CHAPITRE XXXIX

COMMENT PANTAGRUEL ASSISTE AU JUGEMENT DU JUGE BRIDOYE LEQUEL SENTENTIOIT LES PROCES AU SORT DES DEZ

Au jour subséquent, à heure de l'assignation, Pantagruel arriva en Myrelingues. Les Président, Sénateurs et Conseillers

leprierent entrer avecques eux, et ouyr la décision des causes et raisons que allegueroit Bridoye, pour quoy auroit donné certaine sentence contre l'esleu Toucheronde, laquelle ne sembloit du tout équitable à icelle Court centum virale. Pantagruel entre voluntiers, et là trouve Bridoye on mylieu du parquet assis : et, pour toutes raisons et excuses, rien plus ne respondant, sinon qu'il estoit vieulx devenu, et qu'il n'avoit la veue tant bonne comme de coustume; alléguant plusieurs misères et calamitez, que vieillesse apporte avecques soy, lesquelles not. perArchid. D. lxxxvi c. tanta. Pourtant ne congnoissoit il tant distinctement les poinctz des dez, comme avoit faict par le passé. Dont pouvoit estre qu'en la façon que Isaac, vieulx et mal voyant, print Jacob pour Esaii, ainsi, à la décision du procès dont estoit question, il auroit prins un quatre pour un cinq; notamment réfèrent que lors il avoit usé de ses petits dez. Et que, par disposition de droict, les imperfections de Nature ne doibvent estre imputées à crime, comme appert, ^. de re milit. l. qui cum uno. i). de veg. juv. l. fera. -Q. de edil. éd. per totum, -Q. de term. mod. l. Divus Adrianus résolut, per Liid. Ro. in l. si vero. ■§. fol. matr. Et qui aultrement feroit non l'home accuseroit, mais Nature, comme est e\àdent. in l. maximum vitium C. de lib. prœier.

« Quelz dez, demandoit Trinquamelle, grand président d'icelle court, mon amy, entendez vous? — Les dez, respondit Bridoye, des jugemens. Alea judiciorum, desquelz est escrit par Docto. 26. qitœst. 2. cap. Sors. l. nec emptio. ■§. de contrahend. empt. quod debetiir. ff. de pecul. et ihi Barihol. ; et des quelz dez vous aultres Messieurs ordinairement usez en ceste vostre cour souveraine : aussi font tous aultres juges en décision des procès, suivans ce qu'en a noté D. Hen. Ferrandat, et not. gl. in. c. fin. de sortil, et l. sed cum amho -ff. de jud. Ubi doct. notent que le sort est fort bon, honneste, utile et nécessaire à la vuidange des procès et dissçntions. Plus encores apertement l'ont dict Bald. Bartol et Alex. C. communia, de

PANTAGRUEL aJj

leg. Si duo. — Et comment, demandoit Trinquamelle, faites vous, mon amy? — Je, respondit Bridoye, responderay briefvement, selon l'enseignement de la loy ampliorem, § in refittatoriis. C. de appela, et ce que dit gloss. l. I. ;. ff. quod met. causa. Gaiident hrevitate nioderni. Je fays comme vous aultrès, Messieurs, et comme est l'usance de judicature, à laquelle nos droictz commendent tousjours déférer : tit not. extra de consuet. c. ex literis. et ibi hmoc.

<( Ayant bien veu reveu, leu, releu, parepassé et feueilleté les complainctes, adjournemens, comparitions, commissions, informations, avant procédez, productions, alleguations, intenditz, contredictz, requestes, enquestes, repLicques, dupliques, tripliques, escriptures, reproches, griefz, salvations, recoUemens, confrontations, acariations, libelles, apostoles, lettres royaulx, compulsoires, declinatoires, anticipatoires, évocations, envoyz, renvoyz, conclusions, fins de non procéder, apoinctemens, reliefz, confessions, exploictz, et aultres telles dragées et espisseries d'une part et d'aultre, comme doibt faire le bon juge scelon ce qu'en a not. Spec. de ordinario § 3. et Ht. de offic. omn. jud. § fin. et de rescriptis prœsentata, § i, je pose sur le bout de la table en mon cabinet tous les sacs du défendeur, et luy livre chanse premièrement, comme vous aultres, Messieurs. Et est not. l. favorahiliores. ■Q. de reg. jur. et in cap. cum sunt. eod. lit. lib. VI, qui dict : Cum sunt partium jura ohscura, reo favendum est potins quam actori. Cela faict, je pose les sacs du demandeur, comme vous aultres. Messieurs, sus l'aultre bout, visum visu. Car, opposita juxta se posita magis elucescunt, ut not. in l. I, § videamus. ff. de his qui sunt sui vel alieni juris. et in l. muneruni. § mixta. ■Q. de muner. et honor. Pareillement, et quant et quant je luy livre chanse.

— ■ Mais, demandoit Trinquamelle, mon amy, à quoy congnoissez vous l'obscurité des droictz pretenduz par les parties plaidoiantes? — Comme vous aultres, Messieurs, respondit

Bridoye, sçavoir est quand il y a beaucoup de sacs d'une part et de aultre. Et lors je use de mes petitz dez, comme vous aultres, Messieurs, suivant la loy; semper in stipulationihits. -Q. de regulis juris, et la loy versale versifiée qtiœ eod. tit.

Semper in obscuris qnod minimum est sequimur,

canonizée in c. in obscuris. eod. Ht. lib. VI.

« J'ay d'aultres gros dez bien beaulx et harmonieux, des quelz je use, comme vous aultres, Messieurs, quand la matière est plus liquide, c'est à dire quand moins y a de sacs. — Cela faict, demandoit Trinquamelle, comment sententiez vous, mon amy? — Comme vous aultres, Messieurs, respondit Bridoye; pour celluy je donne sentence duquel la chanse livrée par le sort du dez judiciaire, Tribunian, pretorial, premier ad\'ient. Ainsi commendent nos droictz, ff. qui pot. in pign. î. potior. creditor. C. de consul., l. I. Et de reguïis jiiris in 6. Oui prior est tempore, potior est jure. »