COMMENT LE SEIGNEUR DE HUMEVESN: PLAIDOIE DAVANT PANTAGRUEL
Lors commença le seigneur de Humevesne, ainsi que s'ensuit : « Monsieur et messieurs, si l'iniquité des hommes estoit aussi facilement vue en jugement catégoricque comme on congnoist mousches en laict. le monde, quatre bœufz ! ne seroit tant mangé de ratz comme il est, et seroient aureilles maintes sus terre, qui en ont esté rongées trop laschement. Car, combien que tout ce que a dit partie adverse soit de dumet bien vray quant à la lettre et histoire du fachim, toutesfoys, messieurs, la finesse, la tricherie, les pe1;itz hanicrochemens, sont cachez soubz le pot aux roses.
,~ Doibs je endurer qu'à l'heure que je mange au pair ma souppe, sans mal penser ny mal dire, l'on me \^enne ratisser et tabuster le cerveau, me sonnant l'antiquaille, et disant : qui boit en mangeant sa souppe quand il est mort il n'y voit goutte ?
.( Et, saincte dame î combien avons nous veu de gros cappitaines, en plein camp de bataille, alors qu'on donnoit les horions du pain benist de la confrarie, pour plus honnestement se dodeliner, jouer du lue, sonner du oui, et faire les petitz saulx en plate forme, sus beaulx escarpins deschiquetez
à barbe d'escrevisse? Mais maintenant le monde est tout detravé de louchetz des balles de Lucestre : l'un se desbauche, l'aultre se cache le muzeau pour les froidures hybernales ; et, si la court n'y donne ordre, il fera aussi mal glener ceste année, qu'il feist ou bien fera des goubeletz. Si une pauvre personne va aux estuves pour se faire enluminer le museau de bouzes de vache, ou acheter bottes d'hyver, et les sergeans passans, ou bien ceux du guet, reçoivent la décoction d'un clystere, ou la matière fécale d'une celle percée sur leurs tintamarres, en doibt l'on pourtant rongner les testons, et fricasser les escutz elles de bois? Aucunesfo^^-s nous pensons l'un, mais Dieu faict l'aultre; et, quand le soleil est couché, toutes bestes sont à l'ombre : je n'en veulx estre creu si je ne le prouve hugrement par gens de plain jour.
« L'an trente et six, j'avois achépté un courtault d'Alemaigne, hault et court, d'assez bonne laine, et tainct en grene comme me asseuroyent les orfèvres : toutesfoys le notaire y mit du cetera. Je ne suis poinct clerc pour prendre la lune avecques les dents; mais, au pot de beurre où l'on selloit les instrumens Vulcanicques, le bruit estoit que le bœuf salle faisoit trouver le vin en plein minuit sans chandelle, et feust il caché au fond d'un sac de charbonnier, houzé et bardé avec le chanfrain, et hoguines requises à bien friscasser rusterie, c'est teste de mouton; et, c'est bien ce qu'on dit en proverbe, qu'il faict bon veoir vaches noires en boys bruslé. quand on jouist de ses amours. J'en fis consulter la matière à messieurs les clercs, et pour resolution conclurent, en Frisesomorum, qu'il n'est tel que faucher l'esté en cave bien garnie de papier et d'ancre, de plumes et ganivet de Lyon sur le Rosne, tarabin tarabas : car, incontinent que un harnoys sent les aulx, la rouille lui mange le foye, et puis l'on ne faict que rebecquer torty coUi fleuretant le dormir d'après disner; et voylà qui faict le sel tant cher.
« Messieurs, ne croyez que au temps que ladicte bonne
femme englua la pochecuillicre, pour le record du sergeant mieulx apanager, et que la fressure boudinalle tergiversa par les bourses des usuriers, il n'y eut rien meilleur à soy garder des Canibales que prendre une liasse d'oignons liée de troys cens Avez Mariatz, et quelque peu d'une fraize de veau, du meilleur alloy que ayent les alchimistes, et bien luter et calciner ses pantoufles, mouflin mouflart, avecques belle saulce de raballe, et soy mucer en quelque petit trou de taulpe, saulvant tousjours les lardons. Et, si le dez ne vous veult aultrement dire que tousjours ambezars, ternes du gros bout, guare d'az, mettez la dame au coing du lict, fringuez la toureiourla la la, et bevez à oultrance depiscando grenoillihiis, à tout beaulx houseaulx coturnicques ; ce sera pour les petitz OA'-sons de mue qui s'esbatent au jeu de foucquet, attendant battr-2 le métal, et chauffer la cyre aux bavars de godale. Bien vray est il que les quatre bœufz desquelz est question avoyent qucLq-Lie peu la mémoire courte; toutesfoj^s, pour sçavoir la game ilz n'en craignoyent courmaran, ny quanard de Savoye; et les bonnes gens de ma terre en avoyent bonne espérance, disans : Ces enfans deviendront grands en Algorismc, ce nous sera une rubrique de droict : nous ne pouvons faillir à prendre le loup, faisans nos hayes dessus le mouUn à vent duquel a esté parlé par partie adverse. Mais le grand diole y eut envie : et mit les Alemans par le derrière, qui firent diables de humer : Her ! tringue, tringue ! das ist cotz, frelomm bigot paupera guerra fuit. Et me hesbahys bien fort comment les astrologues s'en empesclient tant en leurs astrolabes et almucantarathz, de doublet en case. Car il n'y a nulle apparence de dire que, à Paris, sur Petit Pont geline de feurre, et f eussent ilz aussi huppez que duppes de marays, sinon vrayement qu'on sacrifiast les pompettes au moret, fraîchement esnioulu de lettres versalles, ou cursives, ce m'est tout un, pourveu que la tranchefîle n'y engendre point les vers. Et posé le cas que, au coublement des chiens courans, les marmouzelles eussent
corné prinse devant que le notaire eust baillé sa relation par art cabalisticque.- il ne s'ensuit (saulve meilleur jugement de la court) que six arpens de pré à la grand laize feissent troys bottes de fine ancre sans souffler au bassin, considéré que, aux funérailles du roy Charles, l'on avoit en plein marché la tovson pour six blancs; j'entends, par mon serment, de laine. Et je voy ordinairement, en toutes bonnes maisons que, quand l'on va à la pipée, faisant troys tours de balay par la cheminée, et insinuant sa nomination, l'on ne faict que bander aux reins et soufler au cul, si d'adventure il est trop chault, et quille luy bille, incontinent les lettres veues, les vaches lui furent rendues. Et en fut donné pareil arrest à la martingalle l'an dix et sept, pour le maulgouvert de Louzefougerouse, à quoy il plaira à la court d'avoir esguard. Je ne dis \Tayement qu'on ne puisse par esquité déposséder en juste tiltre, ceulx qui de l'eaue beniste beu\Toyent comme on faict d'un rançon de tisserant, dont on faict les suppositoires à ceuLx qui ne veulent resigner, sinon à beau jeu bel argent. Tune, messieurs, quid jiiris pro minorihus? Car l'usance commune de la loy Salicque est telle que le premier boute feu qui escornifle la vache, qui mousche en plein chant de Musicque, sans solfier les poinctz des savatiers, doibt, en temps de godemarre, subhmer la pénurie de son membre par la mousse cuilhe alors qu'on se morfond à la messe de minuict, pour bailler l'estrapade à ces \'ins blancs d'Anjou, qui font la jambette collet à collet, à la mode de Bretaigne. Concluant comme dessus avecques despens, dommaiges et interestz. :>
Après que le seigneur de Humevesne eut achevé, Pantagruel dist au seigneur de Baisecul : - Mon amy, voulez vous rien replicquer? î.^ A quoy respondit Baisecul : a Non, monsieur : car je n'en ay dict que la vérité, et pour Dieu donnez fin à nostre différent; car nous ne sommes icy sans grand frais. »
