EGLE
Icy resplent hors dobscure souffrance Le chief dhonneur : les délices de France. Lacteur de paix : le père du pays, Le bien voulu des nations extrêmes, Le possesseur des grâces tant supresmes Que mille cueurs sen treuvent esbahiz.
GALATÈE.
Icy triumphe en tous nobles objectz
Lappuy des siens, lamour de ses subjetz,
Qui onc a grief ne se peult condescendre,
Le regnateur populaire humain,
Dont le hault bruit sespart de (1) main en main,
Et ne gist pas en oublieuse cendre.
LACTEUR.
En dementiers que les dictz pastoureaux se occupèrent a graver et entailler ces epitaphes autour des murs du temple, je fuz depuis informé que le noble paranimphe Entendement sestoit transporté devant les majestés et présences du très crestien roy Louys, douziesme de ce nom, très affectueux deplorateur du trespassé, et de très haulte princesse, madame Anne royne de France et duchesse de Bretaigne sa très amee compaigne, pour les advertir tous deux de la glorieuse intronisation et céleste exaltation du très bon duc. Et pour leur persuader de donner fin désormais a leur regret et doleance raesmement ladicte très illustre dame : laquelle meue d'une amour très benivolente de longtemps
(1) De espardre, espartir (Spargere).
23K l.l 1 KMI'I.K DIIONNKUR KT I)K VERTUS.
enracinée en cueur : le plouroit par grant effusion de larmes non aultreraent que s'il eust este son propre géniteur. Ce fait, icelluy Entendement volant plus viste qune aronde se tira aussi vers très hault et excellent prince monseigneur Philibert duc de Savoie fils de feu de mémoire célèbre monseigneur le duc Philibert de Savoye et de madame Marguerite de Bourbon : auquel il fist semblables remonstrances. Et pareillement a très noble princesse madame Marguerite d Autriche sa compaigne, piteusement contristee pour le decez du très bon prince. Et dillec a très inclite et très puissant prince monseigneur Philipes archeduc dAutriche frère germain de ma dicte dame de Savoye. Et tous deux enfans du roy Maximilien : César Auguste modérateur de lempire rommain. Et de feue de bonne mémoire madame Marie de Bourgogne fille du très renommé duc Charles et de madame Ysabeau de Bourbon.
De la en oultre Entendement fist ung vol jusques a monseigneur Charles duc de Gheldres filz du duc Adolfz (1) et de madame Catherine de bourbon. Lequel lamentoit inconsolableraent la perte quil avoit faicte de celluy qui luy estoit : seul protecteur père et patron principal : Apres lequel avoir reconforté courtoisement et informé de la souveraine gloire dudit tresbon duc, Entendement sen retourna en ce même instant.
Puis il fist de rechief ung sault pour aller resjouir ma dame Jehanne de France duchesse de Berry : laquelle pour
(1) Arnold d'Egmond, duc de Gueldre, poussé à bout par les indignes traitements que lui avaient fait subir Adolphe et sa propre femme Catherine de Clèves, céda en 1472, à titre d'engagement, ses états à Charles le Téméraire. Delà, les démêlés de Maximilien avec Charles d'Egmond, flis d'Adolphe. Ce fut à Bruges, en 1463, qu'on célébra les noces d'Adolphe et de Catherine de Bourbon.
la viduité de sa très amee seur jectoit de son estomac charitable grant planté de soupirs, et de ses yeulx pitoyables ung droit ruisseau de larmes. Mais quant elle sceut la merveilleuse glorification du très bon prince et de sa beatifique assumption aux mansions célestes, elle estancha ses pleurs et donna fin a son gémir, louant Dieu très dévotement. Et lors le très cler paranymphe angelique Entendement, après avoir achevé tant de bonnes œuvres, se retira sur une saincte montaigne, située au plus près de la très fameuse cité de Lyon sur le Rosne : en la summité de laquelle les Rommains jadis dominateurs de Gaule instituèrent ung grant temple manifique a l'honneur du bon prince Octovien Auguste : duquel on voit encores les ruynes* et vieilles structures (1). Illecques estant Entendement et choisissant de clere veue une bonne partie des pays du très bon prince bourbonnoys, exaulsa sa voix ferme et résonante : tellement qu'il peut de plusieurs lieux estre escouté. Et par manière de preconisation laudatoire et salubre exhortacion aux jeunes princes modernes, pronunca les vers qui cy après sont désignez et descriptz (2).
ENTENDEMENT
Mirez vous aux faitz vertueux Du duc plain de resplendissance Vous tous qui de lieu sumptueux Prenez origine et naissance.
Car (3) puisque Dieu vous a donné
(1) Cf. De Colonia, Hist. litt. de Lyon I, 78.
(2) Dessinés et transcrits.
(3) C'est la morale de Massillon en son Fetit Carême {Des exemples des Grands).
Tiltre de noblesse aorné En toute liaulte prevalence Aussi vous a il ordonné Pour estre bons en excellence.
Pour estre bons en excellence De mauvais train se fault garder, Fuyr paresce et somnolence Qui font les vertus retarder Laisser médire et langarder(l) Nestre injuste n'impetueux, Doncques pour vous bien regarder Mirez vous aux faitz vertueux.
Mirez-vous aux faitz vertueux, Princes déjeune florissance Pour rendre exemple fructueux Quant laige vous donra croissance T07, Angoulesme (2) qui es né Apparent destre couronné, Calabre et Fois, sans insolence Ayez le cueur enluminé, Pour estre bons en excellence.
Pour estre bons en excellence Par les bons vous convient guider Suivre le flair et redolence Des nobles faitz et sen ayder, Bonne doctrine appréhender Par prompt sens et affectueux Et pour en honneur habonder Mirez vous aux faitz vertueux.
(1) Faire le langart, clabauder.
(2) François l,r, Gaston de Foix et le flls de Nicolas d'Anjou, duc de Calabre et de Lorraine.
Mirez vous aux faitz vertueux Du tronc dont avez prins yssance, Etaymez loz perpetueux, Ensuivant vostre nourissance.
Montpencier (1), aisné et puisné, Vendosme bien moriginé, Et Alencon faisant sillence Au dueil qui vous a fort miné Pour estre bons en excellence.
Pour estre bons en excellence Aux gestes vous fault acorder (2) Du duc qui neut onc violence Ne riens qu'il fallust amender.
Ainsi, pour vos meurs bien fonder Hors des vices affectueux (3), Et pour a bon port aborder, Mirez vous aux faitz vertueux.
LACTEUR.
Ainsi disoit Entendement Au bault de la montaigne saincte, Et pour ce que son parlement Peut servir a maint et a mainte, Par legier stille et rude empraincte En escript lay cuydé reduyre (4) :
(1) Montpencier ■■ le futur Connétable. Alençon = le futur beaufrère de François 1er. Vendosme = Charles de Bourbon, premier duc de Vendôme.
(2) Vous conformer aux actes.
(3) Palsgrave donne affectif = plein de convoitise. Bouhours recommande l'emploi de affectueux en matière de piété.
(4) Rédiger. Quant à rédiger lui-même, il signifiait réduire, et dans Palsgrave ramener (reduce).
