BALLADE
Un cerf volant destrange portraicture Armé sans plus dune foible saincture (1 ) De vain espoir qui folz cueurs à soy tire Obliant Dieu, soy, son sang et droicture Mesmes le lieu de doulse nourriture Pour viure loing à honte et à martire Est dytallye arriué d'une tire Et descendu au pays de Prouuence :
Là faisant foy de sa griefue insolence De ses faulx tours et trahysons cruelles Où pour sa juste et droicte recompense Il a perdu sa sainture et ses aelles.
Pour augmenter et croistre son injure Comme ung infâme et dannable parjure Seat allyé de laigle de lempire Mectant du tout son entente et sa cure De le suyuir, et soubz nues obscure Vouloir garder le clair souleil de luyre Lequel bien tost sest a ses aelles de cire Et dycarus faictes à la semblance Faict fondre en mer qui pour la souuenance En portera le nom et les nouuelles Puys que desja par commune asseurance Il a perdu sa saincture et ses aelles.
Que faiz tu ores en cendre et sépulture 0 maistre Alain (2) qui par art et nature
(1) Il s'agit de la trahison de Charles III de Bourbon, connétable de France (1523). Le poète fait allusion aux armes de la maison de Bourbon : un cerf ailé, entouré d'une ceinture portant la devise : Espérance. On a prétendu à tort y voir une attaque contre le Pape (servies servorum),en songeant à Pierre Gringore.
(2) Alain Chartier, un des auteurs favoris de Lemaire, fut sur-
As mérité la palme de bien dire ?
Et toy Pétrarque exquis en escripture (1) Qui pour ta dame as descript laduenture Où vraye amour ta longtemps fait déduire, Releuez vous et faites en laer bruyre Près d'auignon où luyt vostre éloquence Du très bon Roy la force, lexcellence, Les grans vertuz, les grâces immortelles, Quant est du cerf, pour toute conséquence Il a perdu sa sainture et ses aelles.
Prince du peuple, il est temps quon sauance De mercyer la diuine puissance En luy rendant louanges éternelles, Sans plus doubter loultrageuse arrogance Du monstre faulx. Car en triste souffrance Il a perdu sa sainture et ses aelles.
RONDEAU
Perdre lespoir du bien que je désire Me veoir mocqué soubz ung gracieux rire Sentant la mort portant masque de viure Faignant plaisir, regret à dueil me liure Voire si grant quil ne se peult escrire (1).
tout un poète patriote. (Cf.OGérusez, Essais d'histoire littéraire I, 103, et Lenient, la Satire en France au moyen-âge, (surtout p. 245 à propos du Quadriloge).
(1) Quelques modernistes emploient aussi ce mot pour style.
(1) Si ce rondeau est de Lemaire, il rappelle quelques essais pieux consignés dans son livret de 1498. Est-ce une œuvre de vieillesse ?
Je fuys le bien qui tant à soy me tire Et suys lautre qui de moy se retire Sans veoir moyen pour en estre deliure
Perdre lespoir.
Dieu et lhonneur me donnent ce martire Et si ne puis plaire ne contredire De larmes suys plus que tous les jours yure Oncques ne fut tel cas escript en liure Car cest ung mal trop impossible à dire
Perdre lespoir.
In deo sperabo, non timebo :
Quid faciat micbi homo.
EPITAPHE DE FEU MONS' Me JAQUES PALMIER.
Au mont Pernase entre tous exalté
Ung Palmier droit franc et bon fut planté
Bien arrousé par argentines buses
De la vyue eau et fontaine des Muses
Qui pour plaisir, pour fruict et pour umbrage
Pour ornement, pour triumpbe et parage
A surpassé loliue que Minerue
Tient de tout temps en sa garde et conserue
La mirthe aussi que la doulse Venus
A de longtemps en ses plaisirs menuz
Et le laurier que Apollo tant luysant
Porte en son chef comme à luy bien duisant
Pour faire fin tous arbres que Driades •
Ont en leur cure et les Amadriades.
Que sensuyt il V Ce que produict nature
Est tout submys a mortelle aduenture,
Bien que je croy chose estre bien heuree Qui a par elle icy moins de durée.
Tel heur a eu ce palmier de valleur Apportant fruict plus tost que fueille et fleur Qui à sa mort a monstre tesmoignage De sa vertu mérite et aduantaige Car luy germy {sic) par force naturelle Commence a viure en mémoire éternelle.
Fin.
RONDEAU
Si Dieu le veult nul ne peult contredire, Parquoy luy fault chacun jour par foy dire : 0 Père sainct ta voulenté soit faicte Que confessons estre si très parfaicte Quen ses effectz il ny a que redire.
Le plus souuent lhomme quiert et désire Pour le meilleur ce qui luy est le pire Aussi souuent son emprise est desfaicte
Si Dieu le veult.
Pour nous oster dennuy peine et martire Le plus seur est que nostre vouloir tire Tout droit au blanc où la main de Dieu gecte Très justement sa puissante sagecte, Qui lors guérit quon la cuyde plus nuyre,
Si Dieu le veult.
362 POÉSIES ATTBIBUÊES.
RONDEAU
De sa mort seul jay tout dueil et dommaige Les cieulx de lame accroissent leur parage, Lair du renom se tient pour décoré Terre a le corps de vertuz honnoré Et ses parens grans biens et héritage.
Quen puis je auoir pour mon droit et partage Fors grief ennuy, regret soucy et rage, Cest tout le bien, las, qui mest demeuré
De sa mort.
Mais cognoissant lheur et grant auantage Que dure mort, luy cuydant faire oultrage En son endroit enfin a préparé Je qui ne puys délie estre séparé En sa clarté je faiz changer lorage
De sa mort.
RONDEAU
Si elle vit au ciel en claire gloire Et en ce monde en louable mémoire En ses amys en amour pardurable, Il mest aduys quelle nest point plorable En elegie, epitaphe ou hystoire.
Or quelle viue ainsi est il à croire
Car de vertuz a si grant inuentoire
Quil nest viuant qui en eust foy doubtable
Si elle vit.
Ce seroit trop de son bon heur mescroire
Vouloir emprendre à blasmer la mort noire Qui en lostant de trauail misérable La fait florir en repoz honnorable Sans aucun mais recelé ou notoire.
EPISTRE ADRESSEE A FEU MONSr DE BAYARD
