SUR LA SEPULTURE DE FEU MONSEIGNEUR DE BAYARD

Cy ne gist pas par mort qui tout oppresse Le bon bayard tout bardé de prouesse Décorant lair des saulx (1) de ses louanges Ains vit tousiours en gloire à luy propice Rendant honneur à France sa nourrice Et grand merueille aux nacions estranges.

Icy nest point en terre pourrissant Le bon Bayard à tout bien hanissanl Dont les valleurs sont en tous lieux diffuses Mais voile en laer auecques Pegasus Prenant son vol droit au mont pernasus Pour restaurer la fontaine des muses.

Cy nest pas mis en basse sépulture Le bon bayard, chef deuvre de nature, Lung des parfaictz qui soit point a la ronde Ains soit là sus sans erreur et abbuz Guydant le char du reluisant Phebus Enuironnant de son loz tout le monde.

Cy nest couché en tristes funérailles

Le bon Bayard grand maistre des batailles

Des fiers assanlx des combatz et allarmes

Aincois triumphe en amour et pitié

Qui ont contrainct cruelle inimitié

De lhonnorer enfin de plainctez et de larmes.

(1) Allusion à la légende des sauts du cheval faé, Bayard des quatre fils Aymon. Il y a aussi des traditions sur les hennissements prophétiques du coursier carolingien. Cette épitaphe de Bayard mort en 1524, figure à la suite d'une pièce authentique de Lemaire (dans le recueil dit des Robertet).h'a.mi de Lemaire, Symphorien Champier, se vantait de sa parenté avec Bayard.

RONDEAU

Jescoute tout et Rien ne puis entendre Jespere tout et Rien ne puis attendre Jappercoy tout et si ne puis Rien veoir Japprens de tout et ne puis Rien scauoir Je vaiz par tout et ne puis a Rien tendre.

Je congnois tout et ne puis Rien comprendre Je chasse tout et si ne puis Rien prendre Jembrasse tout ne pouuant Rien auoir :

Jescoute.

Je veulx monter et ne puis que descendre Je cuyde estro or et si ne su is que cendre, Je quiers honneur sans mérite et scauoir - Je compte tout fors ce que puis deuoir Pour me garder en faillant de mesprendre Jescoute tout (1).