PROLOGUE
Comme ainsi soit, Très chere(l) et très bénigne princesse, et ma très redoubtée Dame, que à la mienne très dure
(1) Clere, comme au prologue du 2« 1. des Illustrations éd. 1512 ? V. plus haut, p. 243. La dédicace à Marguerite est peut-être de 1504. — On trouve p. 311 de notre mscr. 22, '326, « lhistoire des obsèques d'Anne de Bretagne par Bretagne » (roi d'armes), Cf. Leroux de Lincy, Bibliothèque de l'École des Charies (1849).
fortune, jaye en trop grand amaritude et regret de couraige esté lun des plus doulentz spectateurs de la pompe funeralle et finalle inhumation du corps de feue deternelle mémoire la Royne vostre très chère Dame et génitrice, et que de ce triumphe Royal (Mais hélas trop lamentable) entre les autres jaye mis diligence à noter toutes les raisons et circonstances des merueilleuses ceriraonies seruant à ce, ensemble lordonnance et exécution d'icelles bien difficilles a escripre. Finablement, Madame, en cest exercice, ma propre curiosité ma fait congnoistre deux poinctz principaulx.
Le premier est que non seullement le peuple de France, mais aussi toutes nations externes ont peu veoir à loeil par extrême admiration, plus que oncques mais dautre princesse, qui trespassast, de combien surmonte en gloire et souueraine estime toute quelconque dignité féminine la couronne sacrée, Reginalle de ce Royaume lequel non sans grand mérite est appelle tres-Chrestien.
Lautre poinct Madame est que, par icelle démonstration, a esté diuulgué, notoirement à tout le monde de quelle et quante amour et vraye charité fondée en saincte foy catholicque et droicte société conjugalle, Le Roy très chrestien nostre souuerain seigneur, et vostre très redoubté père, embrassoit (1) les vertuz innumerables et la caste fidélité de vostre très magnanime dame et mère viuante, actendu que par sa très habundante amplitude et magnificence sans quelque espargne ledit seigneur a rendu la renommée de sa très illustre compaigne immortelle en la bouche des hommes et tousiours admirable a ceulx qui cy après liront
(1) Louis XII vivait-il encore?
les histoires des exeques funeraulx daucuns princes ou princesses.
Lesquelz deux poinctz singuliers, Madame, doibuent soulaiger vostre douleur en ceste aduersité publicque, considérant que riens de nouueau ne se fait soubz le ciel et que autresfois ne soit aduenu le semblable, et fera encoires au temps aduenir. Dont pour monstrer que cest chose bien digne de sauoir les gestes des anticques, jay icy entrepris de remémorer succinctement les termes et manières de faire que tindrent jadis (quant a ce) noz ancestres non encoires illuminez de la resplendeur de la foy catholicque, mais errans es parfondes ténèbres de la culture dydolatrye. Lesquelz par une merueilleuse affection humaine telle comme ils la portoient à leurs parens mortz, en solemnisant leurs obsecques, commectoient plusieurs enormitez inhumaines causées par suggestion dyabolicque qui ne se delicte sinon en effusion de sang et en cruaulté. Et ce congneu, pour ce que les choses diuerses mises l'une auprès de lautre ont meilleur lustre et se monstrent plus différentes, nous toucherons aussi de ceulx qui obseruent la secte Judaicque et la supersticion moderne des Turcz.
Par lesquelles choses apperra, de combien nous sommes plus tenuz a Dieu et à sa très sacrée Religion chrétienne. Laquelle pour la consolation des viuans, pour la gloire de nos princes trespassez, et pour le remède de leurs âmes, nous permet célébrer leurs obsecques, par une merueilleuse et souueraine pompe trop plus modeste, plus ordonnée, et moins confuse que celles de jadis, sans vice, sans insolence, sans inhumanité et sans effusion de sang. Joinct à ce que par ce mien petit labeur non encoires actaint (1) par
(4) Jattayngs = je parviens. (Falsgrave),
autre que je saiche, on cognoistra aucunes bonnes coustumes du temps anticque, auoir esté retenues jusques à présent, et plusieurs autres mauuaises plaines dhorreur et de supersticion détestable abolies et delaisseees. Si que non seullement en ceste matière et en toutes autres occurrentes est chose salubre et bien propice dauoir leu les histoires anciennes pour les conférer aux modernes, mais aussi est nécessaire prouffitable et délectant et digne de recommandacion.
Maintenant nous viendrons à la déduction de ce traictée duquel, treschere (1) et très bénigne princesse, je vous faiz humble présent recommandant ma petitesse à vostre débonnaire té très excellente.
(1) Tresclere?
