CHAPITRE L

COMMENT DOIBT ESTRE PREPARé ET MIS EN ŒUVRE LE CELEBRE P ANTAGRUELION

On pare le Pantagruelion sous l'equinoxe automnal en diverses manières, selon la phantaisie des peuples, et diversité des pays. L'enseignement premier de Pantagruel feut, le tige d'icelle devestir de feueilles et semence, le macérer en eau stagnante, non courante, par cinq jours, si le temps est sec et l'eau chaulde ; par neuf, ou douze, si le temps est nubileux et l'eau froyde; puis au Soleil le seicher, puis à l'umbre l'excorticquer, et séparer les fibres (es quelles, comme avons dict, consiste tout son pris et valeur) de la partie ligneuse, laquelle est inutile, fors qu'à faire flambe lumineuse, allumer le feu, et, pour l'esbat des petitz enfans, enfler les vessies de porc. D'elle usent aulcunesfoys les frians à cachettes, comme de Syphons, pour sugser et avecques l'haleine attirer le vin nouveau par le bondon.

Quelques Pantagruelistes modernes, evitans le labeur des mains qui seroit à faire tel départ, usent de certains instrumens catharactes, composez à la forme que Juno la fascheuse tenoit les doigts de ses mains Uez pour empescher l'enfantement de Alcmene, mère de Hercules. Et, à travers icelluy, contundent et brisent la partie ligneuse, et la rendent inutile, pour en saulver les fibres. En ceste seule préparation acquiescent ceulx qui, contre l'opinion de tout le monde, et en manière paradoxe à tous Philosophes, guaingnent leur vie à reculons. Ceulx qui à profict plus évident la veulent avalluer, font ce que l'on nous compte du passe temps des trois sœurs Parces, de l'esbattement nocturne de la noble Circé et de la longue excuse de Pénélope envers ses muguetz amoureux,

pendant l'absence de son mary Ulyxes. Ainsi elle est mise en ses inestimables vertus, des quelles vous cxpouseray partie (car le tout est à moy vous expouser impossible) si devant vous interprète la dénomination d'icelle.

Je trouve que les plantes sont nommées en diverses manières. Les unes ont prins le nom de celluy qui premier les inventa, congneut, monstra, cultiva, apprivoisa et appropria; comme mercuriale, de Mercure; panacea, de Panace, fille de iEsculapius; armoise, de Artemis, qui est Diane; eupatoire, du roy Eupator; telephiimti, de Telephus; euphorbium, de Euphorbus, medicin du roy Juba; cl^onenos, de Clymenus; alcibiadion, de Alcibiades; gentiane, de Gentius, roy de Sclavonie. Et tant a esté jadis estimée ceste prérogative de imposer son nom aux herbes inventées que, comme feut controverse meue, entre Neptune et Pallas, de qui prendroit nom la terre par eulx deux ensemblement trouvée, qui depuys feut Athènes dicte, de Athené, c'est à dire Minerve : pareillement Lyncus roy de Scythie, se mist en effort de occire en trahison le jeune Triptoleme, envoyé par Ceres pour es homes monstrer le froment lors encore incongneu, affin que, par la mort d'icelluy, il imposast son nom, et feust en honneur et gloire immortelle dict inventeur de ce grain tant utile et nécessaire à la vie humaine. Pour laquelle trahison feut par Ceres transformé en Oince ou Loupcervier. Pareillement, grandes et longues guerres feurent jadis meues entre certains Rois de séjour en Cappadoce, pour ce seul différent, du nom des quelz seroit une herbe nommée : laquelle, pour tel débat, feut dicte Polemonia, comme Guerroyere.

Les aultres ont retenu le nom des régions des quelles feurent ailleurs transportées, comme pommes Medices, ce sont Poncires de Medie, en laquelle furent premièrement trouvées ; pommes punicques, ce sont grenades, apportées de Punicie, c'est Carthage. Ligusticum, c'est Livesche, apportée de Ligurie , c'est la couste de Gènes; Rhabarbe, du fleuve barbare nommé

Rha, comme atteste Ammianiis; Santonicque, fenu grec, Castanes, Persicques, Sabine; Stœchas, de mes islcs Hieres, anticquem.ent dictes Stœchades; Spica Celtica, et aultres.

Les aultres ont leur nom par antiphrase et contrariété : comme Absynthe, au contraire de pynthe, car il est fascheux à boyre. Holosteon, c'est tout de os; au contraire, car herbe n'est en nature plus fragile et plus tendre qu'il est.

Autres sont nommées par leurs vertus et opérations, comme Arisiolochia, qui ayde les femmes en mal d'enfant; Lichen, qui guérit les maladies de son nom; Maulve, qui molhfie; Callithricum, qui faict les cheveulx beaulx; Alyssimi, Ephemerum, Bechhim, Nasiuriium, qui est cresson alenoys; hyoscyame, hanebanes, et aultres.

Les aultres, par les admirables quaUtez qu'on a veu en elles, comme Héliotrope, c'est soulcil, qui suyt le Soleil. Car le Soleil levant, il s'espanouit; montant, il monte; déclinant, il décline; soy cachant, il se cloust. Adiantum : car jamais ne retient humidité, quoy qu'il naisse près les eaulx, et quoy qu'on le plongeast en eaue par bien long temps; Hieracia, Eryngion, et aultres.

Aultres, par métamorphose d'hommes et femmes de nom semblable : comme daphné, c'est laurier, de Daphné; myrte, de Myrsine; pitys, de Pitys; Cynara, c'est artichault; Narcisse, Saphran, Smilax, et aultres.

Aultres, par simihtude, comme Hippuvis (c'est presle), cai elle ressemble à queue de cheval; Alopecuros, qui semble à la queue de renard ; Psyîlion, qui semble à la pusse ; Delphïnium, au daulphin; Buglosse, à langue de bœuf; Iris, à l'arc en ciel, en ses fleurs; Myosota, à l'aureille de souriz; Coronopus, au pied de corneille, et aultres.

Pa,r reciprocque dénomination sont dicts les Fabies, des febves; les Pisons, des poys; les Lentules, des lentilles; les Cicerons, des poys Chiches, Comme encores, par plus haulte ressemblance, est dict le nombril de Venus, les cheveux de

Venus, la cuve de Venus, la barbe de Juppiter, l'œil de Jupiter, le sang de Mars, les doigtz de iMercure : hermodactyles, et aultres.

Les aultres, de leurs formes : comme trefeueil qui a trois feuilles; peniaphyllon, qui a cinq feuilles; serpollet, qui herpe contre terre; helxine, petasites, myrobalans, que les Arabes appellent heen, car ilz semblent à gland, et sont unctueux.