SECRETAIRE DU ROY

Son doibt honneur a l'homme reuestu Du parement dexc'ellente vertu S' on doit honneur et louanges diffuses Au familier dApollo et des muses S'on doit honneur par vertueux mérites Au bien aymé des trois belles charités, Arreste toy viateur à présent Pour reuerer cil qui est cy gisant Car sans mentir II a esté en somme Autant parfaict que fut ny sera homme.

Quel est le nom de cil tant renommé ? Maistre francois Robertet fut nommé Duquel le loz ne se peult ne doit taire. En son temps fut de deux Roys secrétaire Et si obtint par son seul bénéfice Oultre ce point maint honorable office.

Mais si fortune à vertu a fait lustre IV. 23

Vertu fortune a rendu plus Illustre

Par le renfort dexcellenté prudence

Acompaigné de diuine éloquence.

Sil a bien fait sans blasme et contredict

Il a aussi bien descript et bien dit

Car en son dict plein de fruict et valleur

Rhétorique a desparty sa couleur

En tel moyen quon a esté en doubte

Où gisoit plus son loz et gloire toute

Ou sil estoit mieulx faisant que disant

Ou son dit plus gracieux que duisant.

Que diray plus ? je pence que les anges

Ouyans ainsi ventiller ses louanges

Ont eu désir dauoir fruition

De ses deuis et collocucion

Et que parce ont sans dangier ny moleste

Rauy son ame en mansion céleste.

Quant est du corps selon loy de nature

En terre gist en ceste sépulture,

Et le bon loz qui jamois ne perist

Accroist au ciel et en terre florist.

Prions a Dieu que comme lay pencé

Lame de luy quiescat In pace (1).

Amen.

(i) Sous les règnes de Charles VIII, de Louis XII et de François Ier, on cite de nombreux membres de cette famille des JRobertet que Lemaire a d'abord connue à Villefranche, et qui appartient à l'histoire littéraire aussi bien qu'à l'histoire politique. Un Jean Robertet, bailli d'Usson en Forez et secrétaire du roi et de Jean II duc de Bourbon, se glorifiait d'être disciple de Chastelain. Le second volume de De la Mure (Hist. des ducs de Bourbon) donne d'intéressants détails sur les origines de cette famille.