COMMENT ON VESTIT GARGANTUA

Luy estant en cest eage, son père ordonna qu'on luy feist habillemens à sa livrée, laquelle estoit blanc et bleu. De faict on y besoigna, et furent faictz, taillez et cousuz à la mode qui pour lors couroit. Par les anciennes pantarches qui sont en la Chambre des Comptes à Montsoreau, je trouve qu'il fut vestu en la façon que s'ensuyt :

Pour sa chemise furent levées neuf cens aulnes de toille de Chasteleraud, et deux cens pour les coussons en sorte de carreaulx, lesquelz on mist sous les esselles. Et n' estoit poinct froncée, car la fronsure des chemises n'a esté inventée sinon depuis que les lingieres, lorsque la poincte de leur agueille estoit rompue, ont commencé besoigner du cul.

Pour son pourpoinct furent levées huyt cens treize aulnes de satin blanc, et pour les agueillettes, quinze cens neuf peaulx et demye de chiens. Lors commença le monde attacher les chausses au pourpoinct, et non le pourpoinct aux chausses, car c'est chose contre nature, comme amplement a

déclaré Ockam sus les Exponihles de M. Haultechaussade.

Pour ses chausses furent levez onze cens cinq, aulnes et ung tiers d'estamet blanc. Et feurent descîiiquetéz en forme de colomnes striées et crénelées par le derrière, afin de n'eschauffer les reins. Etflocquoit, par dedans la deschicqu.eteure, de damas bleu tant que besoing estoit. Et notez qu'il avoil très belles griefves, et bien proportionnez au reste de sa stature.

Pour la braguette furent levées seize aulnes un quartier d'icelluy mesme drap. Et fut la forme d'icelle comme d'un arc boutant, bien estachée joyeusement à deux belles boucles d'or, que prenoient deux crochetz d'esmail, en un chascun desquelz estoit enchâssée une grosse esmeraugde de la grosseur d'une pomme d'orange. Car (ainsi que dict Orpheus, lihro De Lapidihus, et Pline, lihro ultimo) elle a vertu erective et confortative du membre naturel. L'exiture de la braguette estoit à la longueur d'une canne, deschicquetée comme les chausses, avecques le damas bleu flottant comme davant. Mais, voyans la belle brodure de canetille, et les plaisans entrelatz d'orfeverie garniz de fins diamens, fins rubiz, fines turquoises, fines esmeraugdes, et unions Persicques, vous l'eussiez comparée à une belle corne d'abondance, telle que voyez es antiquailles, et telle que donna Rhéa es deux nymphes Adrastea et Ida, nourrices de Jupiter; — tousjours gualante, succulente, resudante, tousjours verdoyante, tousjours fleurissante, tousjours fructifiante, plene d'humeurs, plene de fleurs, plene de fruictz, plene de toutes dehces. Je advoue Dieu s'il ne la faisoit bon veoir. Mais je vous en exposeray bien dadvantaige au livre que j'ay faict De la dignité des braguettes. D'un cas vous advertis que, si elle estoit bien longue et bien ample, si estoit elle bien guarnie au dedans et bien avitaillée, en rien ne ressemblant les hypocriticques braguettes d'un tas de muguetz, qui ne sont plenes que de vent, au grand interest du sexe féminin.

Pour ses souliers furent levées quatre cens six aulnes de velours bleu cramoysi. Et furent deschiquetés mignonement par lignes parallelles joinctes en cylindres uniformes. Pour la quarreleure d'iceulx furent employez unze cens peaulx de vache brune, taillées à queues de merluz.

Pour son saie furent levez dix et huyt cens aulnes de velours bleu tainct en grene, brodé à l'entour de belles vignettes, et,, par le milieu, de pinthes d'argent de canetiile, enchevestrées de verges d'or avec force perles : par ce dénotant qu'il seroit un bon fessepinthe en son temps.

Sa ceincture fut de trois cens aulnes et demye de cerge de soye, moytié blanche et moytié bleue, ou je suis bien abusé.

Son espée ne feut Valentienne, ni son poignard Sarragossoys : car son père hayssoit tous ces indalgos bourrachous, marraniséz comme diables ; mais il eut la belle espée de boys et le poignart de cuir bouilly, pinctz et dorez comme un chascun soubhaiteroit.

Sa bourse fut faicte de la couille d'un orifîant, que lui donna her Pracontal, proconsul de Lybie.

Pour sa robbe furent levées neuf mille six cens aulnes moins deux tiers de velours bleu comme dessus, tout porfilé d'or en figure diagonale, dont, par juste perspective, yssoit une couleur innommée, telle que voyez es coulz des tourterelles, qui resjouissoit merveilleusement les ^^eulx des spectateurs.

Pour son bonnet furent levées troys cens deux aulnes un quart de velours blanc. Et feut la forme d'icelluy large et ronde à la capacité du chief , car son père disoit que ces bonnetz à la Marrabeise, faictz comme une crouste de pasté, porte- Toient quelque jour malencontre à leurs tonduz.

Pour son plumart pourtoit une belle grande plume bleue, prise d'un onocrotal du pays de Hircanie la Saulvaige, bien mignonement pendente sus l'aureille droicte.

Pour son image avoit, en une platine d'or pesant soixante et huyt marcs, une figure d'esmail compétent, en laquelle

estoit pourtraict un corps humain ayant deux testes, l'une virée vers l'autre, quatre bras, quatre piedz et deux culz, telz que dict Platon, ïn Symposio, avoir esté l'humaine nature à son commencement mystic, et autour estoit escrit en lettres Ioniques : 'Ar'AHH O'Y Z'HTE~I T'A 'EAYrHS.

Pour porter au col eut une chaîne d'or pesante vingt et cinq mille soixante et trois marcs d'or, faicte en forme de grosses bacces, entre lesquelles estoient en œuvre gros jaspes verds, engravéz et taillez en dracons, tous environnez de rayes et estincelles, comme les portoit jadis le roy Xecepsos; et descendoit jusques à la boucque du hault ventre : dont, toute sa vie, en eut l'émolument tel que savent les médecins Gregoys.

Pour ses guands furent mises en œuvre seize peaulx de lutins, et troys de loups guarous pour la brodure d'iceulx; et de telle matière luy furent faicts, par l'ordonnance des cabalistes de Sainlouand.

Pour ses aneaulx (lesquelz voulut son père qu'il portast pour renouveller le signe antique de noblesse) il eut, au doigt indice de sa main gauche, une escarboucle grosse comme un oeuf d'austruche, enchâssée en or de seraph bien mignonemenL. Au doigt médical d'icelle, eut un anneau faict des quatre metaulx ensemble en la plus merveilleuse façon que jamais feust veue, sans que l'assier froisseast l'or, sans que l'argent foullast le cuy\Te ; le tout fut faict par le capitaine Chappuys et Alcofribas son bon facteur. Au doigt médical de la dextre eut un anneau faict en forme spirale, auquel estoient enchâssez un balay en perfection, un diamant en poincte, et une esmeraulde de Physon, de pris inestimable, car Hans Carvel, grand lapidaire du roy de Mclinde, les estimoit à la valeur de soixante neuf milhons huyt cens nouante et quatre mille dix et huyt moutons à la grand'laine; autant l'estimèrent les Fourques d'Auxbourg.