DES MEURS ET CONDICTIONS DE PANURGE
Panurge estoit de stature moyenne, ny trop grand, ny trop petit, et avoit le nez un peu aquilhn, faict à manche de ra-
2l8 LIVRE lï, CHAPITRE XVI
souer; et pour lors estoit de l'eage de trente et cinq ans ou en\-iron, fin à dorer comme une dague de plomb, bien galand homme do sa personne, sinon qu'il estoit quelque peu paillard, et subject de nature à une maladie qu'on appelloit en ce temps-là faulte d'argent, c'est douleur non pareille; toutesfoys, il avoit soixante et troys manières d'en trouver tousjours à son besoing, dont la plus honorable et la plus commune estoit par façon de larrecin furtivement faict; malfaisant, pipeur, beuveur, bateur de pavez, ribleur, s'il en estoit en Paris; au demeurant, le meilleur filz du monde, et toujours ma chinoit quelque chose contre les sergeans et contre le guet.
A lune foys il assembloit troys ou quatre bons rustres, les ^aisoit boire comme Templiers sur le soir ; après les menoit au dessoubz de Saincte Geneviefvc, ou auprès du collège de Navarre, et, à l'heure que le guet mont oit par là (ce que il congnoissoit en m ettant son espce sus le pavé, et l'aureille auprès, et lors qu'il oyoit son espée bransler, c'estoit signe infailhble que le guet estoit prés), à l'heure doncques, luy et ses compaignons prenoyent un tombereau, et luy bailloyent le bransle, le ruant de grande force contre la vallée, et ainsi mettoyent tout le pauvre guet par terre, comme porcs, puis s'enfuyoyent de l'aultre cousté, car, en moins de deux jours, il sceut toutes les rues, ruelles et traverses de Paris, comme son Deus det.
A l'aultre foys faisoit, en quelque belle place, par ou ledict guet debvoit passer, une trainnee de pouldre de canon, et, à l'heure que passoit,, mettoit le feu dedans, et puis prenoit son passetemps à veoir la bonne grâce qu'ilz avoyent en fuyant, pensans que le feu Sainct Antoine les tint aux jambes.
Et, au regard des pauvres maistres es ars et théologiens, il les persecutoit sur tous aultres ; quand il rencontroit quelqu'un d'entre eulx par la rue, jamais ne failloit de leur faire quelque mal, maintenant leur mettant un estronc dedans leurs chaperons à bourlet, maintenant leur attachant de
petites qiiehues de regnard ou des aureilles de lièvres par derrière, ou quelque aultre mal.
Un jour, que l'on avoit assigné à tous les théologiens de se trouver en Sorbone pour examiner les articles de la foy, il feist une tartre bourbonnoise, composée de force de hailz, de galbanum, de assa fœtida, de castoreum, d'estroncs tous chaulx et la destrampit en sanie de bosses chancreuses, et, de fort bon matin, en gressa et oignit théologalcment tout le treilliz de Sorbone, en sorte que le diable n'y eust pas duré. Et tous ces bonnes gens rendoycnt là leurs gorges devant tout le monde, comme s'ilz eussent escorché le regnard, et en mourut dix ou douze de peste, quatroze en feurent ladres, dix et huyct en furent pouacres, et plus de vingt et sept en eurent la verolle ; mais il ne s'en soucioit mie.
Et portoit ordinairement un fouet soubz sa robbe, duquel il fouettoyt sans remission les paiges qu'il trouvoit portans du vin à leurs maistres, pour les a\ancer d'aller.
En son saye avoit plus de vingt et six petites bougettes et fasques, toujours pleines, l'une d'un petit d'eau, de plomb, et d'un petit cousteau affilé comme l'aiguille d'un peletier, dont il couppoit les bourses; l'aultre, de aigrest qu'il gettoit aux yeulx de ceulx qu'il trouvoit; l'aultre, de glaterons empenéz de petites plumes de oysons, ou de chappons, qu'il gettoit sus les robes et bonnetz des bonnes gens ; et souvent leur en faisoit de belles cornes, qu'ilz portoient par toute la ville, aucunesfoys toute leur vie. Aux femmes aussi, par dessus leurs chapperons, au derrière, aucunesfoys en mettoit faictz en forme d'un membre d'homme.
Et l'aultre, un tas de cornetz tous pleins de puises et de poux, qu'il empruntoit des guenaulx de Sainct Innocent, et les gettoit, avec belles petites cannes ou plumes dont on escript, sur les colletz des plus sucrées damoiselles qu'il trouvoit, et mesmement en l'église : car jamais ne se mettoit au cueur au hault, mais toujours demouroit en la nef entre
les femmes, tant à la messe, a vespres, comme au sermon.
En l'aultre, force provision de haims et claveaux, dont il accouploit souvent les hommes et les femmes, en compaignies où ilz estoient serrés, et mesmement celles qui portoyent robbes de tafetas armoisy, et, à l'heure qu'elles se vouloyent départir, elles rompoyent toutes leurs robbes.
En l'aultre, un fouzil garny d'esmorche, d'allumettes, de pierre à feu, et tout aultre appareil à ce requis.
En l'aultre, deux ou trois mirouers ardens, dont il faisoit enrager aulcunesfois les hommes et les femmes, et leur faisoit perdre contenence à l'église : car il disoit qu'il n'y avoit qu'un antistrophe entre femme folle à la messe et femme molle à la fesse.
En l'aultre, avoit provision de fil et d'aiguilles, dont il faisoit mille petites diableries.
Une fois, à l'issue du Pala^^-s, à la grand salle, lorsque un cordeher disoit la messe de Messieurs, il luy aj^da à soy habiller et revestir; mais en l'accoustrant, il luy cousit l'aulbe avec sa robbe et chemise, et puis se retira quand Messieurs de la court vindrent s'asseoir pour ouir icelle messe. Mais, quand ce fust Vite raissa est, que le pauvre f rater se voulut desvestir son aulbe, il emporta ensemble et habit, et chemise, qui estoyent bien cousuz ensemble; et se rebrassit jusques aux espaules, nionstrant son calhbistris à tout le monde, qui n'estoit pas petit, sans doubte. Et le frater tousjours tiroit; mais tant plus se descou\Toit il, jusques à ce qu'un de Messieurs de la court dist : « Et quoy, ce beau père nous veult icy faire l'offrande et baiser son cul? Le feu Sainct Antoine le baise ! » Dès lors fut ordonné que les pauvres beaulx pères ne se despouilleroyent plus devant le monde, mais en leur sacristie, mesmement en présence des femmes : car ce leur seroit occasion du péché d'en\-ie.
Et le monde demandoit pourquoy est ce que ces fratres avoient la couiile si longue. Ledicx Panurge soulut très bien
le problesme, disant : « Ce que faict les aureilles des asnes si grandes, ce est parce que leurs mères ne leur mettoyent point de béguin en la teste : comme dit De Alliaco en ses Suppositions. A pareille raison, ce qui faict la couille des pauvres beatz pères si longue, c'est qu'ilz ne portent point de chausses foncées, et leur pauvre membre s'estend en liberté à bride avallée, et leur va ainsi triballant sur les genoulx, comme font les patenostres aux femmes. Mais la cause pourquoy ilz l'avoyent gros à l'equipollent, c'est que en ce triballement les humeurs du corps descendent audict membre : car, selon les Légistes, agitation et motion continueUe est cause d'attraction. »
Item, il avoit une aultre poche pleine de alun de plume, dont il gettoit dedans le doz des femmes qu'il voyoit les plus acrestées, et les f ai soit despouiller devant tout le monde, les aultres danser comme jau sus breze, ou bille sur tabour; les aultres courir les rues, et luy après couroit, et, à celles qui se despouilloient il m.ettoit sa cappe sur le doz, comme homme courtoys et gracieux.
Item, en une aultre, il avoit une petite guedoufle pleine de vieille huyle, et, quand il trouvoit ou femme ou homme qui eust quelque belle robbe, il leur engressoit et guastoit tous les plus beaulx endroitz, soubz le semblant de les toucher et dire : « Voicy de bon drap, voicy bon satin, bon tafetas, ma dame ; Dieu vous doint ce que vostre noble cueur désire : vous avez robbe neufve, novel amy ; Dieu vous y mantienne ! » Ce disant, leurs mettoit la main sur le collet, ensemble la maie tache y demouroit perpétuellement, si énormément engravée en l'ame, en corps, et renommée, que le diable ne l'eust poinct ostée, puis à la fin leur disoit : « Ma dame, donnez vous garde de tumber, car il y a icy un grand et sale trou devant vous. »
En une aultre, il avoit tout plein de Euphorbe pulvérisé bien subtilement, et là dedans mettoit un mouschenez beau et bien ouvré, qu'il avoit desrobé à la belle hngere du Palays, en
luy oustant un poul dessus son sein, lequel toustesfoys il y avoit mis. Et, quand il se trouvoit en compaignie de quelques bonnes dames, il leur mettoit sus le propos de. lingerie, et leur mettoit la main au sein, demandant : « Et cest ouvraige, est il de Flandres, ou de Ha3mault? » Et puis tiroit son mouschenez, disant : « Tenez, tenez, voyez en cy de l'ouvrage; elle est de Foutignan ou de Foutarabie. ;> Et le secouoit bien fort à leurs nez, et les faissoit esternuer quatre heures sans repos. Ce pendent il petoit comme un roussin, et les femmes ryoient luy disans : « Comment, vous petez, Panurge? — Non foys, disoit il, madame; mais je accorde au contrepoint de ia musicque que vous sonnes du nez. »
En l'aultre, un daviet, un pellican, un crochet, et quelques aultres ferremens, dont il n'y avoit porte ny coffre qu'il ne crochetast.
En l'aultre, tout plein de petitz goubelets, dont il jouoit fort artificiellement : car il avoit les doigts f aictz à la main comme Minerve, ou Arachne, et avoit aultrefoys crié le theriacle. Et quand il changeoit un teston ou quelque aultre pièce, le changeur eust esté plus fin que maistre Mouche si Panurge n'eust faict esvanouyr à chascune fois cinq ou six grands blancs, visiblement, apertement, manifestement, sans faire lésion ne blessure aulcune, dont le changeur n'en eust senty que le vent.
