CHAPITRE LI
COMMENT LES VICTEURS G ARG A NT UI STES FEURENT RECOMPENSÉS APRÈS LA BATAILLE
Ceste concion faicte par Gargantua, feurent livrez les séditieux par luy requis, exceptez Spadassin, Merdaille, et Menuail, lesquelz cstoient fuyz six heures davant la bataille, l'un jusques au col de Laignel d'une traicte, l'aultre jusques au val de Vyre, l'aultre jusques à Logroine, sans derrière soy reguarder, ny prandre alaine par chemin; et deux fouaciers, lesquelz périrent en la journée. Aultre mal ne leurs feist Gargantua, sinon qu'il les ordonna pour tirer les presses à son imprimerie, laquelle il avoit nouvellement instituée.
Puis ceulx qui là estoient mors, il feist honorablement inhumer en la vallée des Noirettes, et au camp de Bruslevieille. Les navrés il fit panser et traicter en son grand nosc corne. Après, advisa es dommaiges faicts en la ville et habitans, et les feist rembourcer de tous leurs interestz, à leur ocn fession et serment, et y feist bastir un fort chasteau ; y com mettant gens et guet, pour à l' advenir mieulx soy défendre contre les soudaines esmeutes. Au départir, remercia gracieusement tous les soubdars de ses légions, qui avoient esté à ceste defaicte, et les renvoya hyverner en leurs stations et guarnisons, exceptez aulcuns de la légion decumane, lesquelz il avoit veu en la journée faire quelques prouesses, et les capitaines des bandes, lesquelz il emmena avec soy devers Grandgousier.
A la veue et venue d'iceulx, le bon homme feut tant joyeux que possible ne seroit le descripre. Adonc leurs feist un festin le plus magnificque, le plus abundant et le plus delitieux
que fut veu depuis 'e temps du roy Assuere. A l'issue de table .1 distribua à chascun d'iceulx tout le parement de son bufîet, qui estoit au poys de dix^huyt cens mille quatorze bezans d'or, en grands vases d'antique, grands potz, grands bassins, grandes tasses, coupes, potetz, candélabres, calathes, nacelles, violiers, drageouoirs, et aultre telle vaisselle, toute d'or massif, oultre la pierrerie, esmail, et ouvraige, qui par estime de tous excedoit en pris la matière d'iceulx. Plus, leur feist comter de ses coffres à chascun douze cens mille escutz contens, et d'abundant à chascun d'iceulx donna à perpétuité (excepté s'ilz mouroient sans hoirs) ses chasteaux et terres voizines, selon quQ plus leur est oient commodes : à Ponocrates donna La Roche-Clermaud ; à Gymnaste, Le Coudray; à Eudemon, Montpensier; le Rivau, à Tolmere; à Ithybole, Montsoreau; à Acamas, Cande; Varenes, à Chironacte; Gravot, à Sebaste; Quinquenays, à Alexandre; Ligré, à Sophrone; et ainsi de ses aultres places.
