LIVRE II, CHAI’. VII

rageux se sont rendus maistres des plus foibles, et ont acquis reng et réputation particulière, d’où luy est demeuré cest honneur et dignité de langage ; ou bien, que ces nations, estants très belliqueuses, ont donné le prix à celle des vertus qui leur estoit plus familière, et le plus digne tiltre: tout ainsi que nostre passion, et ceste fiebvreuse solicitude que nous avons de la chasteté des femmes, faict aussi que une bonne femme, une femme de bien, et femme d’honneur etdevcrtu, ce ne soitenelTectà dire aultreebose pour nous que une femme chaste; comme si, pour les obliger à ce debvoir, nous mettions à nonchaloir touts les aultres, et leur laschions la bride à toute aultre faulte, pour entrer en composition de leur faire quitter ceste cy.