AUX CENDRES EN LES SEPULTURANT

ET DAUCUNES PART1CULARITEZ FAICTES

POUR PHILOPEMENS ET DE PELOXIDES.

Les relicques du corpz ainsi mises en reserue, aucun de lordre sacerdotalle sauancoit en arcuissant (1) tout le peuple assistent tenant en sa main ung rameau doliue et a tout icelui espardant sur les assistans ainsi comme une rousée deaue clere et pure et disant au trespassé le dernier adieu. Et lors on enfermoit le vaisselet dedans quelque grand et sumptueulx tumbeau a ce préparé. Si se faisoit aucunes foiz autre mistère et pompe nouuelle à la sépulture des cendres, si comme à celle de Philopomems duc de Megapolis (2) qui fut dit le dernier homme des Grecz, duquel le vaisseau de ses Relicques porté par le fllz dun duc acompaigné de plusieurs princes et de tous ceulx de son exercite en ordre triumphal et pompe victorieuse, chascun cheualier ayant couronne de megapolis, et tout les prisonniers prins en la guerre, lapidez aussi dicelui. (3) Les gens de pelopedis duc de Thebes, au contraire, usèrent dun autre extrême dueil a la sépulture de leur chief. Car combien quilz eussent esté vaincqueurs, pour le grand dueil quilz eurent d'auoir perdu leur maistre ilz se contindrent comme vaincuz. Et après auoir tondu eulx et leurs cheuaulx comme cy deuant a esté dit, il ne leur chalut de se desermer ne desharnescher leurs cheuaulx, de bender leurs playes ne de maindre réfection compectente, ains tous abbatuz de nompareille tristesse,

(1) Arrouser berrichon ? Ou faut-il lire arruisant f

(2) Philopoemen de Mégalopolis en Arcadie.

(3) Le texte parait ici tout à fait corrompu.

plaignoient pelopidas en le portant sepulturer très solennellement. Duquel le corpz par toutes les cytez de Grèce fut honnoré de couronnes dor et sa Reraembrance esleuée de toutes pars et simulachres darme. Si nest pas a taire en cest endroit que les sépultures de tous princes tant Grecz

que Romains estoient tenus (1) et a icelluy

en (2) nestoit licite a aucun douurir ne violer

lesdictes sépultures dont bien digne est de mémoire lastuce de Semyramus Royne de Babilome. Laquelle en son viuant fit faire son monument et dessus icelui grauer ces motz.

Quiconques Roy aura mestier de pecune euure

ce monument et preigne ce quil vouldra. Si aduint longtems après que Darius Roy des Persans fit leuer la pierre cuydant y trouver grant trésor. Mais il fut deceu et mocqué, car il ny trouua riens autres (3) escriture de la tombe estoit telle : Se tu ne fusses mauuais homme et insaciable dargent tu ne remuases point la sépulture des mors.