LA VOIX
Au bruyt : au bruyt de la louange excelse Du duc illustre accourez tous et toutes, Cessez souspirs : séchez larmes et gouttes. Pour venir veoir : son honneur hault et celse. Son grant renom le ciel cristallin perce, Esveillez vous par tropeaulx et par routes Au bruyt.
(1) C.-à-d. en gîte.
(2) Forme curieuse, merveilleuxse pour merveilleuse. (3; Du latin e somno excitare.
tiS LE TEMPLE DHONNKUR ET DE VERTUS.
Il a vaincu mortelle controverse Par ses vertus : n'en faictes nnlles doubtes. Or vous dressez : et soyez aux escoutes : Sisoaurez bien : en quel gloire il converse, Au bruvt.
LACTEUR.
Ceste miraculeuse résonance (1) consolatoire ainsi parvenue aux oreilles de la dicte très haulte princesse, elle et sa fille ensemble les cinq bergiers dessus mentionnez qui sont ses feaulx subjectz serviteurs et vassaulx : Et les deux pastourelles ses subjectes et pedissecques : comme il luy sembla furent en ung momment transportez sur une montaigne haulte et spectable dont le sommet surpassoit de beaucoup les nues errans en région aerine. Si estoit icelluy mont semblable a celluy qu'on nomme Olympus en Macedone : tant floury tant verdoyant et tant revestu darbrisseaulx arromaticques et d'autres jolivetez de grant redolence : come se ce feust ung second paradis terrestre. Et en la plaine spacieuse et herbue se monstroit ung édifice sumptueux a merveilles a manière dung temple anticque en ouvraige, mais riche oultie mesure en sa façon. Lequel donnoit de prime face esbahissement a l'œil, tant pour excellence de sa beaulté que pour la reflamboyance de lor et des pierres précieuses dont il estoit garni. A l'entrée de ce temple y avoit ung portail tout estoffé de fin marbre poli et enrichi delegant ouvraige, ouquel temple estoyent posées tout de nouveau (comme il apparoit par la deraonstracion de l'œuvre récente) six ymaiges exquises et précieuses taillées de main si ouvrière qu'il sembloit mieulx de prime face
(1) C'est la nouvelle orthographe de l'Académie française.
que le suppernel facteur des choses y eust mis la main, que Phidias ne Praxiteles jadis souverain maistre de sculpture. Et estoyent assises sur fermes embassemens d'albastre, en sièges de porphire et couvertes de pavillons de cristal semez destoilles : Ces six personnages avoyent habitz et visaiges plus angeliques que féminins avecques riches diadèmes es leurs chiefz, leurs robes parsemées de lettres ytallicques faictes de perles bordure et orfaverie. La première reportoit tout plein de PP La seconde avoit des JJ. La tierce et la sixiesme des EE. Et la quatrième et cinquiesme portoyent aussi une mesme devise. C'est assavoir des RR. Tellement que a les lire ensemble par ordre elles faisoyent PJERRE.
A ce tant beau spectacle saresta la duchesse Aurora toute esmerveillee tenant sa très amee fille par la main. Et consideroit en soy mesmes le efficace de ce mistere.(l) Melibee, Argus, Mopsius, Amintas et Titirus les cinq bergiers dessuditz avec Egle et Galatee estoyent occupés a regarder la speciosité incredible et richesse incomparable de ce beau temple par dehors et disoyent les ungs que cestui leur bailloit intelligence et remembrance du grant temple du roy Salomon en Jérusalem ou decelluy de Dyane en péchez. (2) Les aultres doutoyent (3) ensemble de la signification des lettres, dont les habitz des dictes ymages estoient couvertes. L'ung disoit que la première qui avoit les PP. estoit Pales la bonne déesse des pasturages. L'autre affermoit que cestoit Pallas, la déesse de Prudence. Puis ung aultre
(1) De ministerium. Comme au moyen-âge, cela signifie office, spectacle.
(2) Ephêse (1548).
(3) Disputoient (1548).
soubstenoit que la seconde qui portoit des JJ estoit Juno. I/.intre affermoit que cestoit la déesse Isis. Et ainsi des autres. Et comme ils persévéraient en cest estrif, lesditz (1) personnaiges de maintien virginal qui sembloient estre statues immobiles, dressèrent tout doulcement sur bout que a peine appercevoit on leur mouvement. Et de leurs bouches corallines pronuncerent par ordre les dictiers cy après escriptz, ung chacun des assistens faisant silence taciturne et «appareillant a escout comme pour ouyr le saint oracle d'Appollo en Delphos.
