PROLOGUE DE L'AUTEUR

Beuveurs très illustres et vous Véroles très précieux (car à vous, non à aultres, sont dédiez mes escriptz) — Alcibiades, au dialogue de Platon, intitulé le Bancqiiet, louant son précepteur Socrates, sans controverse prince des philosophes, entre aultres paroUes le dit estre semblable es Silènes. Silènes estoient jadis petites boites, telles que voyons de présent es bouticques des apothecaires, pinctes au dessus de figures joyeuses et frivoles, comme de harpies, satyres, oisons bridez, lièvres cornuz, canes bastées, boucqs volans, cerfz limonniers, et aultres telles pinctures contrefaictes à plaisir pour exciter le monde à rire (quel fut Silène, maistre du bon Bacchus) ; mais, au dedans l'on reservoit les fines drogues, comme baulme, ambre gris, amomon, musc, zivette, pierreries, et aultres choses précieuses. Tel disoit estre Socrates, parce que, le voyans au dehors et l'estimans par l'exteriore apparence, n'en eussiez donné un coupeau d'oignon, tant laid il estoit de corps, et ridicule en son maintien ; le nez pointu, le reguard d'un taureau, le visaige d'un fol, simple en meurs, rustiq en vestimens, pauvre de fortune, infortuné en femmes, inepte à tous offices de la republique, tousjours riant, tousjours beuvant d'autant à un chascun, tousjours se guabelant, tousjours dissimulant son di\dn sçavoir; mais, ouvrans caste boite, eussiez au dedans trouvé une céleste et impre-