DU CHIEN DE MONSEIGNEUR LE DAULPHIN

Puisque fortune a esté si prospère

En mon endroit, autre honneur plus nespere

Que cestuy o.y où je suis à présent

Dont content suis délie et de son présent

Car desperer plus haulte recompense

Il nen est point en la terre quon pense

Il est donc fol, non digne de henter,

Qui de raison ne se veult contenter.

Premièrement, de bas lieu suis venu

En ung si hault tant chierement tenu

Et tant aymé de mon seigneur et maistre

Que par honneur en ce lieu ma fait mettre

Formé au vif (2) sans de riens en mentir

Saulue le veoir, l'ouyr et le sentir.

(1) Est-ce le dauphin dont « la nativité » a été chantée par Lemaire?

(2) Il s'agit d'un portrait : « Un tableau où sont tirés, au près du vif, le feu duc de Milan et son fils » (Delaborde, Emaux).

Le plus petit quoncques forgea nature

Je vins à luy et de moindre stature,

Pas ne montois, moy estant en ung coing,

Estre plus groz tout entier que le poing,

Et si estois en mes mois le quatriesme,

Mon maistre estoit de ses ans le cinquiesme

Lequel ma fait nourrir en si grant cure

Que creu je suis comme ceste figure.

Prins je ne fuz par force ne par rapt

Mais pour raison que ressemblois ung rat Mondit seigneur me nomma sans faillance

Rat pour droit nom à ma propre semblanoe.

Lors il me print comme par grant merueilles (1)

Et si me feit coupper les deux oreilles

Pour à son gré estre plus affaité

Et dun chascun estre mieulx souhaité.

Souuentes fois me prent entre ses mains

En me faisant endurer des maulx mains

Car il me met à tort et sans raison

Dix fois le jour sans propoz en prison

Dans ung buffet et puis dans une cage

Comme ung oiseau qui vient de son ramage (2).

De passe temps desbat et de plaisir.

Je luy en faiz plus qu'il nen veult choisir.

Soigneux je suis et prompt quant il me sonne

De me tenir au près de sa personne

Et si bien duict à luy faire seruice

Qu'il nest celluy qui ne sen esbahisse.

(1) Au moyen âge, toujours le pluriel : merveilles avoir (mirabilia.) Encore en Lafontaine, dans les Fables comme dans les Contes.

(2) Dubellay a déjà « doux ramage ■> mais ici il s'agit de ramure, d'arbre.

Den scauoir plus ung chascun se contente, Je vous en pry, et nayez plus dactente Jusques a ce que soye trespassé.

Alors quelqun qui ma veu au passé Et au futur qui reste de ma vye Pourra auoir den escripre enuye Et là verrez au vray sans action De tous mes faictz la consommacion.