OMME ESTOIT LE MA NOIR DES THELEMITES
Au milieu de la basse court estoit une fontaine magnificque, de bel alabastre ; au dessus, les trois Grâces, avecques cornes 'd'abondance, et gettoient l'eau par les mamelles, bouche, aureilles, yeulx, et aultres ouvertures du corps. Le dedans du logis sus ladicte basse court estoit sus gros pilliers de cassidoine et porphyre, à beaux arcs d'antique, au dedans desquelz eatoient belles gualeries, longues et amples, ornées de painctures, de cornes de cerfs, licornes, rhinocéros, hippopotames, dens de elephans, et aultres choses spectables. Le logis des dames comprenoit depuis la tour Arctice jusques à la porte Mesembrine. Les hommes occupoient le reste. Devant ledict logis des dames, af&n qu'elles eussent l'esbatement, entre les deux premières tours au dehors, estoient les lices, l'hippodrome, le théâtre, et natatoires, avec les bains mirificques à triple soUer, bien garniz de tous assortemens, et foyzon d'eau de myrte.
Jouxte la rivière estoit le beau jardin de plaisance; au miUeu d'icelluy, le beau labyrinte. Entre les deux aultres tours estoient les jeux de paulme et de grosse balle. Du cousté de la tour Cryere estoit le vergier, plein de tous arbres fructiers, tous ordonnés en ordre quincunce. Au bout estoit le grand parc, foizonnant en toute sauvagine. Entre les tierces tours estoient les butes pour l'arquebuse, l'arc, et l'arbaleste; les of&ces hors de la tour Hesperie, à simple estaige; l'escurye au delà des offices; la faulconnerie au devant d'icelles, gouvernée par asturciers bien expers en l'art, et estoit annuellement fournie par Candiens, Vénitiens et Sarmates, de toutes sortes
d'oiseaux paragons; aigles, gerfaulx, autours, sacres, laniers, faucons, esparviers, esmerillons, et aultres, tant bien faictz et domesticquez que, partans du chasteau pour s'esbattre es champs, prenoient tout ce que rencontroient. La vénerie estoit un peu peu loing, tirant vers le parc.
Toutes les salles, chambres et cabinctz, estoient tapissaz en diverses sortes, selon les saisons de l'année. Tout le pavé estoit couvert de drap verd. Les lictz estoient de broderie. En chascune arrière chambre estoit un miroir de cristallin, enchâssé en or fin, au tour garny de perles, et estoit de telle grandeur qu'il pouvoit véritablement représenter toute la personne. A l'issue des salles du logis des dames, estoient les parfumeurs et testonneurs, par les mains desquclz passoient les hommes, quand ilz visitoient les dames. Iceulx fournissoient par chascun matin les chambres des dames d'eau rose, d'eau de naphe, et d'eau d'ange, et à chascune la précieuse cassoUette, vaporante de toutes drogues aromatiques.
