CHAPITRE XVII

COMMENT PANURGE OUAINGNOVT LES PARDONS ET MARYOIT LES VIEILLES, ET DES PROCES QU'lL EUT A PARIS

Un jour je trouvay Panurge quelque peu escorné et taciturne, et me doubtay bien qu'il n'avoit denare; dont je luy dys : « Panurge, vous estes malade à ce que ie voy à vostrc

physionomie, et j'entcns le mal : vous avez un fluz de bourse; mais ne vous souciez; j'ay cncores six solz et maille qui ne virent oncq père ni merc, qui ne vous fauldront non plus que la verolle en vostre nécessité. » A quoy il me respondit : « Et bren pour l'argent, je n'en auray quelque jour que trop : car j'ay une pierre philosophale, qui me attire l'argent des bourses, comme l'aymant attire le fer. Mais voules vous venir gaigner les pardons? dist il. — Et par ma foy (je luy responds), je ne suis grand pardonneur en ce monde icy; je ne sçay si je le seray en l'aultre. Bien allons au nom de Dieu, pour un denier ny plus, ny moins. — Mais, dist il, prestez moi doncques un denier à l'interest. — Rien, rien, dis-je. Je vous le donne de bon cueur. — Grates vohis dominos, » dist il.

Ainsi allasmes, commençant à Sainct Gervais, et je gaigne les pardons au premier tronc seulement, car je me contente de peu en ces matières : puis disoys mes menus suffrages et oraisons de saincte Brigide. Mais il gaigna à tous les trônez, et tous jours bailloit argent à chascun des pardonnaires. De là, nous transportasmes à Nostre Dame, à Sainct Jean, à Sainct Anthoine, et ainsi des aultres églises où estoit bancque de pardons. De ma part, je n'en gaignoys plus ; mais luy, à tous les trônez il baisoit les reliques, et à chascun donnoit. Brief , quand nous fusmes de retour, il me mena boire au cabaret du Chasteau, et me montra dix ou douze de ses bougettes pleines d'argent. A quoy je me seignay, faisant la croix, et disant : « Dont avez vous tant recouvert d'argent en si peu de temps? » A quoy il me respondist que il l'avoit prins es bessains des pardons : « Car, en leur baillant le premier denier, dist il, je le mis si souplement qu'il sembla que f eust un grand blanc ; ainsi, d'une main je prins douze deniers, voire bien douze liards, ou doubles pour le moins, et, de l'aultre, troys ou quatre douzains : et ainsi par toutes les églises où nous avons esté.

— Voire, mais, dis je, vous vous damnez comme une sarpe, et estes larron et, sacrilège.

— Ouy bien, dist il, comme il vous semble ; mais il ne me semble, quant à moy. Car les pardonnaires me le donnent, quand ilz me disent, en présentant les reliques à baiser : Centuplum accipies, que pour un denier j'en prene cent : car accipies est dict selon la manière des Hébreux, qui usent du futur en lieu de l'impératif, comme vous avez en la Loy : Doniinmn Deum tuum adorabis, et iili soli servies; diliges prœmium tunm, et sic de aliis. Ainsi, quand le pardonnigere me dit : Centuplum accipies, il veult dire : Ce'rituplum accipe, et ainsi l'expose rabi Kimy et rabi Aben Ezra, et tous les Massoretz : et ibi Bartoliis. D'advantaige, le pape Sixte me donna quinze cens livres de rente sur son dommaine et thresor ecclesiasticque, pour luy avoir guery une bosse chancreuse qui tant le tormentoit qu'il en cuida devenir boyteux toute sa vie. Ainsi je me paye par mes mains : car il n'est tel, sur ledict thresor ecclesiasticque. Ho, mon amy, disoit il, si tu sçavois comment je fis mes chous gras de la croysade, tu serois tout esbahy. Elle me valut plus de six mille fleurins. — Et où diable sont ilz allés? dis je, car tu n'en as une maille. — Dond ilz estoyent venuz, dist il ; ilz ne f cirent seulement que changer maistre. ]\Iais j'en emploiay bien trois mille à marier, non les jeunes filles, car elles ne trouvent que trop marys, mais grandes vieilles sempiterneuses, qui n'avoyent dents en gueuUe. Considérant : ces bonnes femmes icy ont tresbien employé leur temps en jeunesse, et ont joué du serrecropiere à cul levé à tous venans, jusques à ce que on n'en a plus voulu; et, par Dieu, je les feray saccader encores une foys devant qu'elles meurent. Par ce moyen, à l'une donnois cent fleurins, à l'aultre six vingtz, à l'aultre trois cens, selon qu'elles estoient bien infâmes, détestables, et abhominables. Car, d'aultant qu'elles estoyent plus horribles et exécrables, d'autant il leur failloyt donner d'advantage, aultrement le diable ne les eu t voulu biscoter. Incontinent m'en allois à quelque porteur de coustretz gros et gras, et faiso^^s moy mesmes le

mariage; mais, premier que lui monstrer les vieilles, je luy monstrois les escutz, disant : « Compère, voicy qui est à toy si tu vculx fretinfretaillcr un bon coup. » Des lors les pau\Tcs hayres bubajalloient comme \'icux rauletz : ainsi leur faisoys bien apprester à bancqueter, boire du meilleur, et force espiccries pour mettre les vieilles en ruyt et en chaleur. Fin de compte, ilz besoingnoyent comme toutes bonnes âmes, sinon que à celles qui estoyent horriblement villaines et dcfaictes, je leur faisoys mettre un sac sur le visaige.

« D'avantaige, j'en ay perdu beaucoup en procès. — Et quclz procès as tu peu avoir? disois je, tu ne as ny terre, ny maison. — ^Nlon amy, dist il, les damoiselles de ceste ville avoyent trouvé, par instigation du diable d'enfer, une manière de coUetz ou cachecoulx à la haulte façon, qui leur cachoyent si bien les seins que l'on n'y povoit phis mettre la main par dessoubz, car la fente d'iceulx elles avoient mise par derrière, et estoyent tous clos par devant, dont les pauvres amans, dolens, contemplatifz, n'estoyent bien contens. Un beau jour de mard}', j'en presentay requeste à la court, me formant partie contre Icsdictes damoyselles, et remonstrant les grands intcrcstz que je y pretendoys, protestant que, à mesme raison, je feroys couldre la braguette de mes chausses au derrière, si la court n'y donnoit ordre. Somme toute, les damo\-selles formèrent S3'ndicat. monstrerent leurs fondemens, et passèrent procuration à défendre leur cause; mais je les poursuivys si vertement que, par arrest de la court, f ust . dict que ces haults cachecoulx ne seroyent plus portés, sinon qu'iiz feussent quelque peu fenduz par devant. Mais il me cousta beaucoup.

« J'eus un aultre procès bien ord et bien sale contre maître Fify et ses suppostz, à ce qu'iiz n'eussent point à hre clandestinement, de nuyct, la Pipe de Bussart, ni le Quart de Sentences, mais de beau plein jour, et ce es escholes de Sorbone, en face de tous les théologiens, où je fuz condemné es

despens pour quelque formalité de la relation du sergeant.

« Une aultre fois je fourmaj^ complaincte à la court contre les mulles des Presidens, Conseillers, et aultres : tendent à fin que quand, en la basse court du Palays, l'on les mettroit à ronger leur frain, les Conseillieres leur feissent de belles baverettes, affin que de leur bave elles ne gastassent le pavé, en sorte que les paiges du Palais peussent jouer dessus à beaux detz, ou au reniguebieu à leur aise, sans y guaster leurs chausses aux genoulx. Et de ce euz bel arrest; mais il me couste bon.

« Or sommez à ceste heure combien me coustent les petitz bancquetz que je fais aux paiges du Palays de jour en jour. — Et à quelle fin? dis je. — Mon amy, dist il, tu ne as passetemps aulcun en ce monde. J'en ay, moy, plus que le Roy. Et si vouloys te rallier avecques moy, nous ferions diables. — Non, non, dis je, par sainct Adauras, car tu seras une foys pendu. — Et toy, dist il, tu seras une foys enterré : lequel est plus honorable ou l'air ou la terre? Hé grosse pécore ! Jesu- Christ ne fut il pas pendu en l'air ? Mais à propos, ce pendent que ces paiges banquetent, je garde leurs mulles; et couppe à quelqu'une l'estriviere du cousté du montouoir, en sorte qu'elle ne tient qu'à un fillet. Quand le gros enflé de Conseiller, ou aultre, a prins son bransle pour monter sus, ilz tombent tous platz comme porcz devant tout le monde, et aprestent à rire pour plus de cent francs. Mais je me rys encores d'advantage, c'est que, eulx arrivés au logis, ilz font fouetter monsieur du paige comme seigle vert : par ainsi, je ne plains poinct ce que m'a cousté à les bancqueter. »

Fin de compte, il avoit, comme ay dict dessus, soixante et trois manières de recouvrer argent ; mais il en avoit deux cens quatorze de le despendre, hors mis la réparation de dessouz le nez.