CHAPITRE XIV

COMMENT GARGANTUA FUT INSTITUÉ PAr un théologien en lettres LATINES

Ces propos entenduz, le bon homme Grandgousier fut ravy en admiration, considérant le haut sens et merveilleux entendement de son filz Gargantua. Et dist à ses gouvernantes :

« Philippe, roy de Macedone, cognent le bon sens de son hlz Alexandre, à manier dextrement un cheval, car le dict cheval estoit si terrible et si efrené que nul ne osoit monter dessus, parce que à tous ses chevaucheurs il bailloit la saccade, à l'un rompant le coul, à l'aultre les jambes, à l'aultre la cervelle, à l'aultre les mandibules. Ce que considérant Alexandre en l'hippodrome (qui estoit le lieu où l'on pourmenoit et vcltigeoit les chevaulx), advisa que la fureur du cheval ne venoit que de frayeur qu'il prenoit à son umbre. Donc, m.ontant dessus, le feist courir encontre le soleil, si que r umbre tomboit par derrière, et par ce moien rendit le cheval doulx à son vouloir. A quoy cognent son père le divin entendement qui en luy estoit, et le feist très bien endoctriner par Aristoteies, qui pour lors estoit estimé sus tous philosophes de Grèce.

« Mais je vous diz qu'en ce seul propos que j'ay présentement devant vous tenu à mon filz Gargantua, je congnois que son entendement participe de quelque divinité, tant je le voy agu, subtil, profond et serain, et parviendra à degré souverain de sapience, s'il est bien institué. Par ainsi, je veulx le bailler à quelque homme sçavant, pour l'endoctriner selon sa capacité, et n'y veulx rien espargner. »

De faict, l'on luy enseigna un grand docteur en théologie,

nommé maistre Tliubal Holofeme, qui luy aprint sa charte, si bien qu'il la disoitparcueur au rebours; et y fut cinq ans et trois mois. Puis luy leut Donat, le Facet, Tkcodolet, et Alanus in Paraholis, et y fut treze ans six mois et deux sepmaines.

INIais notez que cependent, il lui aprenoit à escripre gotticquement; et escripvoit tous ses li\Tes, car l'art d'impression n'estoit encore en usaige.

Et portoit ordinairement un gros escriptoire, pesant plus de sept mille quintaulx, duquel le gualimart estoit aussi gros et grand que les gros pilliers de Enay, et le cornet y pcndoit à grosses chaînes de fer à la ca,pacité d'un tonneau de marchandise.

Puy luy leugt De modis significandi, avecques les commens de Hurtebize, de Fasquin, de Tropditeux, de Gualehaul, de Jehan le Veau, de Billonio, Brelinguandus, et un tas d'aultres; et y fut plus de dix hu}^ ans et unze mois mois. Et le sceut si bien que au coupelaud il le rendoit par cueur à revers, et prouvoit sus ses doigtz, à sa mère, que de modis significandi non erat scicntia.

Puis luy leugt le Compost, où il fut bien seize ans et deux moys, lors que son dict précepteur mourut; et fut l'an mil quatre cens et vingt, de la vérole qui luy vint.

Après, en eut un aultre vieux tousseux, nommé Maistre Jobelin Bridé, qui luy leugt Hugutio, Hebrard Grecisme, le Doctrinal, les Pars, le Ould est, le Supplenientum, Marmotret, De morihus in niensa servayidis : Seneca De quatuor virtutihus cardinalihus ; Passa vantus cum Cor,nnenio, et Dormi secure pour les f estes; et quelques aultres de semblable farine. A la lecture desquelz il devint aussi saige qu'onques puis ne fourneasmes nous.