SUS MER

ET DE l'herbe NOMMÉE PANT AGRUELION

Peu de jours après, Pantagruel, avoir prins congié du bon Gargantua, luy bien priant pour le voyage de son filz, arriva au port de Thalasse, prés Sammalo, accompaigncde Panurge, Epistemon, frère Jan des Entommeures, abbé de Theleme, et aultres de la noble maison; notamment de Xenomanes, le grand voyageur et traverseur des voyes périlleuses, lequel estoit venu au mandement de Panurge, parce qu'il tenoit je ne sçay quoy en arrière fief de 1^ chastellenie de Salmiguondin. Là arrivés, Pantagruel dressa équipage de navires, à nom-

bre de celles que Ajax de Salamine avoit jadis menées en convoy des Gregoys à Troie. Xauchiers, pilotz. hespaliers, truschemens, artisans, gens de guerre, vivres, artillerie, munitions, robbes, deniers, et aultres bardes print et chargea, comme estoit besoing pour long et hazardeux voyage. Entre aultres choses, je veids qu'il feist charger grande foison de son herbe Pantagruelion, tant verde et crude que conficte et préparée.

L'herbe Pantagruelion a racine petite, durette, rondelette, finante en poincte obtuse, blanche, à peu de fillamens, et n'est profonde en terre plus d'une coubdée. De la racine procède un tige unicque, rond, ferulacé, verd au dehors, blanchissant au dedans, concave, comme le tige de Smyrnium, olus atrum, febves, et gentiane; hgneux, droict, friable, crénelé quelque peu en forme de columnes legierement striées, plein de fibres, esquelles consiste toute la dignité de l'herbe, mesmement en la partie dite mesa, comme moyene, et celle qui est dicte mylasea. La haulteur d'icelluy communément est de cinq à six pieds. Aulcunes foys excède la haulteur d'une lance : sçavoir est quand il rencontre terrouoir doux, uHgineulx, legier, humide sans froydure, comme est Olone, et celui de Rosea prés Preneste en Sabinie ; et que pluye ne luy deffault environ les Feries des pescheurs et Solstice estival. Et surpasse la haulteur des arbres, comme vous dictez Dendromalache par l'authorité de Théophraste, quoy que l'herbe soit par chascun an dépérissante, non arbre en racine, tronc, caudice, et rameaux perdurante. Et du tige sortent gros et fors rameaux. Les feueilles a longues trois foys plus que larges, verdes tous jours, asprettes comme l'Orcanette, durettes, incisées autour comme une faulcille, et comme la Betoine; finissantes en poinctes de Sarisse Macedonicque, et comme une lancette dont usent les Chirurgiens. La figure d'icelles peu est différente des feueilles de Fresne et Aigremoine; et tant semblable à Eupatoire que plusieurs herbiers, l'ayant

dicte domesticque, ont dict Eupatoire estre Pantagruelion saulvaginé. Et sont par rangs en eguale distance esparses au tour du tige en rotondité, par nombre en chascun ordre ou de cinq ou de sept. Tant l'a chérie nature qu'elle l'a douce, en ses feueilles, de ces deux nombres impars, tant divins et mystérieux. L'odeur d'icelles est fort et peu plaisant aux nez delicatz.

La semence provient vers le chef du tige, et peu au-dcssoubs. Elle est numereusc, autant que d'herbe qui soit : sphericque, oblongue, rhomboïde, noire claire et comme tannée, durette, couverte de robbe fragile, délicieuse à tous oyseaulx canores, comme Linottes, Chardriers, Alouettes, Serins, Tarins, et aultres. Mais estainct en l'home la semence generative, qui en mangeroit beaucoup et souvent. Et, quoy que jadis entre les Grecs d'icelle l'on feist certaines espèces de fricassées, tartes et beuignetz, les quelz ilz mangeroient après soupper par friandise, et pour trouver le vin meilleur, si est ce qu'elle est de difficile concoction, offense l'estomach, engendre mauvais sang, et par son excessive chaleur ferit le cerveau, et remplit la teste de fascheuses et douloureuses vapeurs. Et. comme en plusieurs plantes sont deux sexes, masle et femelle, ce que voyons es Lauriers, Palmes, Chesnes, Heouses, Asphodèle, Mandragore, Fougère, Agaric, Aristolochie, Cyprès, Terebynthe, Pouliot, Péone, et aultres, aussi en ceste herbe y a masle, qui ne porte fleur aulcune, mais abonde en semence ; et femelle, qui foisonne en petites fleurs blanchastres, inutiles, et ne porte semence qui vaille : et, comme est des aultres semblables, ha la feuille plus large, moins dure que le masle, et ne croist en pareille haulteur. On semé cestuy Pantagruelion à la nouvelle venue des Hyrondelles, on le tire de terre lors que les Cigalles commencent à s'enrouer;