CHAPITRE XLIV
COMMENT PANTAGRUEL RACOMPTE UNE ESTRANGE HISTOIRE DES PERPLEXITÉS DU JUGEMENT HUMAIN
« Comme feut (dist Pantagruel) la controverse débattue devant Cn. Dolabella, proconsul en Asie. Le cas est tel : Une femme, en Sm>Tne, de son premier mary eut un enfant nommé Abecé. Le m.ary defunct, après certain temps elle se remaria; et, de son second mary, eut un filz nommé Efîege. Advint (comme vous sçavez que rare est l'afîection des peratres, vitrices, noverces et meratres envers les privings et enfans des defuncts premiers pères et mères), que cestuy mary et son filz occultement, en trahison, de guet apens, tuèrent Abecé. La femme, entendant la trahison et meschanceté, ne voulut le forfaict rester impuny, et les feist mourir
446 LIVRE m, CHAPITRE XLIV
tous deux, vengeante la mort de son filz premier. Elle feut par la justice appréhendée, et menée devant Cn. Dolabella. En sa présence elle confessa le cas, sans rien dissimuler ; seulement alleguoit que, de droict et par raison, elle les avoit occiï. C'estoit Testât du procès.
« Il trouva l'afîaire tant ambigu qu'il ne sçavoit en quelle partie incliner. Le crime de la femme est oit grand, laquelle avoit occis ses mary second et enfant; mais la cause du meurtre luy sembloit tant naturelle, et comme fondée en droict des peuples, veu qu'ilz avoicnt tué son filz premier, eux ensemble, en trahison, de guet apens, non par luy oultragez ne injuriez, seulement par avarice de occuper le total héritage, que, pour la décision il envoya es Arcopagites en Athènes, entendre quel seroit sur ce leur advis et jugement. Les Areopagites firent response que, cent ans après, personnellement on leur envoiast les parties contendentes, affin de respondre à certains interrogatoires, qui n'estoient au procès verbal contcnuz. C'estoit à dire que tant grande leur sembloit la perplexité et obscurité de la matière qu'ilz ne sçavoient qu'en dire ne juger. Oui eust décidé le cas au sort des dez, il n'eust erré, advint ce que pourroit : si contre la femme, elle meritoit punition, veu qu'elle avoit faict la vengence de soy, laquelle appartenoit à Justice; si pour la femme, elle sembloit avoir eu cause de douleur atroce. Mais, en Bridoye, la continuation de tant d'années me estonne.
— Je ne sçaurois, respondit Epistemon, à vostre demande categoricquement respondre. Force est que le confesse. Conjecturallement, je refererois cestuy heur de jugement en l'aspect bénévole des cieulx, et faveur des Intelligences motrices. Les quelles, en contemplation de la simplicité et affection syncere du juge Bridoye, qui soy desfiant de son sçavoir et capacité, congnoissant les antinomies et contrarietez- des loix, des edictz, des coustumes et ordonnances; entendent la fraude du Calumniateur infernal, lequel souvent se transfi-
gure en messagier de lumière par ses ministres, les pervers advocatz, Conseilliers, Procureurs, et aultres telz suppotz, tourne le noir en blanc, faict fantasticquement sembler à l'une et l'aultre partie qu'elle a bon droict (comme vous sçavez qu'il n'est si maulvaise cause qui ne trouve son advocat, sans cela jamais ne seroit procès on monde) ; se recommenderoit humblement à Dieu le juste juge, invocqueroit à son ayde la grâce céleste, se deporteroit, en l'esprit sacrosainct, du hazard et perplexité de sentence définitive, et, par ce sort, cxploreroit son décret et bon plaisir, que nous appelions Arrest : remueroient et tourneroient les dez pour tomber en chance de celluy qui, muny de juste complaincte, requerroit son bon droict cstre par Justice maintenu : comme disent les Talmudistes, en sort n'cstre mal aulcun contenu; seulement, par sort estre, en anxiété et doubte des humains, manifestée la voluntc divine.
« Je ne vouldrois penser ne dire, aussi certes ne croy je, tant anormale estre l'iniquité et corruptele tant évidente de ceulx qui de droit respondcnt en icelluy parlement Myrelinguois en Myrelingues, que piremcnt ne seroit un procès décidé par ject de dez, advint ce que pourroit, qu'il est passant par leurs mains pleines de sang et de perverse affection. Attendu mesmement que tout leur directoire en judicature usuale a esté baillé par un Tribunian, home mescréant, infidèle, barbare, tant mahng, tant pervers, tant avare et inique, qu'il vendoit les loix, les edictz, les rcscriptz, les constitutions et ordonnances, en purs deniers, à la partie plus offrante. Et ainsi leurs a taillé leurs morseaulx par ces petits boutz et eschantillons de loix qu'ils ont en usaige ; le reste supprimant et aboUssant, qui faisoit pour la loy totale : de paour que, la loy entière restante, et les U\'Tes des antiques Jurisconsultes veuz sus l'exposition des douze Tables et edictz des Prêteurs, feust du monde apertement sa meschanceté congneue,
* Pourtant seroit ce souvent meilleur 'c'est à dire moins de
mal en adviendroit) es parties controverses marcher sus chausses trapes que de son droict soy déporter en leurs responses et jugemens, comme soubhaitoit Caton de son temps, et conseilloit que la court judiciaire feust de chausses trappes pavée. »
