. de son aage, qui fut lan de grâce Mil cinq cens, à ce quil osast entreprendre ce labeur : et luy ay administré toutes