DU PREMIER LIVRE

choses à ce seruans et conuenables par lespace de neuf ans de ma part (et aussi de la tienne, et dont ie te scay gré) voicy desia le sixième an que par mon propre mouuement et enhort, ta debonnaireté palladienne luy ha donné faueur et entre tenance libérale. Au moyen desquelles choses il ha tant trauaillé aux fins de nostre emprise tresafFectueuse, que pour satisfaire à mon iniunction, et au désir de ta beniuolence, il ha finablement clarifié' ladite histoire, par trois liures faisans vn volume, lequel il ha nommé par appellation décente. Les illustrations de Gaule, et singularitez de Troye. Laquelle œuure vniuer selle, en sa totalité (pource que maintes choses autresfois obscures, y sont clerement interprétées) pourra estre appropriée à moymesmes, et à tous ceux de mon influence : cestadire à tous nobles et clers entendemens de lun et de lautre sexe, qui sont de la bende Mercurienne, et ayment la lecture des bonnes choses. Mais les trois liures particuliers, seront par moy dédiez et intitulez aux seigneuries et hautesses de trois grands Déesses : cestasauoir , Pallas , Venus, et luno. Et représenteront (selon ma fantasie) les trois aages de Paris Alexandre, filz du Roy Priam de Troye. Duquel la vie nous est principalement déduite en ce volume : et consiste en trois choses : cestasauoir, sa natiuité, son decours, et son definement. Donques par mon adueu, le premier liure sera consacré, et intitulé particulièrement, au nom tresrenommé de dame Pallas : pource que la ieunesse de Paris y est principalement descrite. Auquel aage il mena vie palladienne : cestadire, contemplatiue, en habit pastoral et humble fortune. En laquelle, pour lapparence de ses vertuz, icelle Déesse guidée par moy, soff"rit au sien entendement, par démonstration aperte, et luy semonnit le trésor de sa sapience, duquel il estoit capable par la bonté de sa nature.