INSCRIPTION MISE SUR LA GRANDE PORTE DE THELEME
Cy n'entrez pas, hypocrites, bigotz, Vieux matagotz, marmiteux, borsouflés, Torcoulx, badaux, plus que n'estoient les Gotz, Ny Ostrogotz, précurseurs des mago Haires, cagotz, cafars empantouflez.
Gueux mitouflés, frapars escorniflez, BefBez, enflez, fagoteurs de tabus; Tirez ailleurs pour vendre vos abus.
Vos abus meschans Rempliroient mes champs De meschanceté; Et par faulseté Troubleroient mes chants Vos abus meschans.
GARGANTUA I^o
Cy n'entrez pas, maschefains practiciens, Clers, basauchieas, mangeurs du populaire, Of&ciaulx, scribes et pharisiens, Juges anciens, qui les bons parroiciens Ainsi que chiens mettez au capulaire; Vostre salaire est au patibulaire.
Allez y braire; icy n'est faict excès Dont en voz cours on deust mouvoir procès.
Procès et debatz Peu font cy d'esbatz.
Où l'on vient s'esbatre, A vous, pour debatre . Soient en pleins cabatz Procès et debatz.
Cy n'entrez pas, vous, usuriers chichars, Briffaulx, leschars, qui tousjours amassez, Grippeininauîx, avalleurs de frimars, Courbez, camars, qui en vos coquemars De mille marcs jà n'auriez assez.
Poinct esgassez n'estes, quand cabassez Et entassez, poiltrons à chiche face :
La rnale mort en ce pas vous deface.
Face non humaine De telz gens, qu'on mené Braire ailleurs : céans Ne seroit séans; Vuidez ce dommaine.
Face non humaine.
Cy n'entrez pas, vous rassotez mastins.
Soirs ny matins, vieux chagrins, et jaloux; Ny vous aussi, séditieux mutins.
Larves, lutins, de Dangier palatins, Grecs ou Latins, plus à craindre que loups; Ny vous galous, verollez jusqu'à Tous; Portez vos loups ailleurs paistre en bonheur, Croustelevez, remphs de deshonneur.
Honneur, los, deduict.
Céans est deduict Par joyeux acords; Tous sont sains au corps; Par ce, bien leur dict Honneur, ios, deduict.
Cy entrez, vous, et bien soyez venus
Et parvenuz, tous nobles chevaliers !
Cy est le lieu où sont les revenuz
Bien advenuz; affin qu'entreteniiz
Grands et menuz, tous soyez à milliers.
Mes familiers serez, et peculiers :
Frisques, gualliers, joyeux, plaisans, mignons
En général tous gentilz compaignons.
Compaignons gentilz, Serains et subtilz, Hors de \ilité.
De civilité Cy sont les houstilz, Compaignons gentilz.
Cy entrez, vous, qui le sainct Evangile En sens agile annoncez, quoy qu'on gronde : Céans aurez un refuge et bastille Contre l'hostile erreur, qui tant postille Par son faulx stile empoisormer le monde : Entrez, qu'on fonde icy la foy profonde. Puis, qu'on confonde, et par voix et par rolle, Les ennem\'s de la saincte parolle?
La parolle saincte
Jà ne soit extaincte
En ce lieu très sainct;
Chascun en soit ceinct;
Chascune a>'t enceincte
La parolle saincte,
Cy entrez, vous, dames de hault paraige ! En franc couraige entrez y en bon heur, Fleurs de beaulté, à céleste visai ge, A droit corsaige, à maintien prude et saige. En ce passaige est le séjour d'honneur. Le hault seigneur, qui du lieu fut donneur Et guerdonneur, pour vous Ta ordonné, Et pour frayer à tout prou or donné.
Or donné par don Ordonne pardon A cil qui le donne, Et très-bien guerdonne Tout mortel preud'hom Or donné par don.
