L'ACTEUR
Ainsi plorans les bergieres sembrassent
Et les bergiers vont en doubte escoutant
Les tourbillons qui les hydeux ventz brassent.
En ce temps là Automne linconstant
Avoit son règne et Vulturnus le noir (3)
Alloit partout feuillettes abbatant.
Bachus eust tainct de vin maint entonnoir, (4)
Phebus tout triste habândonnoit Libra
Qui tant est juste en son noble manoir,
Le pasteur Pan que tristesse obumbra
Sestoit retraict dedens ses riches parcs,
(1) C.-à-d. désireuses.
(2) Il sensuyt touiours dueil (1548).
(3) Vulturnus ventus, pour les Romains, vent du sud -est, soufflant du Volturne d'Apulie.
(4) Sans ces rafales.
Craignant le froit qui depuis encombra
Par cy par la se3 moutonnetz espars. ^J
Autour de luj tous rassemblez sestoyent
Et ses aigneux (1) venans de toutes pars.
Doncques ainsi que bergiers escoutoyent
Comment le temps sa fureur fineroit,
Vecy venir ce que plus ilz doubtoyent :
Vecy Phebus qui va entrer tout droit
En la maison dung des pires du ciel.
Cest Scorpius tant venimeux et froit
Scorpius donc, faignant espandre miel,
Quant il vit Sol qui les cieulx couloura,
Remplit tout l'air de poisons et de fiel.
Ce matin triste, on perce ut Aurora
Prendre pâleur pour blancheur rubiconde
Et si vit on que griefvement ploura.
Lors Melibee a la doulce facunde
Veilloit plus quautre en son parc bourbonnoys
AfBn que riens de son œil ne s'absconde :
Si vit lever vent septemptrionnoys
Cueilllans en l'air une nuée noyre,
Dont trop piteux seront les esbanois.
Tout lentement sans fouldre et sans tonnoyre,
Venoit la triste, obscure, ténébreuse,
La nyeble (2) brune, horrible, extermi noire.
Si se posa dessus la teste umbreuse
Du noble duc prince des sept bergiers
Et y fut griefve, efficace, encombreuse.
Lors Melibee estant en ses vergiers,
D'une voix aigre aux aultres six escrie,
Qu'ilz viennent voir ces cas tant estrangiers.
(i) Aignieu, en picard. Ognai en liégeois.
(4) Signifie aussi dans Palsgrave mildew, rouille, nielle.
-J|-> LB ll'.MI'l l. DHONM l H i l Dl VERTUS-
Chascun y court et en courant Dieu prie
Qu'il garde Pan de mortel encombrier,
Mais trop tard fut, car nature est flestrie,
Pan le bon prince est sans nul recouvrier
Couvert de mort : et musse soubz la nue
Que nul ne fuyt tant soit il fin ouvrier.
A tel meschief, à tel desconvenue,
Gecta la noble emperiere des fleurs
Larmes plus dru que pluyette menue.
Tant de souspirs : tant de crys : tant de pleurs
Furent autour du bon prince gectez
Que jamais nul nen ouyt tant ailleurs.
La noire nue a voit de tous costez
Çaint (1) le pourprains et tainct de sa couleur
Brebis, aigneaulx : pasteurs desconfortez.
Tous les tropeaulx en signe de douleur
En obscur noir changèrent toisons blanches
Et les bergiers prindrent dueil et pasleur.
Trop piteux fut de veoir lors les semblances
D'Aurora triste et de ses nimphes belles
Qui sans cesser faisaient leurs doléances,
Et tout ainsi qu'aux doulces coulombêlles
Plaindre et gémir est leur naturel chant,
Ainsi le font ces nobles jouvencelles.
Féminins cris vont par tout l'air trenchant,
Chascune pleure et se clame dolente,
Et maint pasteur se dit las et meschant. (2)
Là eussiez veu mainte main violente
Batre son pis : derompre ses cheveulx
Et mainte face estre sanguinolente.
Aigres souspirs : sangloutz impétueux
(1) Tainct (1548).
(2) C.-à-d. malchanceux.
LE TEMPLE DHOJNNEUR ET DE VERTQS.
Larmes en sourse : une abysme de plaintz Furent mys hors pour ce duc vertueulx.
Mais qui que fist regretz de dueil plus plains, Ce fut par droit Aurora la duchesse Avec la fleur qui croist emmy ses plains. Sa fleur, sa fille, et toute sa richesse Fut de tous lez de larmes arrousee Et de gémir ung seul moment ne cesse.
Car Aurora la princesse prisée Distilloit toute en liqueur lachrymalle Et se fondoit en pleurs et en rousee, Et ce voyant les haulx dieux de leur salle Meus de pitié Appolo envoyèrent Pour adoulcirsa douleur ennormalle (1). Appolo vint et ses gens desployerent Mirre, Aloes, et fleurs aromatiques Et du duc Pan le corps en embasmerent, Puis par les siens privez et domestiques En grant triumphe et grant pompe funèbre Le corps fut mis o ses perez antiques. (2) L'obseque fut admirable et funèbre Plus que de nul jadis de ses ancestres Dont la memoyre à tousjours on célèbre. Lors dame Opis, mère des dieux terrestres, Receut son filz en son propre giron Et luy ouvrit ses patentes fenestres,
(1) Anormale (1548). Cette forme' se trouve déjà dans le Roman de la Rose et vient peut-être, quoi qu'on en dise, assez régulièrement de abnormis.
(% En l'abbaye de Souvigny, sépulture des ducs de Bourbon. « Le 15 juillet 1830, raconte Michelet, la duchesse d'Angoulème se fit ouvrir ces caveaux. Tout était poussière, ossements dessé chés. Un de ces morts avait seul résisté ; il gardait ses cheveux, de longs cheveux châtains ; c'était Anne de Beaujeu. » (Aurora aureine).
Puis le couvrit de maint souef flouron ; Pasteurs aussi sa houlette y posèrent, Renouvellans leurs plours a l'environ, Et de rechief leur fortune accusèrent Dont mesme on veit les choses insensibles Qui par semblant leur douleur composèrent (1) Fleuves courans en leurs rives paisibles Par grant desdaing senflerent tout a coup, Et les vers prez rendirent invisibles.
Arbres ayans fruictz et fueilles beaucoup Pour ce meschief ruèrent tout par terre Et en crouslant on les ot gémir trop, Les oyseletz s'enfouirent a grant erre (2) Par desconfort en régions estranges Comme s'aucun leur voulsist faire guerre. Montz verdoyans prindrent neiges pour changes La terre riche osta ses beaulx tapis Et print pour fleurs les ennuyeuses fanges. Lors eussiez veu les troppeaulx racroupiz Et sans pasteur espars puis ca : puis la, Craignans le froit et la fain qui vault pis. Maint aignelet piteusement besla, Et maint mouton qui ne trouva pasture Par crys dolens son bon maistre appella, Puis tost après la nuyt feist couverture A l'air obscur de ses grandz esles brunes, Et feist autour (3) umbrageuse closture. Lors tous pasteurs desplorans leurs fortunes Las et recluz (4) vers les parcs se tirèrent (5)
(I) Leur douleur proposèrent (1548).
(U) Delà encore en certains patois, fouir prononcé pour fuir.
(3) Au jour (1548).
(4) N'est-ce pas recruz f
(5) Se retirent (1548).
Entrans dedans leurs bordes opportunes.
Somme et travail à plusieurs d'eulx couvrirent La veue a cop. Mais d'Aurora la triste Les yeux plourans oneques clos ne se virent, ' Oncq Aurora ne se peut mettre en gyste (1) Jusques a ce que vigueur naturelle En elle fault ; et trop se débilite : Alors ayant ses nymphes entour elle, Sa fille auprès : se jecta sur ung lit, Plus pour garder sa sancté corporelle Que pour entendre a son propre delict.
Ainsi que la très noble princesse se fut mise a sommeiller : pour donner soulaigement a nature foulée de longue veille : son très clere esperit non fatigable : mais tousjours prompt en vertueux aguet, ymagina une vision merveilleuxse (2) : car advis luy fut en son dormant que une voix incongneue : mais touteffois doulce et armonieuse ainsi comme on estime les organes angeliques : la vint exciter (3) avec sa très amee fille et les bergiers et les bergieres dessus desclairez, laquelle inuisible voix profera dung son argentin telz parolles.
