CHAPITRE XI

COMMENT LES SEIGNEURS DE B.\ISECUL ET HUMEVESNE PLAIDOIENT DEVANT PANTAGRUEL SANS ADVOCATZ

Donc commença Baisecul en la manière que s'ensuit : « Monsieur, il est vray que une bonne femme de ma maison

igS LIVRE II, CHAPITRE XI

portoit vendre des œufz au marché. — Couvrez vous, Baisecul; dist Pantagruel. — Grand mercy, monsieur, dist le seigneur de Baisecul. Mais à propos passoit entre les deux tropicques six blans, vers le zénith et maille, par autant que les mons Rhiphees avo}-ent eu celle année grande stérilité de happelourdes, moyennant une sédition de ballivernes, meue entre les Barragouyns et les Accoursiers, pour la rébellion des Souyces, qui s'estoyent assemblez jusques au nombre de troys, six, neuf, dix, pour aller à l'aguillanneuf, le premier trou de Tan, que l'on li\Te la souppe aux bœufz, et la clef du charbon aux filles, pour donner l'avoine aux chiens. Toute la nuict l'on ne feist, la main sur le pot, que despescher bulles à pied et bulles à cheval pour retenir les basteaulx : car les cousturiers vouloyent faire, des retaillons desrobez, une sarbataine pour couvrir la mer Océane, qui pour lors estcit grosses d'une potée de choux, selon l'opinion des boteleurs de foin; mais les physiciens disoyent que à son urine ilz ne cognoissoient signe évident, au pas d'ostarde, de manger bezagues à la moustarde, si non que messieurs de la court feissent par bémol commandement à la verolle de non plus alleboter après les maignans, et ainsi se pourmener durant le service divin : car les marroufles avoient ja bon commencement à danser l'estrindore au diapason, un pied au feu, et la teste au milieu, comme disoit le bon Ragot. Ha, messieurs, Dieu modère tout à son plaisir, et, contre fortune la diverse, un chartier rompit nazardes son fouet : ce fut au retour de la Bicocque, alors qu'on passa hcencié maistre Antitus des Crossonniers, en toute lourderie, comme disent les canonistes : Beati lourdes, quoniam ipsi trebuchaverunt. ^lais ce qui faict le quaresme si hault, par sainct Fiacre de Brye, ce n'est pas aultre chose que la Pentecouste ne vient foys qu'elle ne me couste; mais hay avant, peu de pluye abat grand vent; entendu que le sergeant ne mist si hault le blanc à la butte que le greffier ne s'en ieschast orbicuiairemenT ses doigtz

PANTAGRUEL igg

empenez de jardz. et nous voyons manifestement que chascun s'en prent au nez, sinon qu'on regardast en perspective oculairement vers la cheminée, à l'endroit où pend l'enseigne du vin à quarante sangles, qui sont nécessaires à vingt bas de quinquenelle ; à tout le moins, qui ne vouldroit lascher l'oyseau devant talemouses que le descouvrir, car la mémoire souvent se pert quand on se chausse au rebours : sa, Dieu gard de mal Thibault Mitaine ! »

Alors dist Pantagruel : « Tout beau, mon amy, tout beau; parlez à traict et sans cholere. J'entends le cas; poursuyvez.

— Vrayement, dist le seigneur de Baisecul, c'est bien ce que l'on dit qu'il faict bon adviser aucunesfois les gens, car ung homme adviser en vault deux. Or, monsieur, dist Baisecul, ladicte bonne femme, disant ses gmidcz et audi nos, ne peut se couvrir d'un revers faulx montant par la vertuz guoy des privilèges de l'université, sinon par bien soy bassiner angUcquement, le couvrant d'un sept de quarreaulx, et luy tirant un estoc voilant au plus près du Ueu où l'on vent les \qeux drapeaulx, dont usent les paintres de Flandres, quand ilz veullent bien à droict ferrer les cigalles; et m'esbahys bien fort comment le monde ne pont veu qu'il faict si beau couver. »

Icy voulut interpeller et dire quelque chose le seigneur de Humevesne, dont luy dist Pantagruel : « Et ventre sainct Antoine ! t'appartient il de parler sans commandement ? Je sue icy de ahan pour entendre la procédure de vostre différent, et tu me viens encores tabuster ? Paix, de par le diable, paix : tu parleras ton sou quand cestuy c}^ aura achevé. Poursuyvez, dist il à Baisecul, et ne vous hastez point.

— Voyant doncques, dist Baisecul, que la Pragmatique sanction n'en faisoit nulle mention, et que le pape donnoit liberté à un chascun de peter à son aise, si les blanchetz n'estoient rayez, quelque pauvreté que feust au monde, pourveu qu'on ne se signast de la main gauche de ribaudaille, l'arcan ciel f raischement esmouhi à Milan pour esclourre les allouettes

consentit que la bonne femme escullast les isciaticques par le protest des petits poissons couillatrys, qui estoient pour lors nécessaires à entendre la construction des vieilles bottes. Pourtant Jan le Veau, son cousin gervays remué d'une busche de moulle, luy conseilla qu'elle ne se mist poinct en ce hazard de seconder la buée brimballatoire sans premier aluner le papier : à tant pille, nade, jocquc, fore : car non de ponte vadit qui cinn sapientia cadit, attendu que messieurs des Comptes ne convenoyent pas bien en la sommation des fieuttes d'Allemant, dont on avoit basty les Lunettes des princes, imprimées nouvellement à Anvers. Et vo5da, messieurs, que faict mauvais rapport. Et en croy partie adverse, in sacer verbo dotis, car, voulant obtempérer au plaisir du roy, je me est ois armé de pied en cap d'une carrelure de ventre pour aller veoir comment mes vendangeurs avoyent dechicqueté leurs haults bonnetz pour mieux jouer des manequins : car le temps est oit quelque peu dangereux de la foire, dont plusieurs francz archiers avoyent esté refusez à la monstre, nonobstant que les cheminées feussent assez haultes, selon la proportion du javart et des malandres l'ami Baudichon. Et, par ce moyen, fut grande année de quaqueroUes cil tout le pays de Artoys, qui ne feust petit amendement pour messieurs les porteurs de cousteretz, quand on mangeoit sans desguainer cocquecigrues à ventre déboutonné. Et, à la mienne volunté que chascun eust aussi belle voix, l'on en jourroit beaucoup mieulx à la paulme, et ces petites rinesses qu'on fait à etymologizer les pattins descendroyent plus aisément en Seine, pour tousjours servir au pont aux meusniers, comme jadis feut décrété par le Roy de Canarre, et. l'arrest en est encores au greffe de céans. Pour ce, monsieur, je requiers que, par Vostre Seigneurie, soit dict et declairé sur le cas ce que de raison, avec despens, dommaiges et interestz. »

Lors dist Pantagruel : « Mon amy, voulez vous plus rien

dire? » Rcspondit Baisecul : « Non, monsieur : car je ay dict tout le tu aiitem, et n'en a}'' rien varié, sur mon honneur. — Vous doncques, dist Pantagruel, monsieur de Humevesne, dictes ce que vouldrez, et abrcviez, sans rien toutesfoys laisser de ce que servira au propos. »