CHAPITRE II

COMMENT PANURGE FEUX FAICT CHASTELAIN DE SALMIGUXDIN EN DIPSODIE ET MANGEOIT SON BLED EN HERBE

Donnant Pantagruel ordre au gouvernement de toute Dipsodie, assigna la chastellenie de Salmigondin à Panurge, valant par chascun an 6.789.106.789 Royaulx en deniers certains, non comprins l'incertain revenu des Hanetons et Cacquerolles, montant, bon an mal an, de 2.435.768 à 2.435.769 moutons à la grande laine. Quelques fo^-s revenait à 1.234. 554. 321 Seraphz, quand estoit bonne année de Cacquerolles et Hanetons de requeste; mais ce n'estoit tous les ans.

Et Sb gouverna si bien et prudentement monsieur le nouveau chastclain qu'en moins de quatorze jours il dilapida le

T. I. ao

revenu certain et incertain de sa Chastéllenle pour troys ans. Non proprement dilapida, comme vous pourriez dire en fondations de monastères, érections de temples, bastimens de collicges et hospitaulx, ou jettant son lard aux chiens; mais despendit en mille petitz bancquctz et festins joyeulx, ouvers à tous venens, mesmement à tous bons compaignons, jeunes fillettes et mignonnes galloises. Abastant boys, bruslant les grosses souches pour la vente des cendres, prenant argent d'avance, achaptant cher, vendant à bon marché, et mangeant son bled en herbe.

Pantagruel, adverty de l'afiaire, n'en feut en soy aucunement indigné, fasché, ne marry. Je vous ay ja dict et encores redis, que c'estoit le meilleur petit et grand bon homet, que oncques ceigneït espée. Toutes choses prenoit en bonne partie, tout acte interpretoit à bien; jamais ne se tourmentoit, jamais ne se scandalizoit. Aussi eust il esté bien forissu du Dcificque manoir de raison, si aultrement se feust contristô ou altéré. Car tous les biens que le Ciel couvre, et que la Terre contient en toutes ses dimensions, haulteur, profondité, longitude et latitude, ne sont dignes d'esmouvoir nos affections et troubler nos sens et espritz.

Seulement tira Panurge à part, et doulcettement luy remonstra que, si ainsi vouloit vivre, et n'estre aultrement mesnagier, impossible seroit, ou, pour le moins, bien difficile, le faire jamais riche. « Riche? respondit Panurge. Aviez vous là fermé vostre pensée? Aviez vous en soing pris me faire riche en ce monde? Pensez vivre joyeulx, de par li bon Dieu et h bons homs. Autre soing, autre soucy ne soit receup on sacrosainct domicile de vostre céleste cerveau. La sérénité d'icelluy jamais no soit troublée par nues quelconques de pensement passemcnté de mcshaing et fascherie. Vous vivant J03-eulx, guaillard, dehayt, je ne seray riche que trop. Tout ]e monde crie mesnaige, mesnaige ; mais tel parle de mesnaige, qui ne sçait mie que c'est. C'est de moi que fault conseil

prendre. Et de moy, pour ceste heure, prendrez advertissemcnt que ce qu'on me impute à vice a esté imitation des Université et Parlement de Paris, lieux esquelz consiste la vraye ource et vive Idée de Pantheologie, de toute justice aussi. Hereticque qui en doubte, et fermement ne le croyt. Hz, toutesfoys, en un jour mangent leur evesque, ou le revenu de l'evesché (c'est tout un), pour une année entière, voir pour deux aulcunes foys : c'est au jour qu'il y faict son entrée. Et n'y a lieu d'excuse, s'il ne vouloit estre lapidé sus l'instant. « A esté aussi acte des quatre vertus principales : « De Prudence, en prenant argent d'avance. Car on ne sçayt qui mord ny qui rue. Qui sçayt si le monde durera èncorcs troys ans? Et, ores qu'il durast davantaige, est il homme tant fol qui se ausast promettre vivre troys ans ?

Oncq' home n'eut les Dieux tant bien à main Qu'asceuré feust de vivre au leademain.

« De Justice : Commutative, en achaptant cher (je diz à crédit), vendant à bon marché (je diz argent comptant). Que dict Caton en sa Mesnagerie sus ce propos? Il fault, dict-il, que le perefamiles soit vendeur perpétuel. Par ce moyen, est impossible qu'en fin riche ne devieigne, si tousjours dure l'apothecque. Distributive, donnant à repaistre aux bons (notez bons) et gentilz compaignons : lesquelz Fortune avoit jecté comme Ulyxes sur le roc de bon appétit, sans provision de mangeaille; et aux bonnes (notez bonnes) et jeunes gualoises (notez jeunes), car, selon la sentence, de Hippocrates, jeunesse est impatiente de faim, mesmement si elle est vivace, alaigre, brusque, movente, voltigeante. Lesquelles gualoises voluntiers et de bon hayt font plaisir à gens de bien : et sont Platonicques et Ciceronianes, jusques là qu'elles se reputent estre on monde nées, non pour soy seulement, ains de leurs propres personnes font part à leur patrie, part à leurs amis.

« De force, en abastant les gros arbres comme un second

3o8 LIVRE III, CHAPITRE II

Mïlo, ruinant les obscures forestz, tesnieres de Loups, de Sangliers, de Renards, réceptacles de briguans et meurtriers, taupinières de assassinateurs, officines de faulx monnoieurs, retraictes d'hereticques; et les complanissant en claires guarigues et belles bruieres, jouant des haulx boys et préparant les sièges pour la nuict du jugement.

« De Tempérance : mangeant mon bled en herbe, comme un hermite vivant de sallades et racines, me émancipant des appetitz sensueiz. et ainsi espargnant pour les estropiatz et souffreteux. Car, ce faisant, j'espargne es sercleurs, qui guaignent argent : les mestiviers, qui beuvent voluntiers, et sans eau; les gleneurs, es quelz fault de la fouace; les batteurs, qui ne laissent ail, oignon ne eschalotte es jardins, par l'auctorité de Thestilis Virgiliane; les meusniers, qui sont ordinairement larrons, et les boulangiers, qui ne valent gueres mieulx. Estce petite espargne? Oultre la calamité des IMulotz, le deschet des greniers, et la mangeaille des Charrantons et Mourrins. « De bled en herbe vous faictez belle saulce verde, de legiere concoction, de facile digestion; laquelle vous espanouist le cerveau, esbaudit les espritz animaulx, resjouit la veue, ouvre l'appétit, délecte le goust, assere le cœur, chatouille la langue, faict le tainct clair, fortifie les muscles, tempère le sang, alliege le diaphragme, refraischit le foye, desoppile la râtelle, soulaîge les roignons, assouplit les reins, desgourdit les spondyles, vuide les uretères, dilate les vases spermaticques, abbrevie les cremasteres, expurge la vessie, enfle les genitoires, corrige le prépuce, incruste le balane, rectifie le membre; vous tait, bon ventre, bien rotter, vessir, peder, fianter, uriner, estemuer, sangloutir, toussir, cracher, vomiter, bais- 1er, moucher, haleiner, inspirer, respirer, ronfler, suer, dresser le virolet, et mille autres rares adventaiges.

— J'entend bien, dist Pantagruel, vous inferez que gens de peu d'esprit ne sçauroient beaucoup en brief temps despendre. Vous n'estez le premier qui ait conceu ceste hérésie

Néron le maintenoit, et, sus tous humains, admiroit C. Caligula son oncle, lequel, en peu de jours, avoit, par invention miriiîcque, despendu du tout l'avoir et patrimoine que Tiberius luy avoit laissé. Mais, en lieu de guarder et observer les lois cœnaires et sumptuaires des Romains, la Orchie, la Fannie, la Didie, la Licinie, la Cornelie, la Lepidiane, la Antie.et des Corinthiens, par lesquelles estoit rigoureusement à un chascun défendu plus par an despendre queportoit son annuel revenu, vous avez faict Protervie, qui estoit, entre les Romains, sacrifice tel que de l'aigneau Paschal entre les Juifz. Il y convenoit tout mangeable manger, le reste jecter au feu, rien ne reserver au lendemain. Je le peuz de vous justement dire, comme le dist Caton de Aldibius, lequel avoit en excessive despense mangé tout ce qu'il possedoit; restant seulement une maison, y mist le feu dedans, pour dire : Consumniatiim est, ainsi que depuys dist saint Thomas Dacquin, quand il eut la Lamproye toute mangée. Cela non force, »