CHAPITRE XII

COMMENT PAXTAGRUEL EXPLORE PAR SORS VIRGILIANES QUEL SERA LE MARIAGE DE PANURGE

Adoncques ouvrant Panurge le livre, rencontra on ranc seiziesme ce vers :

Nec Detis hune mensa, Dca nec dignata cubili est.

Digne ne feut d'estre en table du dieu, Et n'eut on lict de la Déesse lieu.

^^6 LIVRE III, CHAriTRE XII

« Ccstuy, dist Pantagruel, n'est à vostre adventaigc. Il dénote que vostre femme sera ribaulde, vous coqu par conséquent. La Déesse que ne aurez favorable est Z'dinerve, vierge i tresredoubtée, Déesse puissante, fouldroiante, ennemie des i coquz, des muguetz, des adultères : ennemie des femmes lubricques, non tenentes la foy promise à leurs mariz, et à aultruy soy abandonnantes. Le Dieu est Jupiter tonnant, •■ et fouldroyant des cieulx. Et noterez, par la doctrine des anciens Etrusques, que les manubies (ainsi appeloient ilz les jectz des fouldres Vulcanicques) compétent à elle seulement (exemple de ce fut donné en la conflagration des navires de Ajax Oileus), et à Jupiter, son père capital. A aultres dieux Olympicques n'est licite fouldroier. Pourtant ne sont ilz tant redoubtés des humains. Plus vous diray, et le prendrez comme extraict de haulte mythologie : Quand les Geans entreprindrent guerre contre les Dieux, les Dieux, au commencement, se mocquerent de telz ennemis, et disoient qu'il n'y en avoit pas pour leurs pages. Mais, quand ilz veirent, par le labeur des Géans, le mons Pelion posé dessus le mont Osse, et ja esbranlé le mons Olympe, pour estre mis au dessus des deux, feurent tous effrayez. Adoncques tint Juppiter chapitre gênerai. Là fut conclud de tous les Dieux qu'ilz se mettroient vertueusement en defence. Et, pource qu'ilz avoient plusieurs foys veu les batailles perdues par l'empeschement des femmes qui estoient parmy les armées, feut décrété que, pour l'heure. on chasseroit des cieulx en ^Egypte, et vers les confins du Xil, toute ceste vessaille des Déesses, desguisées en Beletes, Fouines, Ratepenades, Museraignes, et aultres Métamorphoses. Seule Minerve feut de retenue, pour fouldroier avecques Jupiter, comme Déesse des lettres et de guerre, de conseil et exécution; Déesse née armée. Déesse redoubtée on ciel, en l'air, ^n la mer, et en terre.

— Ventre sus ventre, dist Panurge, seroys je bien Vulcan, duquel parle le poète? Non. Je ne suys ne boiteux, ne faulx

monnoieur, ne forgeron, comme il est oit. Pai* adventure, ma femme sera aussi belle et advenante comme sa Venus; mais non ribaulde comme elle, ne moy coqu comme luy. Le villain jambe torte se feist declairer coqu par arrest, et en vente figure de tous les Dieux. Pource entendez au rebours. Ce sort dénote que ma femme sera preude, pudicque et loyale, non mie armée, rebousse, ne ecervelée et extraicte de cervelle comme Pallas; et ne me sera corrival ce beau Juppin, et ja ne saulsera son pain en ma souppe, quand ensemble serions à table. Considérez ses gestes et beaulx faictz. Il a esté le plus fort ruffien, et plus infâme Cor... je dis Bordelier qui oncques feut ; paillard tousjours comme un Verrat : aussi feut il nourry par une truie en Dicte de Candie, si Agathoclcs Babj'lonien ne ment; et plus boucquin que n'est un Boucq : aussi disent les aultres qu'il feut alaicté d'une chèvre Amalthée. Vertus de Acheron, il belina pour un jour la tierce partie du monde, bestes et gens, fleuves et montaignes; ce feut Europe. Pour cestuy belinaige, les Ammoniens le faisoient protraire en figure de bélier belinant, bélier cornu. Mais je sçay comment guarder se fault de ce cornait. Croyez qu'il n'aura trouvé un sot Amphitryon, un niais Argus avecques ses cent bezicies, un couart Acrisius, un lantcrnier Lycus de Thebes, un resveur Agenor, un Asope phlegmaticq, un Lycaon patepelue, un madourré Corytus de la Toscane, un Atlas à la grande eschine. Il pourroit cent et cent foys se transformer en Cycne, en Taureau, en Satyre, en Or, en Coqu, comme fit quand il depucella Juno, sa sœur ; en Aigle, en Bélier, en Pigeon, comme fit estant amoureux de la pucelle Phthie, laquelle demeuroit en JE^ie; en Feu, en Serpent, voire certes en Pusse, en Atomes Epicureicques, ou, magistronostralement, en secondes intentions. Je le vous grupperay au crue. Et scavez que luy feray? Cor bien, ce que feist Saturne au Ciel son père. Senecque l'a de moy predict, et Lactance confirmé : ce que Rhea fit à Athys; je vous luy coupperay les couillons tout rasibus du cul. Il ne

T. I. as

s'en fauldra un pelet. Par ceste raison ne sera il jamais Pape, car îesiiculos non habet. — Tout beau, fillot, dist Pantagruel, tout beau. Ouvrez pour la seconde fois. « Lors rencontra ce vers :

Memhra quatit, gelidusqiie coït forniidiiu sa» guis.

Les os luy rompt, et les membres luy casse : Dont de la paour le sang on corps luy glasse.

« Il dénote, dist Pantagruel, qu'elle vous battera dos et ventre. — Au rebours, respondit Panurgc, c'est de moy qu'il prognosticque, et dit que je la batteray en tigre, si elle me fasche. Martin baston en fera l'office. En faulte de baston, le Diable me mange si je ne la mangeroys toute vive, comme la sienne mangea Cambles, roy des Lydiens. — Vous estes, dist Pantagruel, bien couraigeux; Hercules ne vous combatteroit en ceste fureur, mais c'est ce que l'on dict que le Jan en vault deux, et Hercules seul n'osa contre deux combattre. — Je suis Jan? dist Panurge. — Rien, rien, respondit Pantagruel. Je pensois au jeu de lourche et tricquetrac. »

Au tiers coup, rencontra ce vers :

Fcmineo prccdce et spoliorum ardehat aniore.

Brusloit d'ardeur, en féminin usaige, De butiner et robcr le bagaige.

u II dénote, dist Pantagruel, qu'elle vous desrobera. Et je vous voy bien en poinct, selon ces troys sors : vous serez coqu, vous serez batu, vous serez desrobé.

— Au rebours, respondit Panurge, ce vers dénote qu'elle m'aymera d'amour perfaict. Oncqucs n'en mentit le Satyricque, quand il dist que fcmm::, bruslant d'amour suprême prend quelques foys plaisir à, dcsrober son amy. Sçavez quoy? Un gand. une aiguillette pour la faire chercher. Peu de chose, rien d'importance. Pareillement, ces petites noisettes, ces

riottes, qui par certains temps sourdent entre les amans, sont nouveaulx rcfraischissemens et aiguillons d'amour, comme nous voyons par exemple les coultelliers leurs coz quelquefoys marteller, pour mieulx aiguiser les ferrements. C'est pourquoy je prends ces troys sors à mon grand adventaige. Aultremcnt j'en appelle. — Appcllcr, dist Pantagruel, jamais on ne peult des jugemens décidez par Sort et Fortune, comme attestent nos antiques Jurisconsultes, et le dict Balde, L. ult. C. de kg. La raison est pource que Fortune ne recongnoist poinct de supérieur, auquel d'elle et de ses sors on puisse appcller. Et ne pcult, en ce cas, le mineur cstre en son entier restitué, comme apertement il dit, in L. ait prœtor, § vît 77. de Minor. »