LES COULEURS ET LIVRÉE DE GARGANTUA

Les couleurs de Gargantua f eurent blanc et bleu, comme cy dessus avez peu lire, et, par icelles, vouloit son père qu'on entendist que ce luy estoit une joye céleste, car le blanc luy signifioit joye, plaisir, délices et resjouissance, et le bleu, choses célestes.

J'entends bien que, lisans ces motz, vous vous mocquez du vieil beuveur, et reputez l'exposition des couleurs par trop indague et abhorrente : et dictes que blanc signifie foy, et bleu fermeté. Mais, sans vous mouvoir, courroucer, eschauffer, ny altérer (car le temps est dangereux), respondez moy, si bon vous semble, D'aultre contraincte n'useray envers vous, ny aultres quelz qu'ilz soient ; seulement vous diray un mot de la bouteille.

Qui vous meut? Qui vous poinct? Qui vous dict que blanc signifie foy et bleu fermeté? Un (dictes vous) livre trepelu, qui se vend par les bisouars et porteballes, au tiltre : le Blason des Couleurs. Qui l'a faict? Quiconques il soit, en ce a esté prudent qu'il n'y a poinct mis son nom. Mais, au reste, je ne sçay quoy premier en luy je dobive admirer, ou son oultrecuidance, ou se besterie :

son oultrecuidance, qui, sans raison., sans cause et sans apparence, a osé prescripre, de son autorité privée, quelles choses seroient dénotées par les couleurs, ce que est l'usance des tyrans qui voulent leur arbitre tenir lieu de raison, non des saiges et sçavans, qui par raisons manifestes contentent les lecteurs;

sa besterie, qui a existimé que, sans aultres démonstrations

et argumens valables, le monde reigleroit ses devises par ses impositions badaudes.

De faict (comme dict le proverbe: «A cul de foyrard tousjours abonde merde »), il a trouvé quelque reste de niays du temps des haultz bonnetz, lesquelz ont eu foy à ses escrips et selon iceulx ont taillé leurs apophthegmes et dictez, en ont enchevestré leurs muletz, vestu leurs pages, escartelé leurs chausses, brodé leurs guandz, frangé leurs lictz, painct leurs enseignes, composé chansons, et (que pis est) faict impostures et lasches tours clandestinement entre le s pudicques matrones.

En pareilles ténèbres sont comprins ces glorieux de court, et transporteurs de noms, lesquelz, voulens en leurs devises signifier espoir, font pourtraire une sphère; des pennes d'oiseaulx, pour poines ; de Vancholie, pour ineîancholie ; la lune bicorne, pour vivre en croissant ; un banc rompu, pour bancque roupie : non, et un calcret, ^omx non durhabit; un lict sans ciel, pour un licencié, que sont homonymies tant ineptes, tant fades, tant rusticques et barbares, que l'on debvroit atacher une queue de renard au collet, et faire un masque d'une bouze de vache à chascun d'iceulx qui en vouldroit dorénavant user en France, après la restitution des bonnes lettres.

Par mesmes raisons (si raisons les doibs nommer et non resveries) ferois je peindre un penier, dénotant qu'on me faict pener ; et un pot à moustarde, que c'est mon cueur à qui moult tarde; et un pot à pisser, c'est un o^cial; et le fond de mes chausses, c'est un vaisseau de petz ; et ma braguette, c'est le gre-Qe des arrestz ; et un estront de chien, c'est un tronc de céans, où gist l'amour de m'amye.

Bien aultrement faisoient en temps jadis les saiges de Egypte, quand ilz escripvoient par lettres qu'ilz appelloient hiéroglyphiques, lesquels nul n'entendoit qui n'entendist, et un chascun entendoit qui entendist la vertu, propriété et nature des choses par icelles figurées, desquelles Orus Apol-

GARGANTUA 2g

Ion a en grec composé deux li\Tes, et PolypFiiîe au Songe d'Amours en a davantaige exposé. En France, vous en avez quelque transon en la devise de Monsieur l'Admirai, laquelle premier porta Octavian Auguste.

Mais plus oultre ne fera voile mon equif entre ces gouft'res, et guez mal plaisans : je retourne faire scale au port dont je suis yssu. Bien ay je espoir d'en escripre quelque jour plus amplement, et monstrer, tant par raisons philosophicques que par auctoritéz receues et approuvées de toute ancienneté, quelles et quantes couleurs sont en nature, et quoy par une chascune peut estre designé, — si Dieu me sauve le mouUe du bonnet, c'est le pot au vin, comme disoit m.a niere srrand.