Héron, peut-être ici petit cochon

LES HABlTA.NS d'AuXKRRE. i3

Sotz amoureux et nouvellelz, Preinent prouffit à grant mesure, Leur prcstant argent à usure, Aifin de tenir en hommage D'iceulx usuriers.

LE VIGNERON

Davantage, Pour contrefaire les bravars, Se laissent tumber aux bazars De malheureté infinie Pour maintenir leur seigneurie.

Et se trouvent mal appointés.

PEUPLE FRANÇOIS

Jeunes gens se sont accointez De ces gras usuriers publiques, Fins Gaultiers, car pleins de traffiques Sont par trop.

JENIN

Sainct Jehan, ce sont mon !

J'ay bien ouy dire au sermon, Que tous usuriers sont dampnés.

LE VIGNERON

Aussi comme gens condempnez, Maintenant que gens de pratique Sont larrons.

JOYEUSETÉ

Leur dit est éthique Et trop sottement allégué.

i4 Satyre pour

PEUPLE FRANÇOIS

Long temps a qu'on a divulgué, Et mesmement touchant ce cas, Que procureux et advocas Ont le bruyt d'estre grans larrons.

Mais ces propos là nous lerrons.

Pour autant, ainsi qu'il me semble, Bon larron est qui larron emble ; N'est il pas vray?

JENIN

Et ouy, par Dieu Usuriers y a en ce lieu Lesquelz ne sçaroient eschapper, Que l'on ne les vienne happer Au ratellier tous en ung tas Des procureurs ou advocas, Veullent ou non.

LE VIGNERON

Il est certain.

JOYEUSETÉ

Pour éviter leur mauvais train Et tous ces propos ennuyeulx, Chanter nous fault de cueur joyeulx Quelque gaillarde chansonnette.

PEUPLE FRANÇOIS

Joyeuseté, ma mignonnette, Vous n'en serez ja esconduicte , Et en sera la chanson dicte.

LES HABITANS dAuXERRE. i5