C. incamatif

'C Couillon hacquebutant, couillon cuUetant, frère Jan mon amy, je te porte révérence bien grande, et te reservoys à bonne bouche : je te prie, diz mo}- ton advis. Me doibs je marier ou non ? »

Frère Jan luy respondit en alaigresse d'esprit, disant : « Marie toy de par le Diable, marie toy, et carillonne à doubles carillons de couillons. Je diz et entends le plus toust que faire pourras. Des huy au soir faiz en crier les bancs et le challit. Vertus Dieu, à quand te veulx tu reserver ? Sçaiz tu pas bien

que la fin du monde approche? Nous en sommes îiuy plus prés de deux trabutz et demie toise que n'estions avant hier. L' Antichrist est desja né, ce m'a l'on dict. Vray est qu'il ne faict encores que esgratigner sa nourrice et ses gouvernantes, et ne monstres encores les thesaurs, car il est encores petit. Crescite. Nos qui vivimus, multiplicamini ; il est escript. C'est matière de bréviaire. Tant que le sac de bled ne vaille trois patacz, et le bussart de vin, que six blancs. Voudrois tu bien qu'on te trouvast les couilles pleines au jugement, diini venerit jiidicare?

— Tu as, dist Panurge, l'esprit moult limpide et serain, frère Jan, couillon ^Métropolitain, et parlez pertinemment. C'est ce dont Leander de Abyde en Asie, nageant par la mer Hellesponte, pour visiter s'amie Hero, de Seste en Europe, prioit Neptune et tous les Dieux marins :

Si, en allant, je suis de vous choyé.

Peu au retour me chault d'estre noyé.

Il ne vouloit point mourir les couilles pleines. Et suis d'advis que, dorénavant, en tout mon Salmigondinoys, quand on voudra par justice exécuter quelque malfaicteur, un jour ou deux davant on le fasse brisgoutter en Onocrotale, si bien que en tous ses vases spermaticques ne reste de quoy protraire un Y Gregoys. Chose si précieuse ne doibt estre follement perdue. Par adventure, engendrera il un home. Ainsi mourra il sans regret, laissant home pour home. »