ET AUTRES HONNEURS DE TRIUMPHAL

Telz grandz triumphes et autres presqnes incredibles festoierent et glorifièrent jadix les payens leurs princes mortz, pour flater les viuans et pour les esguillonner a prouesse et labeur militaire. Et oultre plus, non contents de dresser pour mémoire éternelle haulx sepulchres de sumptueulx ouuraige avec escripts et epitaphes que on lit

(1) Pour sacrées ? Cf. Plutarque, Pelopidas, c. 16.

(2) En ce temps ?

(3) Lacune du manuscrit.

288 TRA1TTÉ DBS POMPES FUNEBRES

encores aujourduy en diuerses parties du monde et oultre plus pyramides statues coulompnes et esguilles de riche et precieulx marbre grauees et entaillées de leurs armes et de leurs faiz, si comme celles quon voit encoires aujourduy a Romme de César et de lempereur Trajan, (1) encoires instituèrent ilz les jeux funèbres après les obsecques de leurs parens esquelz ou bailloit pris et guerdons pour exerciter les jeunes gens et joustes et tournoys apié et a cheual, luytes, courses, jeux de traict et autres forces et habilitez (2) de corps. Et dabondant ilz les celebroient dan en an par manière danniuersaire comme Eneas fit pour son père Anchises ou de cinq ans en cinq ans, sicomme Hercules ordonna les jeux olympicques en l'honneur de son grant père Pelops. Et parquoy il appert que dune merueilleuse magnificence et coustenge les anciens usoient ausdits affaires. Pour laquelle entendre souffise dalleguer que aux obsecques de Publius Valerius publia (3) le peuple Romain ordonna que chacun chief dostel y contribuerait la quarte partie de son Taillant. Toutes lesquelles choses dessus narrées comme toutes tarses dydolatrie.