MONSEIGNEVR ANTOINE DE BOVRBON

DVC DE VENDOSME,

Antoine du Moulin, son treshumble et tresobeïssant serviteur, salut et prospérité.

L'omnipotent, tresillustre, et tresuertueux Prince, ha voulu que toutes ses créatures tant animées, que inanimées, du Monde supérieur et inférieur, soient Continuelle opération de sa voulenté obeïe de ses Vertus, Dominations, et Puissances par lesquelles sa gloire incessamment se manifeste : poUr estre sa bonté vne si grande et infinie puissance', qu'elle né peult non seulement demourer oisiue, mais encor ne permet que nulle chose produite d'icelle, à l'imitation de son premier Moteur, soit cessante d'aucune œuure ou pour exemple dé bien, ou pour exemple de mal : eï tellement, que la Terre mesures (encores qu'elle soit F* moins mouuante) ne cesse en sa solide stabilité de produire et germirter Continuellement, comme ministre de sa diuine intention. Qui noUs peult manifestement dem'onstrer, q^ie l'homme, en qUi, et pour qui tout ce grand mouUement de l'Uniuers trauaille à la louenge de l'Eternel, ne peult (comme il ne doit) estre moins participant de tout ce grand labeur, de l'vtilité duquel il est mesmement vnique iouis-

4 M0NSK1GNEVR ANTOINE DE BOVRBON

sant. Et d'autant plus l'inuite, et contraint à l'opération, que ce grand Architecteur de toute la Machine ronde ha réduit en luy, quasi comme en vn petit Modelle, toute la grande estendue de la reuolution Spherique et Terrestre : en sorte que plusieurs des antiques et premiers Philosophes asseurans estre plusieurs Mondes, approchoient grandement de la vérité non amplement congnue d'eux, comme depuis par maints autres après eux, qui ont appelle l'homme Petit monde, nous faisant par ce entendre que toute nature n'est autre, que continuel trauail des miraculeux effectz de celle incompréhensible sapience du premier Mouent. (1) Et pource en ceste petite nature de l'homme et Microcosme l'esprit bouillant ne cesse iaraais de s'exerciter ou à son proufit, ou à sa gloire. Et combien que ces deux yeux de nostre vie, qui sont l'Honneur, et l'Vtilité, soient les deux buts de nostre exercitation, si trouue ie que dauantage nature nous ha baillé vne fidèle Scorte pour nous guider et accompaigner à laquelle que nous voudrons paruenir des susdites fins, qui est le Plaisir, sans lequel les autres deux ne peuuent rien. Et neantmoins luy seul, et de soy, se peult exerciter à toute œuure louable, sans espérance d'en rapporter ne gain, ne louenge : et par ce plus à estimer beaucoup, que celle, qui ne s'employe, oultre la nécessité, que par conuoitise de ce vil metail, mary d'Auarice, à laquelle toute l'intention du sot Vulgue tend seulement, chose abominable à l'homme né à plus honnorable affection. Ainsi le plaisir, quelque vain et transitoire qu'il soit, aura non moindre part au mérite de nostre exercitation, ne fust

(1) Movent, c.-à-d. moteur. — Plus bas, scorte est une forme italienne qui, vingt ans plus tard, s'écrira escorte. — Pour autant que, se dit encore en Belgique.

DVC DE VENDOSME. 5

ce que pour autant qu'il nous achemine à bien, et nous garde de nous perdre au sommeil de paresseux repos, ennemy de l'autre but, qui est l'honneur. Auquel nous pouuons atteindre par autres deux guides : l'vne (1) Ambition autant ignominieusement détestable, comme pernicieuse, que l'autre est éternellement louable, comme seule compaigne des Dieux, qui est Vertu. Cest honneur donques acquis par vertueux exercice est celuy seul trauail, qui ha colloque l'homme au renc des Immortelz : et autour duquel tous ceux, qui plus participent de nature diuine, ont employé leurs louables sueurs et vertueuses exercitations pour se gaigner lieu entre les Célestes, et immortalité parmy les Terrestres bien méritez diceux par l'vtilité paruenue de leurs vertus illustrées par armes, ou par lettres, deux seulz instruments de ceste Vertu incitatoire d'honneur. Et combien que ses armes ayent en ce vertueux exercice obtenu le premier lieu, si n'ont elles peu perpétuer leur gloire que par les lettres, qui me semblent deuoir estre préférées (quelque chose que tant d'hommes doctes en ayent debatu au contraire) pource mesmementque oultre la bonne institution ou elles adressent tout l'homme, elles le font reuiure après la mort, ce que les armes d'elles seules ne peuuent. Et pource le nombre de tous les illustres, qui sont montez par la voye des sciences à ce Ciel d'honneur, est trop plus grand, que celuy des armes, ainsi que les infinies œuures d'eux tesmoignent, mesmement de ceux, que la félicité de ce Siècle nous ha produit. Au nombre desquelz, et des premiers rencz entre autres Princes et Princesses, la tresuertueuseRoyne de Nauarre, rarissime exemple des pre-

(1) Guide, encore féminin dans l'abbé de Chaulieu.

6 MONSEIGNBVR ANTOINE DE BOVRBON

sents et passez, ha atteint le sommet, et le plus haut siège de tous militants à ce triomphant exercice d'honneur, comme sa Marguerite des Marguerites (1) nous restera à iamais pour éternelle preuue de son glorieux et immortel trauail. A l'imitation de laquelle, pour n'estre veu seul oisif entre tant de ses seruiteurs (au nombre desquelz luy ha pieu m'inscrire) trauaillants incessamment à la vertu, (2) me suis occupé à vouloir reillustrer celuy, qui plus ha illustré l'antiquité de nostre Gaule, qui est maistre Iean le Maire de Belges, veu mesmement que luy estant au seruice d'vne autre vertueuse Marguerite de Flandres, trauailla non seulement à la louenge de sa Maistresse, ains à celle de plusieurs, comme par ses Illustrations se void : lesquelles i'ay trouuees si deprauees ou par ignorance, erreur, ou deprauation du temps, qu'à peine ay ie trouué deux allégations siennes saines, ou pertinentes. (3) Parquoy m'ha fallu, non sans long trauail, recouuvrer tous autheurs par luy alléguez, et rendre à son entière pureté. Et en oultre, ayant recouvert autres œuures siennes, comme la Couronne Margaritique, et quelques chants rustiques en rhythme, les ay bien voulu adiouster au comble de ses louables labeurs

(1) Recueil de ses poésies que venait de publier un autre de ses valets de chambre, Simon de la Haye (Lyon, 1547). On y retrouve souvent le style alambiqué de cette préface, bien différent de celui de l'Heptaméron.

(2) « Marguerite jeune, ouverte à tous les bons et beaux sentiments, à la vertu sous toutes les formes, s'éprit de cette cause » (la Renaissance). Ste Beuve. Causeries du lundi VII, 347.

(3) « Selon la variation continuelle qui a suivy le nostre (langage) jusqu es à cette heure, qui peult espérer que sa forme présente soit en usage d'icy à cinquante ans ? il escoule touts les iours de nos mains ; et depuis que ie vis, s'est altéré de moitié. » Montaigne, Essais III, 9. Mais il s'agit surtout de fautes d'impression.

DVC DE VENDOSME. 7

pour en délecter vostre vertueuse excellence, comme celuj , que ie croy, qui plus aura à gré, non ce mien petit exercice, mais l'œuure de ce grand trauailleur : et dauantage pource qu'en y voyant les autres opuscules non encores mis en lumière iusques à présent, le nom de celle Marguerite des fleurs, que vous y trouuerez, vous refreschira la bonne affection et entière amour de la mère de vostre tresheureuse et tresuertueuse compaigne fille vnique de celle, qui en vertu ha passé les plus vertuenx trauaillants, et auiourdhuy excelle tous ceux, qui peuuent donner fin et but au mesme Honneur et à la mesme Gloire, qui est la Rovne vostre belle mère, et ma tresredoutee maistresse, à l'intention de laquelle comme de voz trois vertueuses affections en vne intention i'ay bien osé présenter ces miennes petites prémices de mon premier et presque inutil seruice au respect du bon vouloir, que i'ay, et auray toute ma vie d'obéir aux heureux commandements de sa Maiesté, et de vostre excellence, comme à ceux, ausquelz ie doy toute affectionnée obéissance, et humble seruice en l'honneur de celuy, qui vous doint ensemble longuement prospérer et viure au contentement de tout ce Monde honoré de voz vertueuses et rarissimes présences. De Lyon cedernier iour de Septembre, m. d. xlix.

LIMPRIMEVR AV LECTEVR

SALVT.

Le désir, que iay tousiours eu de remettre sus, tous Autheurs et œuvres utiles, que liniure du temps ou ha oubliés, ou depraués, mauoit de long temps affectionné à nostre Iean le Maire, illustrateur de nostre France : et ne le uoulois (toutesfois) ainsi nuement présenter deuant tes yeux, sans le reuestir dauantage de quelque nouueaux opuscules, comme cestuy de la Couronne Margaritique. Maispource que ie craingnois que plusieurs cerueaux trop délicats, et qui sont de iugement si chatouilleux, quilz ne se peuuent complaire, que à choses conformes à leur fantasie, ne prinsent en mauuaise part les choses, que quelquesfois les Autheurs escriuent par commandement, ou comme affectionnés à leurs supérieurs, ou comme passionnés, et ignorants autrement les importances des choses, quilz escriuent, ie me suis long temps abstenu de te mettre en auant ceste Couronne : pource que ie y uoyois Lautheur trop abandonnément parlant en faueur de sa Maistresse, et au desauantage dautruy. (1) Toutesfois quand iay considéré lobligation grandissime, que toute la France ha à luy, il raha semblé (et equitablement) que tout ainsi que nous auons aisément prins plaisir aux louenges et honneur, quil nous ha fait, nous ne deurions aussi prendre desplaisir, si

(1) V. la note 1 de page 13. Jean de Tournes fait aussi allusion aux écrits de Lemaire en faveur de la politique de Louis XII.

L1MPRIMEVR AV LECTEVR. 9

quelquesfois il se extrauague à parler (et fus! ce bien à tort) plus contre aucuns particuliers, que généralement contre nous, descriuant les malheurs de sa Maistresse, Princesse (à la uerité, et toute affection ostee) uertueuse, sil en fut onques. Et dautant plus luy est à condonner, que loccasion de sen aigrir ainsi particulièrement contre quelques uns, ne procède (à ce que ie puis coniecturer) que pour le desplaisir grand, quil auoit, que sa Princesse ne se uist couronnée du Royaume, pour lequel il sestoit tant affectionné à le illustrer. (1) Et par ainsi, congnue lintegrité de sa louable et équitable intention, ie ne me suis uoulu arrester à si peu daigreur, que tu y pourrois trouuer, pour te faire gouster après une infinité de douceurs, que tu y trouueras, tant au discours de la uie de ladite Princesse, comme en plusieurs belles inuentions, et plaisantes histoires. Lesquelles ie te prieray prendre en aussi bonne part, comme syncerement ie y ay procédé, pour seulement te complaire, et délecter : et adieu. De Lyon ce quatrième de septembre m. d. xlix.

(1) Marguerite d'Autriche, dès l'âge de deux ans, était mariée à Charles, dauphin de France, fils de Louis XI.

A TRESHAUTE TRESPUISSANTE ET TRESILLUSTRE