ET CE QUE FEIT GARGANTUA APRÈS LA BATAILLE

Picrochole, ainsi désespéré, s'en fuyt vers l'Isle Bouchart, et, au chemin de Rivière, son cheval bruncha par terre, à quoy tant feust indigné que de son espée le tua en sa choie. Puis, ne trouvant personne qui le remontast, voulut prendre un asne du mouHn qui là auprès estoit; mais les meusniers le meurtrirent tout de coups et le destrousserent de ses habillemens, et luy baillèrent pour soy cou^^^ir une meschante sequenye.

Ainsi s'en alla le pau\Te cholericque; puis, passant l'eau au Port Huaulcx, et racontant ses maies fortunes, fut advisé par une vieille lourpidon que son royaulme luy seroit rendu à la venue des cocquecigrues. Depuis ne sçait on qu'il est devenu. Toute sfoys, l'on m'a dict qu'il est de présent pau\Te gaignedenier à Lyon, cholerc comme davant et tousjours se guemente à tous estrangers de la venue des cocquecigrues, espérant certainement, selon la prophétie de la %deille, estre à leur venue réintégré en son royaulme.

Après leur retraicte, Gargantua premièrement recensa ses gens^ et trouva que peu d'iceulx estoient peryz en la bataille,

sçavoir est quelques gens de pied de la bande du capitaine Tolmere, et Ponocrates, qui avoit un coup de harquebouze en son pourpoinct. Puis les feist refraischir, chascun par sa bande, et commanda es threzoriers que ce repas leur feust défrayé et payé, et que l'on ne feist oultrage quelconque en la ville, veu qu'elle estoit sienne, et, après leur repas ilz comparussent en la place devant le chasteau, et là seroient payez pour six moys; ce que fut faict. Puis feist convenir davant soy en ladicte place tous ceulx qui là rcstoient de la part de Picrochole, esquelz, presens tous ses princes et capitaines, parla comme s'ensuyt :