DE HERBAULT CHIEN DU ROY
A vous presens congnoissans que ce vault
Faiz assauoir que suis le bon herbault
Du vray poil gris et de la bonne race
Des chiens aux Roys dont hardyment jembrasse
Crédit plus grant que chien scauroit acquerre,
Veu quay getté tant de cerfz morts par terre
De lan premier quaprès Charles régna
Le Roy Loys douziesme, on me donna
A Luy ce fut de Rouuille le sieur (2)
Grant veneur lors et très bon congnoisseur
A ce mestier et tant que fuz en vye
De me traicter print soing et bonne enuye.
Ung plus beau chien ne de si belle taille
Ne verra ja veneur quelque part quaille,
(1) J'accomplis sa défense. Mauvaise césure, au vers précédent.
(2) Est-ce le fils Jean de Rouville que Comines appelle vicechancelier de Bretagne ?
Si viste fuz que si par monts et vaulx Eusse à ma queue huict, seze, ou vingt cheuaulx Grande aduenture à tout bien retenir Fust que les quatre eussent sceu me tenir ; Dedans le change (1) en hardyesse telle Quoncques ma gueulle a peine en cloure elle Buissons, halliers, tailles montaignes pierres M'estoient autant que belles plaines terres Par les forestz de france ef, daulphiné Les cerfz prenoie ; à tard eust on fine (2) Plus ferme au change, aussi fuz je si sage Que plusieurs cerfz deffiz en maint passage Car pour en veoir vingt ou trente en la fuitte Besoing m'estoit de me coupler en suytte Et se ung veneur mesprinst en forhuant Que ne failly reprendre mon fuyant, Hault nez auoye et par pluye et challeur Bien foisonnant, belle voix dappelleur Autant que chien dont on sache parler Et fuz si bon que bruyt en va par 1er. (3) Devers la fin de mes jours flz au Roy Tant de bons tours et plaisirs que je croy Quoncques ne vid de chien telz grans exploictz Dedans ses trois belles forestz de blois Dont pour mémoire icy ma fait poser :
En paradis Dieu luy doint reposer.
(1) Garder le change, ne pas tourner au change, etc. (termes de vénerie).
(2) Difficilement eùt-ou trouvé chien plus habile.
(3) L'air (rime normande).
DE RALAY.
Si les chiens gris ont le renom et grâce
Destre si bons, Moy qui suis de la race
Des chiens à cerf du Roy Loys unziesme
Doy je pas bien estre estimé de mesme ?
Pareil de moy ne se treuue encor ung ;
Poil gris portay, fort tirant sur le brun.
Pour chien courant plus grant, se bien peu non
Eust on sceu veoir, Ralay estoit mon nom.
Le Roy Loys estant duc d'orleans
Fut mon bon maistre et le seruyz douze ans
Courant les cerfz en vallois et bretaigne
Où de mon corps ne faisois nulle espargne (1)
Au douziesme an bien osay entreprendre
Cerf de la meutte assez franchement prendre
Change garday par tous pays et terres
Et mon fuyant de quelzques haultes erres
Quil sceust fouyr, rechassay les premiers
Sans ayde auoir d'autres chiens ne lymiers.
Riuiere estangs change et challeur quelconques
Ne mestonnoient, le cerf ne failly oncques
Et nay point veu que tousiours ne gectasse
Par terre mort, quelque cerf que éventasse
Et qui plus est, quant le cerf estoit pris,
Men reuenoye au Logeis comme apris
La belle queue espiée et troussée
Jusques dessus leschine recoursée (2)
Me portant fier près lestrieu de mon maistro
Sans me monstrer, après courre, las estre
(1) Voilà une rime bien peu digne de Lemaire.
(2) Retroussée.
Ne trauaillé, mais fraiz, legier et soupple, Tant quil sembloit que saillisse du couple. Puis quay donné part des premiers plaisirs A mon bon maistre et Roy à ses désirs Nest ce raison quen ceste place tienne Crédit, et nom de louange obtienne ?
Le bon Chailly, Triboulet et Muguet Tous de par moy doiuent aller au guet Parquoy celluy de tous bons loz donneur Ma cy endroit fait mettre au lieu dhonneur.
