DE MUGUET, LOISEAU DU ROY LOYS XII

Si vertu pour mérite obtient louange et gloire,

Plaise vous, orateurs, faire de moy mémoire.

Loiseau Royal je suis, muguet euz à nom

Dont les faictz se trouuerent plus grans que le renom.

La tremeur ay esté de Chahuans, hérons

Faulx perdrieux blancs et biz, cresserelles, randons (2)

Oyseaulx de tous quartiers jay veu venir en court

Estimez bien voilans et tourner tost et court.

Mais au rapport du Roy et maint prince et seigneur

De donner le premier jay eu tousiours lhonneur.

Petit je fuz de corps, mais de cueur tout remply

Sur tous autres oiseaulx parfaict et acomply

Jay voilé si très hault qua ceulx qui regardoient

Le col faisoit grand mal et la veue eh perdoient.

(1) C'est à Blois que Lemaire a écrit l'Epitre à Hector, les XXIIII couplets par Anne de Bretagne, etc. Néanmoins, on peut douter de l'attribution, malgré l'assertion catégorique de M. Thibaut (Marguerite d'Autriche et J. Lemaire) Paris, 1888. Quant à la pièce sur la duchesse de Valois, c'est signé Cœur à bon droit, fol». 107. V. Lem. III, 67.

(2) Crécerelle, espèce de faucon.

Faulx perdrieux et hérons par terre ma veu mettre

Le Roy loys douziesme mon bon seigneur et maistre

Qui lhonneur me faisoit de me faire mon droit

Me portant sur le poing en maint lieu et endroit,

Ung autre bien jauais que jamais ne madvint

Que couchasse dehors dont chercher me conuint.

Or ay je acteinct le temps de ma douziesme mue

En ma force et bonté qui pourtant ne remue

Trois passetemps parfaictz a eu loys douziesme

Triboulet et Chailly et je faiz le troisiesme.

Triboulet pour la chambre, Chailly pour champs est duict

Et moy je voile en lair pour gibier et deduict

La cause de mon bien fut loys de breszé

De normandie grant seneschal moult prisé

Lequel au noble Roy feit de mon corps présent :

Qui ma icy faict mettre comme voyez présent

Pourtant vous qui lisez notez ceste raison

Quau monde nest seruice quen Royalle maison. (1)