CHAPITRE XX
COMMENT LE THÉOLOGIEN EMPORTA SON DRAP, ET COMMENT IL EUT PROCES CONTRE LES SORBOXISTES
Le théologien n'eust si tost achevé que Ponocrates et Eudemon s'esclaffèrent de rire tant profondement que encuide-
rent rendre l'ame à Dieu, ne plus ne moins que CrassuS, voyant un asne couillaii: qui mangeoit des chardons, et comme Philemon, voyant un asne qui mangeoit les figues qu'on avoit apresté pour le disner, mourut de force de rire. Ensemble eulx commença rire Maistre Janotus, à qui mieulx mieulx, tant que les larmes leur venoient es yculx, par la véhémente concution de la substance du cerveau, à laquelle furent exprimées ces humiditez lachrymales, et transcoullées jouxte les nerfs optiques. En quoy par eux estoit Democrite heraclitizant, et Keraclyte democritizant représenté.
Ces rvs du tout sedez, consulta Gargantua avecques ses gens sur ce qu'estoit de faire. Là feut Ponocrates d'advis qu'on feist rebo}T:e ce bel orateur, et, veu qu'il leur avoit donné du passetemps, et plus faict rire que n'eust [fait] Songecreux, qu'on luy baillast les dix pans de saulcice mentionnez en la joyeuse harangue, avecques une paire de chausses, troys cens de gros bois de moulle, vingt et cinq muitz de vin, un lict à triple couche de plume anserine, et une escuelle bien capable et profonde, lesquelles disoit estre à sa vieillesse nécessaires.
Le tout fut faist ainsi qu'avoit esté deUberé, excepté que Gargantua, doubtant que on ne trouvast à l'heure chausses commodes pour ses jambes, doubtant aussy de quelle façon mieulx duyroient audict orateur, ou à la martingualle, qui est un pont levis de cul pour plus aisément fianter, ou à la marinière pour mieulx soulaiger les roignons , ou à la Souice pour tenir chaulde la bedondaine, ou à queue de meriuz de peur d'eschaufïer les reins, luy feist livrer sept aulnes de drap noir, et troys de blanchet pour la doubleure. Le boys fut porté par les guaingnedeniers ; les maistres es ars portèrent les saulcices et escuelle ; ^Maistre Janot voulut porter le drap. Un desdicts maistres, nommé ISIaistre Jousse Bandouille, luy remonstroit que ce n'estoit honeste ny décent [à] Testât théologal, et qu'il le baillast à quelqu'un d'entre eulx.
« Ha ! dist Janotus, baudet, baudet, tu ne concluds poinct in modo et figura. Voylà de quoy servent les suppositions et parva logicalia. Pannus pro que siipponit? — Confuse, dist Bandouillc, et distrihutive. — Je ne te demande pas, dist Janotus. baudet, quo modo siipponit, mais pro quo ; c'est, baudet, pro tibiis meis. Et pour ce le porteray je egomet, sicut supposiiu:n portât adpositum. » Ainsi l'emporta en tapinois, comme feist Patelin son drap.
Le bon fut quand le tousseux, glorieusement, en plein acte de Sorbone, requist ses chausses et saulcisses; car péremptoirement luy feurcnt déniez, par autant qu'il les avoit eu de Gargantua, selon les informations sus ce faictes. Il leur remonstra que ce avoit esté de gratis et de sa libéralité, par laquelle ilz n'estoient mie absoudz de leurs promesses. Ce nonobstant, luy fut respondu qu'il se contentast de raison, et que aultre bribe n'en auroit.
« Raison? dist Janotus, nous n'en usons poinct céans. Traistrès malheureux, vous ne valez rien; la terre ne porte gens plus mechans que vous estes, je le sçay bien. Ne clochez pas devant les boyteux : j'ai exercé la meschanceté avecques vous. Par la ratte Dieu ! je advertiray le Roy des énormes abus qui sont forgez céans, et par voz mains et meneez, et que je soye ladre s'il ne vous faict tous viiz brusler comme bougres, traistres, hérétiques et séducteurs, ennemys de Dieu et de vertus. »
A ces motz, prindrent articles contre luy; luy, de l'aultre costé, les fit adjourner. Somme, le procès fut retenu par la Court, et y est encores. Les Sorbonicoles, sur ce poinct, ferent veu de ne soy descroter, Maistre Janot avec ses adherens, feist veu de ne se mouscher, jusques à ce qu'en feust dict par arrest définitif.
Par ces veuz, sont jusques à présent demourez et crotteux et morveux, car la Court n'a encores bien grabelé toutes les pièces; l'arrest sera donné es prochaines calendes Grecques,
c'est à dire jamais comme vous sçavez qu'ilz font plus que nature et contre leurs articles propres. Les articles de Paris chantent que Dieu seul peult faire choses infinies. Nature rien ne faict immortel, car elle mect fin et période à toutes choses par elle produictes : car omnia orta cadunt, etc. ; mais ces avalleurs de frimars font les procès devant eux pendens, et infiniz et inmortelz. Ce que faisans, ont donné lieu et vérifié le dict de Chilon, Lacedemonien, consacré en Delphes, disant Misère estre conipaigne de Procès, et gens playdoiens misérables, ca7 plus tost ont fin de leur vie que de leur droict prétendu.
