COMMENT ULRICH GALLET FUT ENVOYÉ DEVERS PICROCHOLE

Les lettres dictées et signées, Grandgousier ordonna que Ulrich Gallet, maistre de ses requestes, homme saige et dis-

cret, duquel en divers et contencieux affaires il a voit esprouvé la vertu et bon advis, allast devers Picrochole pour luy remonstrer ce que par eux avoit esté décrété.

En celle heure partit le bon homme Gallet, et, passé le gué, demanda au meusnier de Testât de Picrochole, lequel luy feist responce que ses gens ne luy avoient laissé ni coq ni geline, et qu'ilz s'estoient enserrez en La Roche Clermaud ; et qu'il ne luy conseilloit poinct de procéder oultre, de peur du guet, car leur fureur estoit énorme. Ce que facilement il creut, et pour celle nuict hébergea avecques le meusnier.

Au lendemain matin, se transporta avecques la trompette à la porte du chasteau, et requist es guardes qu'ilz le feissent parler au roy, pour son profit.

Les paroles annoncées au roy, ne consentit aulcunement qu'on luy ouvrist la porte, mais se transporta sur le boulevard, et dist à l'ambassadeur: « Qui a il de nouveau? Que voulez vous dire? »

Adoncques l'ambassadeur proposa comme s'ensuit :